Zaburi 89:8-41

⁸Yahwe, Mungu wa majeshi, ni nani aliye na nguvu kama wewe, Yahwe? Kweli yako inakuzunguka.

⁹Wewe huitawala bahari yenye nguvu; mawimbi yainukapo, wewe huyatuliza.

¹⁰Ulimwangamiza Rahabu kama mmoja aliye uliwa. Uliwatawanya adui zako kwa mkono wako wenye nguvu.

¹¹Mbingu ni zako wewe, na nchi pia. Uliiumba dunia na vyote vilivyomo.

¹²Uliumba kaskazini na kusini. Tabori na Hermoni hulifurahia jina lako.

¹³una mkono wa uweza na mkono wenye nguvu, na mkono wako wa kuume uko juu.

¹⁴Haki na hukumu ni msingi wa kiti chako. Uaminifu wa agano lako na uaminifu huja mbele zako.

¹⁵Wamebarikiwa watu wakuabuduo wewe! Yahwe, wanatembea katika nuru ya uso wako.

¹⁶Siku zote wanafurahia katika jina lako, na katika haki yako wanakutukuza wewe.

¹⁷Wewe ni fahari ya nguvu zao, na kwa nguvu zako tu washindi.

¹⁸Maana ngao zetu ni za kwako Yahwe; mfalme wetu ni wa Mtakatifu wa Israeli.

¹⁹Muda mrefu uliopita ulizungumza na waaminfu wako katika maono; ulisema, “Nimeweka taji juu ya mwenye nguvu; nimemuinua aliyechaguliwa kutoka kati ya watu.

²⁰Nimemchagua Daudi mtumishi wangu; kwa mafuta yangu matakatifu nimempaka yeye.

²¹Mkono wangu utamsaidia yeye; mkono wangu utamtia nguvu.

²²Hakuna adui atakaye mdanganya; hakuna mwana wa uovu atakaye muonea.

²³Nitawaangamiza adui zake mbele yake; nitawaua wale wamchukiao.

²⁴Kweli yangu na uaminifu wa agano vitakuwa pamoja naye; kupitia jina langu atakuwa mshindi.

²⁵Nitaweka mkono wake juu ya bahari na mkono wake wa kuume juu ya mito.

²⁶Yeye ataniita, 'Wewe ni Baba yangu, Mungu wangu, na mwamba wa wokovu wangu.'

²⁷Nitamjalia kuwa kama mzaliwa wangu wa kwanza, aliye inuliwa zaidi juu ya wafalme wa nchi.

²⁸Nitaongeza uaminifu wa agano langu kwake milele; na agano langu pamoja naye litakuwa salama.

²⁹Nitaufanya uzao wake kudumu milele na kiti chake cha enzi kitadumu kama mbingu zilizo juu.

³⁰Ikiwa watoto wake wataziacha sheria zangu na kutokutii amri zangu,

³¹na kama watazivunja sheria zangu na kutokuzishika amri zangu,

³²ndipo nitauadhiu uasi wao kwa fimbo na uovu wao kwa makofi.

³³Lakini sitauondoa kwake upendo wangu thabiti wala kutokuwa mwaminifu kwa ahadi yangu.

³⁴Sitavunja agano langu wala kubadilisha maneno ya midomoni mwangu.

³⁵Mara moja na kwa yote, nimeapa kwa utakatifu wangu sitamdanganya Daudi:

³⁶uzao wake utaendelea milele na kiti chake cha enzi kama vile jua mbele yangu.

³⁷Kitaimarishwa milele kama mwezi, shahidi mwaminifu mawinguni.” Selah

³⁸Lakini wewe umemtupa na kumkataa; umemkasirikia mfalme mpakwa mafuta wako.

³⁹Wewe umelikataa agano la mtumishi wako. Umeinajisi taji yake ardhini.

⁴⁰Umevunja kuta zake zote. Umeharibu ngome yake.

⁴¹Wapita njia wote wamemuibia, amekuwa kitu chenye kinyaa kwa majirani zake.