ܒ ܬܣܠܘܢܝܩܝ̈ܐ 3

1

2

3

¹ܒܚܲܪܬܵ‌ܐ ܐܲܚܘܿܢܘܵܬܹ̈‌ܐ، ܨܲܠܹܝܡܘܼܢ ܡ̣ܢ ܓܹܒܲܢ ܕܦܵܪܣܵܐ ܗܹܡܸܙܡܵܢ ܕܡܵܪܲܢ ܘܦܵܝܫܵܐ ܚܩܝܼܪܬܵ‌ܐ، ܐܲܝܟ݂ ܕܝܼܠܵܗ̇ ܠܟܸܣܠܵܘܟ݂ܘܿܢ،

²ܘܕܦܵܝܫܲܚ ܦܘܼܨܝܹܐ ܡ̣ܢ ܐܢܵܫܹ̈ܐ ܦܟ̰ܝܼܠܹ̈ܐ ܘܒܝܼܫܹ̈ܐ، ܣܵܒܵܒ ܗܲܝܡܵܢܘܼܬܵ‌ܐ ܠܹܐ ܝܠܵܗ̇ ܕܟܠܵܝܗ‌ܝ ܐܢܵܫܹ̈ܐ.

³ܐܝܼܢܵܐ ܡܗܘܼܡܢܵܐ ܝܠܹܗ ܡܵܪܝܵܐ، ܘܗ̇ܘ ܒܸܬ ܣܵܢܹܕ ܠܵܘܟ݂ܘܿܢ ܘܢܵܛܹܪܵܘܟ݂ܘܿܢ ܡ̣ܢ ܒܝܼܫܵܐ.

⁴ܘܐܲܚܢܲܢ ܚܵܬܸܪܓ̰ܲܡܥ ܝܼܘܲܚ ܒܡܵܪܲܢ ܕܒܸܥܒ݂ܵܕܵܐ ܝܬܘܿܢ ܘܒܸܬ ܥܵܒ݂ܕܝܼܬܘܿܢ ܡܸܢܕܝܼܵܢܹ̈ܐ ܕܦܩܝܼܕ ܠܲܢ ܐܸܠܵܘܟ݂ܘܿܢ.

⁵ܘܡܵܪܲܢ ܡܗܲܕܹܐ ܠܸܒܵܘܟ݂ܘܿܢ ܒܚܘܼܒܵܐ ܕܐܲܠܵܗܵܐ ܘܒܚܡܵܠܬܵ‌ܐ ܕܡܫܝܼܚܵܐ.

⁶ܦܲܩܘܼܕܹܐ ܝܘܲܚ ܐܸܠܵܘܟ݂ܘܿܢ، ܐܲܚܘܿܢܘܵܬܹ̈‌ܐ، ܒܫܸܡܵܐ ܕܡܵܪܲܢ ܝܼܫܘܿܥ ܡܫܝܼܚܵܐ، ܕܪܵܚܩܝܼܬܘܿܢ ܡ̣ܢ ܟܠܔ ܐܲܚܘܿܢܵܐ ܒܲܛܝܼܠܵܐ ܕܠܹܐ ܝܠܹܗ ܒܸܚܵܝܵܐ ܐܲܝܟ݂ ܣܲܦܝܵܢܘܼܬܵ‌ܐ ܕܩܘܼܒܸܠܔ ܠܵܘܟ݂ܘܿܢ ܡܸܢܲܢ.

⁷ܣܵܒܵܒ ܒܓܵܢܵܘܟ݂ܘܿܢ ܟܹܐ ܝܵܕܥܝܼܬܘܿܢ ܘܵܠܹܐ ܝܠܵܗ̇ ܕܫܵܩܠܝܼܬܘܿܢ ܛܘܼܦ̮ܣܵܐ ܡܸܢܲܢ، ܣܵܒܵܒ ܠܵܐ ܗܘܹܐ ܠܲܢ ܒܲܛܝܼܠܹ̈ܐ ܐܝܼܡܲܢ ܕܝܼܘܲܚ ܗܘܵܘ ܠܟܸܣܠܵܘܟ݂ܘܿܢ،

⁸ܐܘܼܦ ܠܲܚܡܵܐ ܚܘܼܪܵܝܝܼ ܠܵܐ ܐܟ݂ܝܼܠܔ ܠܲܢ ܡ̣ܢ ܠܟܸܣ ܗܸܟ̃ ܚܲܕ، ܐܸܠܵܐ ܦܠܝܼܚ ܠܲܢ ܒܠܲܝܠܹܐ ܘܒܐܝܼܡܵܡܵܐ، ܒܥܲܡܠܵܐ ܘܒܓ̰ܗܵܝܬܵ‌ܐ، ܕܠܵܐ ܡܲܬܒܲܚ ܗܘܵܘ ܝܘܼܩܪܵܐ ܥܲܠܔ ܗܸܟ̃ ܚܲܕ ܡܸܢܵܘܟ݂ܘܿܢ،

⁹ܠܵܐ ܣܵܒܵܒ ܠܲܝܬ ܠܲܢ ܗܵܩܘܼܬܵ‌ܐ ܕܥܵܒ݂ܕܲܚ ܗܵܕܟ݂ܵܐ، ܐܸܠܵܐ ܕܗܵܘܲܚ ܛܘܼܦ̮ܣܵܐ ܐܸܠܵܘܟ݂ܘܿܢ، ܕܥܵܒ݂ܕܝܼܬܘܿܢ ܡܐܲܝܟ݂ ܕܝܼܲܢ.

