Text copied!
CopyCompare
परमप्रभु यावे आ लोव़ - योना

योना 3

Help us?
Click on verse(s) to share them!
1मिनु परमप्रभु यावेमी लेंशा योना कली लोव़ पवा बाक्‍त। योना १:२
2मिनु मेकोमी “गे बोक्‍को, निनवे माइश्‍शो ठेयब सहर लावो। गो इ कली मार शेंनुङा, मेको मेकेर ङा मुर आन कली शेंदीमी” दे मदा बाक्‍त।
3मिनु परमप्रभु यावे आ लोव़ टिशा, योना निनवे गे लचा गोवा बाक्‍त। निनवे थम ठेयब सहर बाक्‍माक्‍त। मेको निनवे सहर सुर का रे अर्को सुर जाक्‍दीत्‍चा कली नाक्‍त सां माल्‍बाक्‍माक्‍त। योना ४:११
4मिनु योनामी निनवे सहर ओव़शा, नाक्‍त का गाक्‍शा, मुर आन कली “४० नाक्‍त नोले एको सहर खतम दुम्‍ब” दे ठेयब सेंदामी शेंदा बाक्‍त।
5मिनु मेको नेंशा निनवे ङा मुरपुकीमी परमप्रभु आ लोव़ थमा बाक्‍ब, दे थमा सुदमे बाक्‍त। मेकोपुकीमी “निनवे सहर ङा आइक्‍च नु ठेयब मुर आन मरिम्‍शो पतीके रे लेत्‍तेक्‍म, दे कोंइचा कली नेल्‍ल माइजा बाक्‍शा, अरन्‍डी फेक्‍सीन” दे नेल्‍ल आन कली नेंपदमे बाक्‍त। मत्ती १२:४१; योएल १:१४
6मिनु निनवे ङा पिपमी यो मेको लोव़ नेना बाक्‍त। मेको आ ठेयब नित्‍तीके रे बोक्‍शा, पिप आ फेक्‍तीके वा प्रुइश्‍शा, अरन्‍डी फेक्‍शा, पुलु तारी निस्‍से बाक्‍त।
7मिनु पिप नु आ मुरपुकीमी निनवे ङा मुर आन कली “मुरपुकी नु बस्‍तु भावमी मारेइ मजामेक्‍ल, मतूङमेक्‍ल। बी ब्‍यफ, क्‍यारश भेडा आन कली यो मयोव़ङमेक्‍ल, ब्‍वाक्‍कु मतुंइदमेक्‍ल।
8मुरपुकीम अरन्‍डी सुम्‍सीशा, बी ब्‍यफ, क्‍यारश भेडा यो सुम्‍चा माल्‍नीम। मिनु मेकोपुकीमी परमप्रभु कली ठेयब सेंदाम पुंइचा माल्‍नीम। मिनु नेल्‍ल आन मरिम्‍शो लां नु आन मरिम्‍शो पशो रे लेत्‍चा माल्‍नीम।
9परमप्रभु आ शुश गाइक्‍तीक रे लेप्‍बा, कों? मेकोमी आंइ कली मसाइक्‍बा, कों? सुम तुइक्‍बा, ङा?” देंमा बाक्‍त। योएल २:१४
10मिनु परमप्रभुमी मेको मुर आन पशो नु आन मरिम्‍शो लां रे लेश्‍शो तशा “आं ङोंइती पाइनुङ देंशो, मुल मपाइनुङ” दे मिम्‍ता बाक्‍त। मिनु परमप्रभुमी आ ङोंइती मिम्‍शो मपवा बाक्‍त। येरमीया १८:७-८