San Lucas 22:54-66

⁵⁴Niꞌr gulazönëꞌ Jesús len gulachë́ꞌë Lëꞌ ga naꞌ tuꞌschinëꞌ Lëꞌ lidxëꞌ bxuz blau. Pedro nahuëꞌ Jesús ziꞌtuꞌ ziꞌtuꞌz.

⁵⁵Catiꞌ chgulabequiëꞌ guiꞌ löꞌa lidxëꞌ bxuz blau niꞌa nëꞌë bxuz blau naꞌ, gulaböꞌë gdu zbiꞌil raꞌ guiꞌ naꞌ, atiꞌ Pedro grö́ꞌlenëꞌ lequëꞌ tsazxö́n.

⁵⁶Catiꞌ bléꞌibiꞌ‑nëꞌ Pedro tubiꞌ biꞌi ngul huen dxin, niꞌ röꞌzëꞌ raꞌ guiꞌ, buyubiꞌ lëꞌ, rnabiꞌ: ―Bönniꞌ ni dëꞌë caꞌ Jesús.

⁵⁷Gdáꞌbaguëꞌë Pedro, rnëꞌ: ―Ngul, cutu caꞌ núnbëꞌa‑nëꞌ bönniꞌ naꞌ.

⁵⁸Yelatiꞌ gdzey bléꞌinëꞌ Pedro yetúëꞌ bönniꞌ, atiꞌ rnëꞌ: ―Liꞌ daꞌu caꞌ lequëꞌ. Pedro gnëꞌ: ―Bönniꞌ, clëg nedaꞌ.

⁵⁹Yelatiꞌz gdzey, gnëꞌ yetúëꞌ bönniꞌ: ―Le nactë bönniꞌ ni dëꞌë Jesús, le naquëꞌ bönniꞌ Galilea.

⁶⁰Niꞌr Pedro gnëꞌ: ―Bönniꞌ, cutu nözdaꞌ bizxa naꞌ ruꞌu didzaꞌ qui. Tsal niꞌ ruꞌë didzaꞌ ni, laꞌ grö́dxtëbaꞌ zxiꞌn druz.

⁶¹Niꞌr bueycjëꞌ Xanruꞌ ruyúëꞌ Pedro, atiꞌ yajneynëꞌ Pedro xtidzëꞌë Xanruꞌ, ca naꞌ gudxëꞌ lëꞌ: “Ziꞌal cödxbaꞌ zxiꞌn druz naꞌa, liꞌ chgdáꞌbaguꞌu tsonn lzu, gnauꞌ cutu núnbëꞌu nedaꞌ.”

⁶²Burujëꞌ niꞌl Pedro atiꞌ röncz grödxëꞌ.

⁶³Gulutitjëꞌ Jesús bönniꞌ naꞌ zönquëꞌ Lëꞌ, atiꞌ gulaguinëꞌ Lëꞌ.

⁶⁴Niꞌr guluseyjëꞌ lahuëꞌ Jesús, atiꞌ gulagapëꞌë lahuëꞌ len gulanabnëꞌ Lëꞌ, taꞌnë́ꞌ: ―Gnë́yaꞌatscaꞌ. ¿Nuzxa naꞌ gdapaꞌ Liꞌ?

⁶⁵Zianr caꞌ gulanë́ꞌ queëꞌ le gluꞌë döꞌ queëꞌ.

⁶⁶Catiꞌ chzaꞌ reníꞌ dza naꞌ, guludubëꞌ bönniꞌ gul tuꞌzéjniꞌnëꞌ bunách judío len yuguꞌ bxuz uná bëꞌ len bönniꞌ gdauꞌ tuꞌsëdi, atiꞌ gulachë́ꞌë Jesús lauquëꞌ bönniꞌ gdauꞌ taꞌbequi xbey, atiꞌ niꞌ gulanabnëꞌ Lëꞌ,