Text copied!
CopyCompare
Kâte Bible - Binaŋ Qâhâc I

Binaŋ Qâhâc I 23

Help us?
Click on verse(s) to share them!
1Juku Dawidi e ŋic qizec jâmbâŋ erâ ŋokâ‐ticne Salomozi Israe ŋic jaŋere ŋicwofuŋ juocte âkendâŋnewec.
2Dawidi e Israe micne bapa sasawa â taha bapa â Lewiŋic hetumaŋ‐jopawec.
3Lewi guruonec ŋic jaŋe jara‐jeŋic 30‐o domarâ fekac i wosec‐jopapie qâqâhâc ʒare‐jeŋic 38 tauseŋ ewec.
4Eme Dawidizi muwec, “Ŋic 24 tauseŋ ʒi jaŋe Wofuŋte ufuŋko gie bahuc junʒepieŋ; â ŋic 6 tauseŋ jaŋe ine fekicne â mumutara ŋic junʒepieŋ.
5Eme 4 tauseŋ jaŋe haesac motâc soŋaŋ junʒepieŋ â 4 tauseŋ guru moc jaŋe ine musi wiac bapa izi Wofuŋ ʒeri mumuteŋ ecnehuc junʒepieŋ.”
6Erâ Dawidi e Lewi ŋokâfâcne ʒiŋuc jaŋere sâcko bâtâc bacjopa‐fârewec: Geresom, Kohati â Merari.
7Eme Geresomte ŋokâ jahec ine Ladaŋ â Simei.
8Eme Ladaŋte ŋokâfâc jahec â moc jaŋere ʒâŋe ine ʒiŋuc: Micne Jehiele â Ʒetam â Joele.
9Eme Simeire ŋokâfâc wâc jahec â moc jaha jumbiŋ, jaŋere ʒâŋe ʒiŋuc: Selomoti â Haʒiele â Haraŋ. Ŋic i jaŋe Ladaŋte kikefuŋfâc jaŋere micne jumbiŋ.
10Erâ Simeire ŋokâfâc gâcne jaŋe ʒiŋuc: Jahati â Ʒina â Jeusi â Beria. Ŋic jahec â jahec i jaŋe Simeire ŋokâfâc.
11Jahati e micne juwec, eme ere râpeo ine Ʒiʒazi juwec. Eme Jeusi â Beria jahe ŋokâfâc‐jekic bocjaha mi jumbiŋ. Irec jahere manapie garikiŋ mocjaha ewec.
12Eme Kohatire ŋokâfâc jahec â jahec ine ʒiŋuc: Amaram â Izara â Heboroŋ â Uʒiele.
13Eme Amaramte ŋokâ jahec ine Aroŋ â Mose. Eme Aroŋ e wiac tirine jâmbâŋ mutirihuc juocte bâwosâekicne. Eme e â ŋokâfâcne jaŋe Wofuŋ kiŋaŋ qacnehuc ere maio hosâc âsu rikerâ ʒâŋe‐ticnao jambuŋdâŋ muhuc juniŋte râec‐jopakicne.
14Â Anuture ŋic Mose ere ŋokâfâc jaŋe ine Lewi guruo ʒuhuc‐jopakicne.
15Eme Mosere ŋokâ jahec jahere ʒâŋe Geresom â Elieʒe.
16Geresomte ŋokâ ine micne Sebuele.
17Elieʒere ŋokâ ine micne Rehabia. Elieʒe e ŋokâfâcne moc mi jucnembiŋ â Rehabiare ine bocjaha jâmbâŋ jumbiŋ.
18Izarare ŋokâ ine micne Selomiti.

19Heboroŋte ŋokâfâc ine ʒiŋuc: Jeria, e micne juwec, eme ere râpeo ine Amaria, eme ere râpeo Jahaʒiele eme ere râpeo ine Jekameam.
20Eme Uʒielere ŋokâ jajahec ine micne Mika â ere râpeo Isia.
21Eme Merarire ŋokâ jahec jahere ʒâŋe ine Mali â Musi. Eme Malire ŋokâ jajahec jaha: Eleaʒa â Kisi.
22Eleaʒa e ŋokâfâcne moc mi bâfuac‐jopahuc otâfâcne sawa bâfuac‐joparâ hâmowec. Ehame soctofafâc‐jeŋic Kisire ŋokâfâc jaŋe rocjopambiŋ.
23Eme Musire ŋokâfâc jahec â moc ine ʒiŋuc: Mali, Edere â Jeremoti.
24Lewiŋic i jaŋe garikiŋfâc‐jeŋic jaŋere micnefâc ʒare‐jeŋic birio buc buc wose qâreŋ ejarekicne. Eme jara‐jeŋic 20‐o domarâ fekac jaŋe Wofuŋte ufuŋko gie bahuc jumbiŋ.
25Dawidi e ʒiŋuc hâcne muwec: “Israere Wofuŋ Ahutu e ŋicfâcne wama bâfua‐jarewec. Erâ e Jerusalem haeo hâcne jurahuc jaha jukac.
26Eme irec Lewiŋic jaŋe qoruc boze me giere wiac i ʒuhuckerâ moc mi reŋke junʒepieŋ.”
27Dawidi e dâŋ tatarane iŋuc muwecte Lewiŋic jara‐jeŋic 20‐o domarâ fekac jaŋe qâreŋ‐jopambiŋ.
28“Jaŋe ine Aroŋte ŋokâfâc bafic‐jopahuc Wofuŋte ufuŋko gie banʒepieŋ. Ehuc hae ʒoŋa â ufuŋ maŋne, erâ wiac tirine i ba emasaŋ ehuc Anuture ufuŋko gie gâcne banʒepieŋ.
29Erâ jaŋe bafic‐jopahuc jaha Wofuŋte maio poroŋ furu mukicne rârâe â taha bâzi â poroŋ goreŋ tâmiric irec uucne â poroŋ rikekicne â taha wiac wokemaŋhec jârickekicne erâ ŋemâc bâbâfua â sâc meta wiac bajumbiŋ i mâmâc hone sonaŋ enʒepieŋ.
30Erâ furic owâc sâc domahuc Wofuŋ daŋge mumuteŋ ecnenʒepieŋ.
31Erâ sabata hombaŋko me mosa furune wahame, me tiwâ ʒepec dameŋko qowi bâzi ʒare mujarekicne i Wofuŋ rikecneniŋmu sâc Wofuŋte maio fuarâ junʒepieŋ.
32Jaŋe iŋuc ehuc tutumaŋ qoruc boze â furufic i hone sonaŋ ehuc qomâfâc‐jeŋic Aroŋte ŋokâfâc bafic‐jopapie jaŋe Wofuŋte ufuŋko gie banʒepieŋ.”