Zaburi 35:6-20

⁶Njia yao na iwe giza na utelezi, malaika wa Yahwe wakiwafukuzia.

⁷Wamenitegea mtego bila sababu; bila sababu wamechimba shimo kwa ajili ya uhai wangu.

⁸Uharibifu na uwapate wao kwa kushitukiza. Mtego ambao wameutega na uwanase wao. Na wadumbukie humo, ili kwamba waangamizwe.

⁹Bali mimi nitakuwa nafuraha ndani ya Yahwe na ndani ya wokovu wake.

¹⁰Mifupa yangu yote itasema, “Yahwe, ni nani kama wewe, uokoaye walio onewa mkononi mwa walio na nguvu kuwazidi wao na masikini na wahitaji mkononi mwa wale wanaojaribu kuwaibia?”

¹¹Mashahidi wa uongo wamesimama; wananishitakia uongo.

¹²Kwa ajili ya wema wananilipa mabaya. Nina huzuni nyingi.

¹³Lakini, walipokuwa akiugua, nilivaa magunia; nilifunga kwa ajili yao huku kichwa changu kikiinamia kifuani kwangu.

¹⁴Nilienenda katika huzuni kana kwamba walikuwa ni ndugu zangu; niliinama chini nikiomboleza kana kwamba ni kwa ajili ya mama yangu.

¹⁵Bali mimi nilipokuwa mashakani, walifurahi sana na kukutanika pamoja; walikutanika pamoja kinyume na mimi, nami nilishangazwa nao. Walinirarua bila kuacha.

¹⁶Kwa dharau kabisa walinidhihaki; walinisagia meno yao.

¹⁷Bwana, mpaka lini utaendelea kutazama? uiokoe roho yangu na mashambulizi yao ya maagamizi uyaokoe maisha yangu na simba.

¹⁸Nami nitakushukuru wewe katika kusanyiko kubwa; nitakusifu kati ya watu wengi.

¹⁹Usiwaache maadui zangu wadanganyifu kufurahi juu yangu; usiwaache waendelee na mipango yao ya uovu.

²⁰Kwa maana hawaongei amani, bali wanabuni maneno ya uongo kwa wale wanaoishi kwa amani katika ardhi yetu.