Zaburi 83:2-17

²Tazama, adui zako wanafanya vurugu, na wale wakuchukiao wameinua vichwa vyao.

³Wanafanya hila juu ya watu wako na kwa pamoja kupanga njama dhidi ya wale uwalindao. Wamesema,

⁴“Njoni na tuwaangamize wao kama taifa. Kisha jina la Israeli halitakumbukwa.”

⁵Wamepanga njama pamoja wakiwa na mkakati mmoja; wamefanya muungano dhidi yako.

⁶Hii inajumuisha hema za Edomu na Waishmaeli, na watu wa Moabu na Wahagari, ambao wamepanga njama pamoja nao

⁷Gebal, Amoni, Amaleki; pia inajumuisha Filisti na wenyeji wa Tiro.

⁸Ashuri pia ameshirikina nao; wanawasaidia wana wa Lutu. Serah

⁹Ufanye kwao kama ulivyofanya kwa Midiani, kama ulivyofanya kwa Sisera na kwa Yabini kwenye Mto Kishoni.

¹⁰Waliangamizwa kule Endori na wakawa kama mbolea juu ya chi.

¹¹Uvifanye vyeo vyao kama Oreb na Zeeb, na wakuu wao wote kama Zeba na Zalmuna.

¹²Wao walisema, natujimilikishe malisho ya Mungu.”

¹³Ee Mungu wangu, uwafanye kama mavumbi ya kisulisuli, kama makapi mbele ya upepo,

¹⁴Kama moto uteketezao msitu, na kama miali ya moto iwakayo milimani.

¹⁵Uwafuatie kwa tufani yako, na kuwafadhaisha kwa dhoruba yako.

¹⁶Uwajaze nyuso zao kwa aibu ili kwamba waweze kulitafuta jina lako, Yahwe.

¹⁷Nao waaibishwe na kufadhaishwa milele; waangamizwe katika aibu.