Ruk 4:9-32

⁹Seitan me Iesu aug Jerusarem aine, sira ane temporu dewam opampa anewa egave yoine. Me wane, “Ge God Usiwa ipewa, mame apa gembovit pisiag aiga.

¹⁰Kuiyawa me tene: ‘Me genan anog ge yaimoyai amaragemtan oya aneya meuma dirumpe.

¹¹Amagwa an den tope, mu nanuwo wan augempe.’”

¹²Iesu gara wane, “Me wane, ‘Ayapan God geuma den ayag yauya.’”

¹³Seitan ayaiviwa undag mame onananewa, me gumbe kum kusida Iesu yankweg aine.

¹⁴Guwawa yusiwa gumbe Iesu Gariri taig onne. Gae meuma birorot aine at visi donawa undag.

¹⁵Iesu sinagogu muma danave toyau munne, sira iyayapan undag waiya waniya.

¹⁶Meve me at Nasaret koka anewa arawa aine. Sabat Kumiwa apa evedni meib aiviwa mina me sinagogu danave unigne. Meve basiatan oya wan yoine.

¹⁷Propeta Aisaya gigirum tenewa paniyawa me wanne. Watabnewa meib tenewa yaune.

¹⁸“Ayapan Guwawa meuma gunap wakene. Kuiyawa me oira gumbe waribiya nedne, gae oraiwa dividivi onan igiyawa gumbo opata watan oya. Me baraunedne onedna. Ne anekna nog igiyawa gumbo anog yankwetan oya watna. Yanga boredmusiawa igiyawa gumbo yangut oraimina atan oya watna. Sira nau ibnawa auemewa waita mumpe ingui amtan oya watna.

¹⁹Ayapan anoiviwa oraiwa bairawan meuma oya opata wag dirumtan oya onedna.”

²⁰Meve me gigirum tenewa paniyawa panne, sira nau aiviwa me wan yanwakene. Sinagogu danave iyayapan yangowo me temtem yaveme.

²¹Iesu amatog mu dirumivi, “Gare mame gae Baiboru mame danave anoenewa natawa uwane.”

²²Iyayapan undag me gumbe dega aya, sira gae demtawa me noive uwanewa gumbe teraya. “Mame me Josep usiwa go,” mu waya.

²³Iesu mu dirumne, “Ne anoeni, ye yaug auya gae mame: ‘Doketa, gembo warinama!’ Sira ye didnegiya, ‘Nu anotu ge Kapenaum danave anawa, mapa at geumawa apa Sira a.’”

²⁴Me wane, “Ne gae natawa veni. Iyayapan propeta me gumbe at meumawa apa bainda den waya.

²⁵Ne watnawa me natawa. Eraija kumiwa danave, kwimin bairawan duwamdesi ge dud 6 danave tobodne. At undag danave kait kokawa ane. Kwapura obiren Isuraeru danave wakeya,

²⁶megara God Eraija den baraune munan aine. Kwapura me Sarepat at Saidon danave apa wakenewa me mekut gumbe aine.

²⁷Propeta Eraija me kumive Isuraeru apa yuwat warumamne iviwa reprosi obiren wakeya, megara bira da den warinamunne. Siria apan Naaman me mekut warinamne.”

²⁸Iyayapan undag sinagogu danave mame anoyawa, mu danopiriwaya.

²⁹Mu wan yoiyeg Iesu atatai iya gwetoimu kokawa yankweg dauwag aine. Sira tui kusi mu gwetoimu muma siya donave aug aine, me aorepe uyug aitan oya.

³⁰Megara Iesu iyayapan danowo unig troag gamben dauwag aine.

³¹Meve Iesu Gariri danave Kapenaum me gwetoimu kokawa aig aine. Sabat Kumiwa apa me amatog toyau munivi.

³²Mu toyau munnewa anog teraya. Kuiyawa gae meuma yusipamit.