Zaburi 119:63-171

⁶³Ninaurafiki na wale wanao kuabudu wewe, wale wote watiio maagizo yako.

⁶⁴Yahwe, nchi, imejaa uaminifu wa agano lako; unifundishe sheria zako. TETH.

⁶⁵Wewe umemtendea mema mtumishi wako, Yahwe, sawasawa na neno lako.

⁶⁶Unifundishe utambuzi sahihi na uelewa, kwa kuwa nimeamini katika amri zako.

⁶⁷Kabla sijateswa nilipotea, lakini sasa nimelitii neno lako.

⁶⁸Wewe ni mwema, na ndiye yule utendaye mema; unifundishe sheria zako.

⁶⁹Wenye kiburi wamenichafua kwa uongo, lakini niliyashika maagizo yako kwa moyo wangu wote.

⁷⁰Mioyo yao ni migumu, lakini ninafurahia katika sheria yako.

⁷¹Ni vizuri kwangu kuwa nimeteseka ili niweze kujifunza sheria zako.

⁷²Maagizo yatokayo kinywani mwako ni ya thamani zaidi kwangu kuliko maelfu ya vipande vya dhahabu na fedha. YOD.

⁷³Mikono yako imeniumba na kunitengeneza; unipe uelewa ili niweze kujifunza amri zako.

⁷⁴Wale wanao kucha wewe watafurahi wanionapo kwa sababu ninapata tumaini katika neno lako.

⁷⁵Ninajua, Yahwe, kuwa amri zako ni za haki, na kuwa katika uaminifu ulinitesa.

⁷⁶Agano lako aminifu na linifariji, kama ulivyomwahidi mtumishi wako.

⁷⁷Unihurumie ili niweze kuishi, kwa maana sheria yako ni furaha yangu.

⁷⁸Wenye kiburi na waaibishwe, maana wamenitukana; bali mimi nitayatafakari maagizo yako.

⁷⁹Wale wote wanao kucha wewe na wanigeukie, wale wazijuao amri za agano lako.

⁸⁰Moyo wangu uwe mkamilifu pamoja na heshima kwa sheria zako ili nisiaibike. KAPH.

⁸¹Ninazimia kwa kutamani sana kuwa wewe unaweza kuniokoa! Ninamatumaini katika neno lako.

⁸²Macho yangu yanatamani sana kuiona ahadi yako; ni lini utanifariji mimi?

⁸³Kwa maana nimekuwa kama kiriba katika moshi; sisahau sheria zako.

⁸⁴Ni kwa muda gani gani mtumishi wako atalazimika kuyavumilia haya; ni lini utawahukumu wale wanaonitesa?

⁸⁵Wenye kiburi wamenichimbia shimo, wasiotii sheria yako.

⁸⁶Amri zako zote ni za kuaminika; wale watu walinitesa bila ya haki; unisaidie.

⁸⁷karibu kunifanya nifikie mwisho juu ya nchi hii, lakini siyakatai maagizo yako.

⁸⁸Kwa upendo wako thabiti, uniweke hai, ili niweze kuzitii amri zako. LAMEDH.

⁸⁹Yahwe, neno lako linasimama milele; neno lako limefanywa imara mbinguni.

⁹⁰Uaminifu wako wadumu kwa ajili ya vizazi vyote; umeiimarisha nchi, nayo inadumu.

⁹¹Vitu yote yaliendelea mpaka leo hii, kama vile ulivyosema katika amri zako za haki, maana vitu vyote ni watumishi wako.

⁹²Kama sheria yako isingekuwa furaha yangu, ningeangamia katika mateso yangu.

⁹³Sitayasahau kamwe maagizo yako, maana kupitia hayo umeniweka hai.

⁹⁴Mimi ni wako, kwa maana ninayatafuta maagizo yao.

⁹⁵Waovu hujiandaa kuniangamiza, lakini nitatafuta kuzielewa amri za agano lako.

⁹⁶Nimeona kuwa kila kitu kina mipaka, lakini amri zako ni pana, zaidi ya mipaka. MEM.

⁹⁷Oh ni jinsi gani naipenda sheria yako! Ni tafakari yangu mchana kutwa.

⁹⁸Amri zako hunifanya mwenye hekima kuliko adui zangu, maana amri zako siku zote ziko pamoja nami.

⁹⁹Ninauelewa zaidi kuliko walimu wangu wote, kwa maana ninazitafakari amri za agano lako.

¹⁰⁰Ninaelewa kuliko wale wanaonizidi umri; hii ni kwa sababu nimeyashika maagizo yako.

¹⁰¹Nimeiepusha miguu yangu na kila njia ya uovu ili niweze kulitii neno lako.

¹⁰²Sijaenda kinyume na amri zako za haki, kwa maana wewe umenifundisha.

¹⁰³Ni jinsi gani maneno yako ni matamu kwenye majaribu yangu, naam, matamu kuliko asali kinywani mwangu!

¹⁰⁴Kupitia maagizo yako ninapata utambuzi; kwa hiyo kila njia isiyo ya kweli.

¹⁰⁵Neno lako ni taa ya mguu miguu yangu na mwanga wa njia yangu.

¹⁰⁶Nimeapa na nimethibitisha, kuwa nitazitii amri za haki yako.

¹⁰⁷Nimeteswa sana; uniweke hai, Yahwe, kama ulivyoahidi katika neno lako.

