Zaburi 89:1-15

¹Nitimba sifa za matendo ya uaminifu wa agano milele. Nitatangaza kweli yako kwa vizazi vijavyo.

²Maana nimesema, “Uaminifu wa agano umeimarishwa milele; na kweli yako umeiimarisha mbinguni.”

³“Nimefanya agano na wateule wangu, nimeapa kiapo kwa Daudi mtumishi wangu.

⁴Nitauimarisha uzao wako milele, na nitauimarisha utawala wako vizazi vyote.” Selah

⁵Mbingu husifu maajabu yako, Yahwe; kweli yako inasifiwa katika kusanyiko la watakatifu.

⁶Maana ni nani katika mbingu aweza kulinganishwa na Yahwe? Ambaye kati ya wana wa miungu ni kama Yahwe?

⁷Ni Mungu anaye heshimiwa sana katika baraza la watakatifu naye ni wakutisha kati ya wote wanao mzunguka.

⁸Yahwe, Mungu wa majeshi, ni nani aliye na nguvu kama wewe, Yahwe? Kweli yako inakuzunguka.

⁹Wewe huitawala bahari yenye nguvu; mawimbi yainukapo, wewe huyatuliza.

¹⁰Ulimwangamiza Rahabu kama mmoja aliye uliwa. Uliwatawanya adui zako kwa mkono wako wenye nguvu.

¹¹Mbingu ni zako wewe, na nchi pia. Uliiumba dunia na vyote vilivyomo.

¹²Uliumba kaskazini na kusini. Tabori na Hermoni hulifurahia jina lako.

¹³una mkono wa uweza na mkono wenye nguvu, na mkono wako wa kuume uko juu.

¹⁴Haki na hukumu ni msingi wa kiti chako. Uaminifu wa agano lako na uaminifu huja mbele zako.

¹⁵Wamebarikiwa watu wakuabuduo wewe! Yahwe, wanatembea katika nuru ya uso wako.