Luka 22:54-66

⁵⁴Ma dia kinim pa ia, ma dia ben vaire; dia kap ia ta ra kuba i ra tena tinabar i lualua. Petero i murmur maro vailik.

⁵⁵Ba dia tar voto ra iap livuan ta ra gunan, ma dia ki varurung, Petero i ki maravut diat.

⁵⁶Ma tika na vavina i gire ba i ki ta ra kapa na iap, ma i bobobe muka, ma i biti: Go ra tutana dir ga varvaragur bula me.

⁵⁷Ma i varpuai dari: la An, pa iau nunure muka.

⁵⁸A ik namur, ta ra tikai i gire, ma i biti: U bula avat. Petero i biti: To An, iau pata.

⁵⁹Ma namur mulai, ba i par tika na pakana bung, tikai bula i takun vadekdek ia dari: A dovotina, go ra tutana dir ga varvaragur me, tago ia ra te Galilaia.

⁶⁰Petero i biti: To An, pa iau nunure nam u tatike. Ba i tata boko, a loko i riki muka.

⁶¹Ma ra Luluai i lingan, ma i bobe ung Petero. Ma Petero i nuk pa ra tinata kai ra Luluai, ba i ga tatike tana dari: Gori, ba ra loko pa i riki boko, una vautul a varpuai vue iau.

⁶²Ma i irop, ma i tangi mat.

⁶³Ma ra tarai dia vatur vake Iesu, dia kulume, ma dia kita ia.

⁶⁴Dia vi bat ra ura kiau na matana, ma dia biti tana: Una tata na propet ma una vatang nina i tar kita u?

⁶⁵Ma mangoro na tinata bula dia vul ia me.

⁶⁶Ba i tar keake mulai, a umana patuana kai ra tarai dia kivung, a umana tena tinabar, ma ra umana tena tutumu bula diat; ma dia ben ia ta kadia kivung, dia tatike tana: