Luke 22:54-66

⁵⁴Inoke Yeisu hi lib ge hi en pwatanik topowon bwabwatal wali tohouwa wana limiya. Pita i nouliulil eliyaa ana bwaga i gan.

⁵⁵He ginaha hi ton limi ana bakubaku ana luwaluwala, inoke Pita i na i misiyo alonau gamagalau bolo ginaha hi mipainan.

⁵⁶Galok totuwalali etega i kite Pita i misiyo ginaha mwananalina elana, inoke i gayawaan bubun ge i ba, “Tau ya iya al ge alona etega.”

⁵⁷Yaa Pita i alaha i ba, “Galok, tau ya nige ya aatena.”

⁵⁸Sauga nige i yayapu tau etega Pita i kite yaka i ba, “Owa al ge avaliya etega.” Anana i lahe i ba, “Gan, nau nige i oola.”

⁵⁹Sauga ana yapu i ola auwa maisena i mowasi, abwe tau etega i ba balbalgig i ba, “Tunahot tau ya alona etega, kaiwena iya Galili gamagalina.”

⁶⁰Anana Pita i lahe i ba, “Gan, nige ya aatena hauna gun u babaunan ei.” Pita iyoho ya i baaba inoke sauga o kamkam melutauina i kahin.

⁶¹Inoke Babala i tagena pil matana i lihikan Pita elana, yaka abwe Pita Babala wana baaba i nuwatuan, toto i ba, “Bulin ebe kamkam melutauina nigeya ga ni kakahin inoke nu alahagau paeton.”

⁶²Inoke i na i tagil tola ge i kahin nabi.

⁶³Bolo Yeisu hi matahikan, hi talawasi-an ge hi nibinibihan.

⁶⁴Kaliko hi ahe matana hi am kaus ge hi nel elana hi ba, “Ebo owa palopita, inoke u baem eliyama henala ge i nibihiwa?”

⁶⁵Inoke baaba nanakina i gewi al hi baunan eliyana.

⁶⁶Panuwa abwe i mwananal ya, yaka Yudiya wali tonowakau aloliyau topowon bwabwatal ge Logugui ana topankite hi migogo, inoke Yeisu hi pwatanik tologugui o elal.