¹⁰ܣܵܒܵܒ ܐܝܼܡܲܢ ܕܟܸܣܠܵܘܟ݂ܘܿܢ ܝܼܘܲܚ ܗܘܵܘ ܦܩܝܼܕ ܠܲܢ ܐܸܠܵܘܟ݂ܘܿܢ، ܕܐܸܢ ܐܢܵܫܵܐ ܠܵܐ ܦܵܠܹܚ، ܐܘܼܦ ܠܵܐ ܐܵܟܹܠܔ.

¹¹ܣܵܒܵܒ ܒܸܫܡܵܥܵܐ ܝܘܲܚ ܕܐܝܼܬ ܐܢܵܫܹ̈ܐ ܓܵܘܵܘܟ݂ܘܿܢ ܕܒܸܚܵܝܵܐ ܝܢܵܐ ܒܲܛܝܼܠܹ̈ܐ، ܠܹܐ ܝܢܵܐ ܒܸܥܒ݂ܵܕܵܐ ܗܸܟ̃ ܡܸܢܕܝܼ، ܐܸܠܵܐ ܒܸܚܒ݂ܵܛܵܐ ܝܢܵܐ ܒܫܘܼܠܵܢܹ̈ܐ ܣܪ̈ܝܼܩܹܐ.

¹²ܐܝܼܢܵܐ ܗܲܪ ܠܐܲܢܹܐ ܦܲܩܘܼܕܹܐ ܝܘܲܚ ܘܒܸܛܠܵܒܵܐ ܡܸܢܵܝܗ‌ܝ ܒܡܵܪܲܢ ܝܼܫܘܿܥ ܡܫܝܼܚܵܐ، ܕܒܫܸܠܝܘܼܬܵ‌ܐ ܗܵܘܝܼ ܒܸܦܠܵܚܵܐ ܘܒܹܐܟ݂ܵܠܵܐ ܠܲܚܡܵܐ ܕܓܵܢܵܝܗ‌ܝ.

¹³ܘܐܲܚܬܘܿܢ ܐܲܚܘܿܢܘܵܬܹ̈‌ܐ، ܠܵܐ ܣܵܩܕܝܼܬܘܿܢ ܡ̣ܢ ܠܸܥܒ݂ܵܕܵܐ ܡܸܢܕܝܼ ܛܵܒ݂ܵܐ.

¹⁴ܘܐܸܢ ܐܢܵܫܵܐ ܠܵܐ ܡܲܨܝܸܬ ܠܗܹܡܸܙܡܵܢܲܢ̈ ܕܓܵܘ ܐܵܗܵܐ ܐܸܓܲܪܬܵ‌ܐ، ܪܫܘܿܡܘܼܢ ܠܹܗ، ܘܠܵܐ ܚܵܒ݂ܛܝܼܬܘܿܢ ܥܲܡܹܗ، ܕܦܵܐܹܫ ܢܟ݂ܝܼܦܵܐ.

¹⁵ܐܝܼܢܵܐ ܠܵܐ ܚܵܫܒ݂ܝܼܬܘܿܢ ܠܹܗ ܐܲܝܟ݂ ܕܸܫ̃ܡܸܢ، ܐܸܠܵܐ ܗܲܒ݂ܠܘܼܢ ܠܹܗ ܢܵܨܝܼܗܲܬ ܐܲܝܟ݂ ܕܠܐܲܚܘܿܢܵܐ.

¹⁶ܘܡܵܪܵܐ ܕܫܠܵܡܵܐ ܒܓܵܢܹܗ ܝܵܗܒܹܠܔ ܠܵܘܟ݂ܘܿܢ ܫܠܵܡܵܐ ܒܟܠܔ ܙܲܒ݂ܢܵܐ ܘܒܟܠܔ ܐܘܼܪܚܵܐ. ܡܵܪܲܢ ܥܲܡ ܟܠܵܘܟ݂ܘܿܢ.

¹⁷ܐܵܢܵܐ ܦܵܘܠܘܿܣ ܒܸܟܬܵܒ݂ܵܐ ܝܘܸܢ ܐܵܗܵܐ ܫܠܵܡܵܐ ܒܐܝܼܕܵܐ ܕܓܵܢܝܼ، ܕܝܼܠܹܗ ܢܝܼܫܲܢܩܵܐ ܓܵܘ ܟܠܔ ܐܸܓܲܪܬܵ‌ܐ.

¹⁸ܫܵܦܵܩܲܬ ܕܡܵܪܲܢ ܝܼܫܘܿܥ ܡܫܝܼܚܵܐ ܥܲܡ ܟܠܵܘܟ݂ܘܿܢ. ܐܵܡܹܝܢ.