Luka 3:3-19

³O Jovane đelo taro than đi ko than tare solduj riga tari len e Jordanesi, vačarindoj kaj e manuša trubul te irin pe tar pe grehura thaj te aven ko Dol te oprostil lenđe, thaj te krstin pe.

⁴Sar so pisisada o proroko o Isajia, o Jovan sasa: “O glaso koleso so dol vika ani pustinja: “Čeren o drom e Rajose! Ravnin lese o drom!”

⁵Sa e doline te pherdon, thaj sa e gore thaj e bregura nek ravnin pe, thaj sa e banđe droma te aven prava, a e bilačhe droma te aven ravnome.

⁶Thaj sa e manuša ka dičhen e Devleso spasenje!”

⁷O Jovane vačarda e manušenđe save avena te krstil len: “Tumen e sapese Čhave! Ko vačarda tumenđe kaj šaj te našen tare Devlesi holi so avol?

⁸Sikaven tumare đuvdimasa thaj tumare bućencar kaj irisajljen taro greh thaj aviljen anglo Dol! Ma hohaven tumen golesa so vačaren: “Amaro Dad si o Avraam!” Golese vačarav tumenđe kaj o Dol šaj tar kala bara vazdol čhaven e Avraamese.

⁹Golese kaj o tover tare Devleso sudo ačhol ano kaš karo koreno, thaj svako kaš savo ni bijanol šukar bijandipe ka čhinol pe, thaj ani jag ka čhudol pe.”

¹⁰Thaj e manuša pučhlje e Jovane: “So te čera?”

¹¹A o Jovane vačarda lenđe: “Kas isi duj fostanura nek dol jekh kolese so najle nijekh, thaj kas isi hamase nek dol okole kas naj.”

¹²Avile te krstin pe thaj i e carincura thaj pučhlje le: “So te čera amen?”

¹³A o Jovane phenda lenđe: “Ma manđen po but nego so vačardo si tumenđe taro vlast.”

¹⁴A e vojnikura pučlje le: “Amen so te čera?” Thaj vačarda lenđe o Jovane: “Khanikastar ma len silasa e pare thaj ma čeren hohajpe pe nikaste thaj tumare počinimasa aven bahtale.”

¹⁵E manuša ađučarde e Mesija i savore pučlje pe ane pe ile naj li o Jovan o Mesija.

¹⁶Thaj o Jovane vačarda savorenđe: “Me krstiv tumen pajesa, al avol khoni savo si po baro mandar, kase naj sem dostojno lese sandale te putrav. Vov ka krstil tumen e Svetone Duxosa thaj jagasa.

¹⁷Le isi vila ane vasta, thaj ka čistil o gumno i ka čidol o điv an po ambari, a i pleva ka phabarol jagasa savi ka phabol thaj ni ka ačhol.

¹⁸Thaj gija but aver lafura vačarda o Jovane e narodose sar te teril len te pokajin pe thaj phenda lenđe o lačho lafi.

¹⁹Thaj o Jovane prekorisada e Irode e vladare tari Galileja golese so lija romnjaće pe phralese romnja e Irodijada, thaj zbog but bilačhe buča so čerda