Luka 4:9-32

⁹Thaj inđarda le ano Jerusalim, čutale najučeste po Hramo, thaj vačarda lese: “Te san e Devleso Čhavo, čude tu katar tele,

¹⁰golese kaj ano Sveto Lil ačhol: 'Vov ka phenol pe melekurenđe te aračhen tut.'

¹¹Thaj: 'ka lol tut ke vasta te ma čalave tut ko bar će pingresa.'”

¹²Thaj o Isus vačarda lese: “Ano Sveto Lil si vačardo: 'Ma iskuši e Rajo e Devle ćire.'”

¹³Thaj kana ačhile sa e iskušenjura, o beng đelo lestar đi aver nesavo vreme.

¹⁴Thaj irisajlo o Isus ano zuralipe e Duxoso ani Galileja, thaj o lafi lestar đelo pe sa e thana.

¹⁵Thaj sikada ane lenđe sinagoge, thaj savore šukar lestar vačarde.

¹⁶Thaj avilo ano foro Nazaret kaj barilo, ko savato palo adeti piro đala sa ani sinagoga, thaj uštilo te čitil.

¹⁷Thaj dije le o Lil e prorokoso e Isaijaso, putarda o Lil thaj arakhlja than kaj sasa pisimo:

¹⁸“O Dux e Rajoso si pe mande, golese kaj pomazisada man thaj bičhalda man te anav o Lačho lafi e čororenđe, te vačarav e phanglenđe kaj ka aven oslobodime, thaj e korenđe kaj ka dičhen, thaj e mučime ka aven mekhle,

¹⁹te vačarav taro lačho berš taro milost e Rajoso.”

²⁰Thaj phanglja o Lil thaj dija e slugase, pale gova bešlo. Thaj savore ani sinagoga dikhlje ane leste:

²¹Thaj o Isus lija te vačarol lenđe: “Avđive, kava so šunden taro Lil pherdilo”.

²²Savorenđe sasa šukar, thaj sesa bahtale kale šukar lafesa so iklilo andaro leso muj, thaj pučlje pe: “Naj li kava e Josifeso čhavo?”

²³Thaj o Isus vačarda lenđe: “Čače, tumen manđe ka vačaren kaja poslovica: 'Lekarona, sastar korkore tut!' So šundam kaj čerdan ano Kafarnaum čher i kate ane ćo than kaj bariljan.'”

²⁴Tegani vačarda: “Čače vačarav tumenđe, nijekh proroko naj manglo ano po than kaj barilo'.”

²⁵A čače vačarav tumenđe: “But đuvlja kase roma mule sesa ano Izrael ano vreme e Ilijaso kana o bršind ni pelo trin berš thaj šov čhon thaj sasa baro bukhalipe pe sa i phuv.

²⁶A o Ilija ni sasa bičhaldo nijekhače lendar, sasa bičhaldo ke abanđijengo foro Sarepta pašo Sidon ki jekh đuvli kaso rom mulo.

²⁷Thaj but sesa gubava ano Izrael ko vreme e prorokoso e Jelisijeso, thaj khoni ni thodilo lendar, nego thodilo o Neman Sirijanco.”

²⁸Thaj savore ani sinagoga pherdile holi kana kava šunde.

²⁹Thaj uštile thaj tradije le avral taro foro, thaj inđarde le ko brego najuče kaj sasa čerdo lengo foro te čhuden le odupral natele.

³⁰A o Isus nakhlo maškar lende, thaj đelo pire dromesa.

³¹Pale gova, o Isus ulilo ano Kafarnaum ano foro Galilejsko, thaj sikada ko đive e savatoso.

³²Thaj čudisajle lese sikaimasa, golese kaj leso vačaripe sasa zuralo.