Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - لُكِ - لُكِ 4

لُكِ 4:9-32

Help us?
Click on verse(s) to share them!
9عِبُلِسَ مَن نَشَ عَ شَنِن دَرِ سَلَمُ، عَ عَ تِ عَلَ شَ هْرْ مْبَنشِ قَرِ، يِرٍ عِتٍشِ. عَ نَشَ عَ قَلَ عَ بّ، «شَ عَلَ شَ دِ نَن لَنشِ عِ مَ، تُفَن بٍ رَ،
10بَرِ مَ عَ سّبّشِ، ‹عَلَ يَامَرِ قِمَ نّ عَ شَ مَلٍكّيٍ مَ عِ شَ قٍ رَ، عٍ شَ عِ كَنتَ.›
11عَ مَن سّبّشِ، ‹عٍ عٍ بّلّشّيٍ رَ سٌمَ نّ عِ بُن مَ، عٍ عِ رَتٍ عَلَكٌ عِ سَنيِ نَشَ دِن فّمّ رَ.›»
12عِسَ نَشَ عَ يَابِ، «كِتَابُي مَن عَ مَسٍنشِ، ‹عِ نَشَ عِ مَرِفِ عَلَ مَتٌ.›»
13عِبُلِسَ تٌ فّ كَتّ بِرِن نَبَدٍ عَ شَ عِسَ رَتَنتَن، عَ نَشَ كٍلِ عَ شُن مَ، هَن بٍينُن عَ شَ وَشَتِ فبّتّ شَ عَ لِ.
14عِسَ نَشَ فبِلٍن فَلِلٍ بْشِ مَ. عَلَ شَشِلِ سّنِيّنشِ شَ سّنبّ نُ نَ عَ مَ. عَ شَ قٍ شِبَارُ نَشَ سِفَ رَيٍنسٍن نَ يِرٍ بِرِن.
15عِسَ نُ مِشِيٍ شَرَنمَ عٍ شَ سَلِدٍيٍ كُي، بِرِن نُ عَ مَتْشْ.
16عِسَ نَشَ سِفَ نَسَرّتِ، عَ شُرُشِ دّننَشّ. مَلَبُ لْشْي مَ، عَ نَشَ سٌ سَلِدٍ كُي عَلْ عَ نُ دَرِشِ عَ رَ كِ نَشّ، عَ تِ، عَ شَ كِتَابُي شَرَن مِشِيٍ بّ.
17عٍ نَشَ عَننَبِ عٍسَيِ شَ كِتَابُي سٌ عَ يِ. عَ تٌ عَ عِتَلَ، عَ نَشَ يِرٍ تٌ عَ سّبّشِ دّننَشّ،
18«مَرِفِ شَشِلِ نَ ﭑ شُن مَ، بَرِ مَ عَ بَرَ ﭑ سُفَندِ، عَ عَ رَفٌرٌ ﭑ مَ، ﭑ شَ سٍتَرٍيٍ كَوَندِ شِبَارُ قَنيِ رَ. عَ ﭑ شّيشِ نّ ﭑ شَ شّيرَ عِبَ مِشِ سُشُشِيٍ بّ، عٍ شْرّيَمَ نّ، ﭑ شَ شّيرَ عِبَ دْنشُييٍ بّ، عٍ يَ سٍ تٌمَ نّ، ﭑ شَ تْورْ مِشِيٍ شْرّيَ نَشٍيٍ نَ نْي بُن مَ،
19ﭑ شَ شّيرَ عِبَ مِشِيٍ بّ، عَلَ شَ هِننّ وَشَتِ بَرَ عَ لِ.»
20عَ نَشَ قَ كِتَابُي مَكُنتَن، عَ عَ سٌ تَالِبِ يِ، عَ دْشْ. بِرِن عٍ يَ بَنبَنشِ عَ رَ سَلِدٍ كُي.
21عَ نَشَ مَسٍنيِ تِ قْلْ عٍ بّ، «تٌ، يِ سّبّلِ نَشَن شَرَنشِ وٌ بّ يِ كِ، عَ بَرَ كَمَلِ.»
22بِرِن نُ عَ شَ قٍ قَنيِ قَلَمَ، عٍ نُ كَابَ وْيّن قَنيِيٍ مَ نَشٍيٍ نُ مِنِمَ عَ كّرّ عِ. عٍ نَشَ سٌ عٍ بٌرٍ مَشْرِنقٍ، «يُسُقُ شَ دِ شَ مُ يِ كِ؟»
23عِسَ نَشَ عَ قَلَ عٍ بّ، «ﭑ نَ عَ كٌلٌن وٌ يِ تَالِ سَمَ نّ ﭑ بّ، ‹سٍرِبَ، عِ يّتّ دَندَن.› وٌ مَن عَ قَلَمَ نّ ﭑ بّ، ‹مُشُ بَرَ قٍ نَشَن بِرِن مّ عِ نَشَن نَبَشِ كَثّرّنَمُ، عِ مَن شَ عَ مْولِ رَبَ عِ شْنيِ بٍ.›
24ﭑ شَ نْندِ قَلَ وٌ بّ، نَمِحْنمّ يٌ مُ بِنيَمَ عَ شْنيِ تَن.
25وٌ مَن شَ وٌ تُلِ تِ نْندِ رَ. كَاحّ فِنّ وُيَشِ نُ نَ عِسِرَيِلَ بْشِ مَ عَننَبِ عٍلِيَ شَ وَشَتِ، كَامّ تٌ سِن بْشِ مَ، تُنّ يٍ مُ بِرَ حّ سَشَن كِكٍ سٍننِ.
26كْنْ عَلَ مُ عَننَبِ عٍلِيَ شّي عٍ تَن عِسِرَيِلَكَ فِنّيٍ سٍسٍ مَ، قٌ عَ تٌ عَ شّي كَاحّ فِنّ ندٍ نَن فبَنسَن مَ نَشَن نُ نَ سَرٍثٍتَ، سِدْن بْشِ مَ.
27كُنّ كَنيِ وُيَشِ قَن نُ نَ عِسِرَيِلَ بْشِ مَ عَننَبِ عٍلِسٍ شَ وَشَتِ، كْنْ عَ مُ عٍ تَن سٍسٍ رَيَلَن، قٌ نَامَن سِرِيَكَ فبَنسَن، عَ نَ نَن نَيَلَن.»
28عٍ تٌ يِ قٍيٍ مّ، مِشِ بِرِن نَشٍيٍ نُ نَ سَلِدٍ كُي، عٍ بْحّ نَشَ تٍ عِسَ شِلِ مَ.
29عٍ نَشَ كٍلِ، عٍ عَ رَ مِنِ تَا قَرِ مَ. عٍ شَ تَا تٌ نُ تِشِ فٍيَ رَ، عٍ نَشَ عَ شَنِن يِرٍ ندٍ عٍ شَ عَ رَدِن يّ فٍلٍنيِ رَ.
30كْنْ عِسَ نَشَ مِنِ عٍ تَفِ، عَ عَ شَ كِرَ سُشُ.
31عِسَ نَشَ فٌرٌ كَثّرّنَمُ، فَلِلٍ بْشِ تَا ندٍ. عَ تٌ نُ نَ مِشِيٍ كَوَندِقٍ مَلَبُ لْشْي،
32عٍ نَشَ كَابَ عَ شَ شَرَنيِ مَ، بَرِ مَ عَ نُ وْيّنمَ مَنفّ سّنبّ نَن نَ.

Read لُكِ 4لُكِ 4
Compare لُكِ 4:9-32لُكِ 4:9-32