ቴስሎንቄ ዓሶም 2 3

1

2

3

¹ዓካሪ ታ ዒሾንሦ! ታ ሚሾንሦ! ዒንሢ ኮራ ማዔሢ ጎይፆ ፆኦሲ ቃኣላ'' ዳልጊና ኬኤዚንታንዳጉዲና ቦንቺንታንዳጉዲ ኑም ሺኢቁዋቴ፤

²ዬያጉዲ ሃሣ ቃኣሎ'' ዋይዛሢ ቢያ ፆኦሲ ጉሙርቁዋያታሢሮ ዓይሢንቶ ዒፃ ዓሶና ፑርቶ ዓሶናይዳፓ ፆኦሲ ኑና ካፓንዳጉዲ ኑም ሺኢቁዋቴ።

³ጎዳ ጋዓንቴ ጉሙርቂንታያኬ፤ ዒዚ ዒንሢ ዶዲሻንዳኔ፤ ፃላሄይዳፓኣ ዒንሢ ዒ ካፓንዳኔ።

⁴ኑ ዒንሢ ዓይሣ ባኮ ሃሢ ዒንሢ ማዻያ፥ ሓጊያ ዒንሢ ማዻንዳሢ ጎዳ ሱ'ንፆና ኑ ዒንሢ ጉሙርቃኔ።

⁵ጎዳ ዒንሢኮ ዒኖ ፆኦሲ ናሹሞና ኪሪስቶሴ ዳንዳዒፆና ባንሢ ማሆንጎ።

⁶ታ ዒሾንሦ! ታ ሚሾንሦ! ማዾ ናሽኩዋያ፥ ሃሣ ኑ ዒንሢ ዔርዜ ጎይፆ ናንጉዋ ኪሪስቶሴ ጉሙርቃ ዓሶይዳፓ ዒንሢ ዱማዻንዳጉዲ ጎዳ ዬሱስ ኪሪስቶሴ ሱንፆና ኑ ዒንሢ ዓይሣኔ።

⁷ዓይጎሮ ጌዔቴ ዒንሢ ኑ ማዼሢጉዲ ማዻኒ ኮይሳያታሢ ዒንሢ፥ ዒ'ንሢ ቶኦኪና ዔራኔ፤ ኑኡኒ ዒንሢና ዎላ'' ዓኣ ዎዶ''ና ማዾ ማዹዋዖ ዴይባኣሢያ ዒንሢ ዔራኔ።

⁸ሃሣ ዖኦኮዋ ካሣ ጉሪ ኑ ሙዒባኣሴ፤ ጋዓንቴ ዒንሢዳፓ ዖኦማኣ ኑ ሜቶ ማዑዋጉዲ ጌይ ዋንቴና ሮኦሪና ላቢ''፥ ሜታዺ ኑ ማዼኔ።

⁹ዬያ ኑ ማዼሢ' ዒንሢ ኑ ማዻሢ ዛጊ ማዻንዳጉዲ ማዓንዳኣፓዓቴም ዒንሢዳፓ ማኣዶ ኑ ዔካኒ ዳንዳዑዋያ ማዔምቱዋሴ።

¹⁰ኑ ዒንሢና ዎላ'' ዓኣ ዎዶ''ና፦ «ማዻኒ ናሽኩዋኣሢ ሙዖፓ» ጋዓ ዎጌ ኑ ዒንሢም ኬሴ''ኔ።

¹¹ዬያ ኑ ጋዓሢ' ዒንሢ ባኣኮ''ይዳ ፔቴ'' ፔቴ'' ማዾ ናሽኩዋ ዓሲ ዓኣሢ ኑ ዋይዜሢሮኬ፤ ዬንሢ ዓሳ ኮይሱዋ ቤሲዳ ጌሊ ጌሊ ሜሌ'' ዓሶ ዣሊሲሢዳፓ ዓታዛ ፔቴ''ታዖ ማዾ ማዹዋዖ ናንጋዞንሢኬ።

¹²ዬኖጉዴ ዓሳ ማዾ ማዺ ሙኡዚ'' ሙዓንዳጉዲ ጎዳ ዬሱስ ኪሪስቶሴ ሱ'ንፆና ኑ ዓይሣኔ፤ ሃሣ ላቲ''ያ ኑ ዒንሢም ኬኤዛኔ።

¹³ዒንሢ ጋዓንቴ ታ ዒሾንሦ! ታ ሚሾንሦ! ኮሺ ማዔ ማዾ ማዺሢዳፓ ቤልፃዺ ላቢ''ፖቴ።

¹⁴ሓያ ኪኢቶ''ይዳ ኑ ዒንሢም ኬኤዜ ዞሮ'' ዋይዚ ዔኩዋ ዓሲ ዓኣቶ ዬያጉዴ ዓሶ ኮሺ'' ዔሩዋቴ፤ ዒ ፔ ማዾ''ና ቦርሲንታንዳጉዲ ዒዛና ዎላ'' ፔቴ'' ማዒፖቴ።

¹⁵ማዔቴያ ዒንሢኮ ላጌ ማሂ ዞዞራንዳኣፓዓቴም ዒንሢኮ ሞርኬ ማሂ ዒዛ ዛጊፖቴ።

¹⁶ኮሹሞ ጎዳሢ፡ ዒ ቢያ ባኣዚ''ና ሃሣ ቢያ ዎዴ ኮሹሞ ዒንሢም ዒንጎንጎ፤ ጎዳ ዒንሢ ቢያሢና ዎላ'' ማዖንጎ።

¹⁷ሃንሢ ጋፒንፆ ሳራሢፆንሢ ታኣኒ፥ ጳውሎሴ ታ ኩቻ ፃኣፔኔ፤ ታ ዳኬ ኪኢቶ''ይዳ ቢያ ዓኣ ማላታ'' ሃያኬ፤ ታ ፃኣፔሢያ ሂዲኬ።

¹⁸ኑ ጎዳሢ፥ ዬሱስ ኪሪስቶሴኮ ኮሹሞ ዒንጊፃ ዒንሢ ቢያሢና ዎላ'' ማዖንጎ።