Luka 3:3-19

³Ani'e Ioridana vuḡa uhiḡano haba'a haba'a nidu'a onamadu haramiro, raenaꞌa, “Sauaꞌono'o ḡihuradu bapatizo moꞌi! ꞌOugine, Badia'a sau'aze rae modiꞌuma!”

⁴Amahi Peroveta vazeḡa Isaiaꞌa bukao Ioane moneo ꞌahige mirihiro. “Vaze ꞌahoganiꞌa haba boha'ano huau'ohe, raenaꞌa, 'Zuhiꞌa Boro'a onai'uma ibiḡa ruhiboꞌi! Ane ibi mae dudunoꞌ!

⁵Ebu do'oḡa nidu'a tuniꞌuma, maḡa boro zu maḡa zuhu'a nidu'a mae rahaniꞌuma, ibi beꞌoḡa beꞌoḡa duduniꞌuma, haba bekuḡa bekuḡa nidu'a sebaniꞌuma.

⁶Ebu vaze nidu'a Badiꞌa'a vaze sauꞌazeꞌonoꞌo ḡaboze'ete'e horoni'uma.'”

⁷Ebu vaze ḡuḡuvaḡa bapatizo mouga radu Ioane vaḡe arirotene, Ioaneꞌa ziro, raenaꞌa, “Zaꞌe, Zarama moheḡa ubuga ubuga! Vazeꞌa zae mazao ꞌahige reiro, raenaꞌa, 'Badiꞌaꞌonoꞌo maḡunuꞌa onaine ferau muhinoꞌi!' Rehano feranogaꞌe mene idaraꞌuma!

⁸U ibite haḡai sau'aono'o ḡihuriroteꞌe haḡaiḡa furenoꞌi! Ebu ago ꞌahige zamaroꞌi, 'Emeꞌe Aberahamo mariga, eꞌanoꞌo Badiꞌaꞌa mene maḡunofiꞌuma.' Mazaḡa, e zae ziꞌohe, Badia'a hadi ꞌadi madu Aberahamo mariga nufine zuni idaḡa.

⁹Ḡiro 'ai ire taigano teha. Eꞌanoꞌo huga manoḡa mene iniꞌeteꞌe ireḡa'e udi higonadu ire rogao feuniꞌuma.”

¹⁰Ioaneꞌa ꞌouge reirotene, vaze ḡuḡuvaḡani'a ḡadiniro, raenaꞌa, “Eme nouge haḡaifone manoḡa?”

¹¹Ebu ani'a naenaeziro. “Iniu dabuaḡa ꞌaheu ro'idene tibaꞌe dabuaḡa o'o'a vazeḡa hano'i, ebu iniu ogomuḡeta roꞌidene vininateꞌe vazeḡa teite ḡahugotito'i!”

¹²Takesi ufe'ete'e azaḡa zuni bapatizo mouga radu ariro ebu Ioane ḡadiniro, raena'a, “Ihore vazeḡa, eme nouge haḡaifone manoḡa?”

¹³Aniꞌa naenaeziro. “Takesi ufoꞌidene, gavamaniꞌa raꞌeteꞌe idunaḡano daꞌo ufo'i, zu ago vitau ufoꞌi!”

¹⁴Ebu uti azaḡani'a zu ḡadiniro, raenaꞌa, “Eme nouge haḡaifone manoḡa?” Ani'a naenaeziro. “Vaze moni ago meize tauḡo'i, ebu ḡuriro moneo vaze ago debaze tauḡo'i! Zae moni gauḡano daꞌo matu'o'i!”

¹⁵Mazaḡa vazevazeꞌe Kerisoꞌa areꞌeteꞌe guhininu, ze ꞌane, 'Ioaneꞌe Keriso!', rae zamariro.

¹⁶Ebu Ioane'a zeḡe nidu'a naenaeziro, raenaꞌa, “E'e vu hina bapatizozeha. Rehano onaiꞌuma vazeḡa'e gigi'aḡa ḡihiꞌa. Aniꞌe eḡe vitihoga zu eḡe'a ani tamaka miniḡa fuhiꞌeꞌeteꞌe tuḡureḡa vazeḡa rae rouga zuni mene idaḡa. Ani'e Vine Zaḡoḡa zu ire roga hina abatisozi'uma.

¹⁷Maho hiriveꞌeteꞌe madaḡano, vazeꞌa kari hina rouḡa tenadu maho huꞌiꞌohe, ebu iguḡa manoneꞌohe zu meba hare deheneꞌohe. Ebu hugaꞌe suaba zamaḡano tiꞌohe, rehano iguḡaꞌe ire rogao hufi haoneꞌohe. Eꞌe teige, aniꞌa vazevaze rovoziꞌuma.”

¹⁸Ebu Ioane'a ḡoere ḡehaḡa nunu hina vazevaze iraduguzeꞌenaꞌa, hari manoḡa hina haramoziniro.

¹⁹Ioane'a Galilea habaꞌa kiniḡa Heroda Antifasi zuni ta'iroharo. Mazaḡa aniꞌe negoḡa inuga niḡa Herodia meinadu ane teite hahuriro, zu haḡai sau'a sau'a ḡehaḡa haḡaido.