¹⁰⁸Yahwe, tafadhali pokea dhabihu yangu ya hiari ya kinywa changu, na unifundishe amri zako za haki.

¹⁰⁹Uhai wangu ziku zote uko mkononi mwangu, lakini bado sisahau sheria yako.

¹¹⁰Waovu wamenitegea mtego, lakini sijapotea mbali na maagizo yako.

¹¹¹Nimezifanya amri za agano lako kama urithi wangu milele, maana hizo ni furaha ya moyo wangu.

¹¹²Moyo wangu umewekwa kuzitii sheria zako milele mpaka mwisho kabisa. SAMEKH.

¹¹³Ninawachukia watu wa kusita-sita, lakini naipenda sheria yako.

¹¹⁴Wewe ni ficho langu na ngao yangu; nalingoja neno lako.

¹¹⁵Ondokeni kwangu, ninyi mtendao uovu, ili niweze kuzitii amri za Mungu wangu.

¹¹⁶Uniwezeshe kwa neno lako ili niweze kuishi na nisiaibike na matumaini yangu.

¹¹⁷Unisaidie, nami nitakuwa salama; siki zote nitazitafakari sheria zako.

¹¹⁸Wewe huwakataa wale wote wapoteao mbali na sheria zako, maana watu hao ni wadanganyifu na si wakuaminika.

¹¹⁹Wewe huwaondoa waovu wa nchi kama takataka; kwa hiyo ninazipenda amri zako thabiti.

¹²⁰Mwili wangu hutetemeka kwa hofu yako, na ninaziogopa amri za haki yako. AYIN.

¹²¹Ninafanya kilicho sahihi na haki; usiniache kwa watesi wangu.

¹²²Uwe mdhamini wa ustawi wa mtumishi wako; usiwaache wenye kiburi wanionee.

¹²³Macho yangu yanachoka kwa kuusubiri wokovu wako na neno lako la haki.

¹²⁴Mwoneshe mtumishi wako uaminifu wa agano lako, na unifundishe sheria zako.

¹²⁵Mimi ni mtumishi wako; unipe uelewa ili niweze kuzijua amri za agano lako.

¹²⁶Ni wakati wa Yahwe kutenda, kwa maana watu wamevunja sheria yako.

¹²⁷Hakika ninazipenda amri zako kuliko dhahabu, naam, kuliko dhahabu safi.

¹²⁸Hivyo ninayafuata maagizo yako yote kwa makini, na ninachukia kila njia ya uongo. PE.

¹²⁹Sheria zako ni za ajabu, ndiyo sababu ninazitii.

¹³⁰Ufafanuzi wa maneno yako huleta nuru; na kumpa ufahamu mjinga.

¹³¹Ninafungua kinywa changu na kutweta, maana ninazitamani amri zako.

¹³²Unigeukie na unihurumie, kama ufanyavyo siku zote kwa wale walipendao jina lako.

¹³³Uziongoze hatua zangu kwa neno lako; usiruhusu dhambi yeyote initawale.

¹³⁴Unikomboe dhidi ya wanadamu waonevu ili niyatii maagizo yako.

¹³⁵Uso wako umwangazie mtumishi wako, na unifundishe sheria zako.

¹³⁶Mito ya machozi yatiririka kutoka machoni pangu kwa sababu watu hawaitii sheria yako. TSADHE.

¹³⁷Wewe ni mwenye haki, Yahwe, na amri zako ni haki.

¹³⁸Umezipa amri za agano lako haki na uaminifu.

¹³⁹Hasira imeniangamiza kwa sababu adui zangu husahau maneno yako.

¹⁴⁰Neno lako limepimwa sana, naye mtumishi wako analipenda.

¹⁴¹Sina umuhimu na ninadharauliwa, lakini bado siyasahau maagizo yako.

¹⁴²Hukumu yako ni ya haki milele, na sheria yako ni ya kuaminika.

¹⁴³Japo dhiki na taabu vimenipata, amri zako bado ni furaha yangu.

¹⁴⁴Amri za agano lako ni za haki milele; unipe uelewa ili niweze kuishi. QOPH.

¹⁴⁵Nililia kwa moyo wangu wote, “Unijibu, Yahwe, nitazishika sheria zako.

¹⁴⁶Ninakuita wewe; uniokoe, nami nitazitii amri za agano lako.”

¹⁴⁷NInaamka asubuhi kabla jua halijachomoza na kulia kwa ajili ya msaada.

¹⁴⁸Ninatumaini katika maneno yako. Macho yangu yako wazi usiku kucha ili niweze kutafakari juu ya neno lako.

¹⁴⁹Sikia sauti yangu katika uaminifu wa agano lako; uniweke hai, Yahwe, kama ulivyoahidi katika amri zako za haki.

¹⁵⁰Wale wanaonitesa wananikaribia, lakini wako mbali na sheria yako.

¹⁵¹Wewe uko karibu, Yahwe, na amri zako ni za kuaminika.

¹⁵²Muda mrefu uliopita nilijifunza kutoka katika amri za agano lako ulizoziweka katika mahali pa milele. RESH.

¹⁵³Uyatazame mateso yangu na unisaidie, maana siisahau sheria yako.

¹⁵⁴Unitetee na kunikomboa; unihifadhi, kama ulivyo ahidi katika neno lako.

¹⁵⁵Wokovu uko mbali na waovu, maana hawazipendi amri zako.

¹⁵⁶Matendo yako ya huruma ni makuu, Yahwe; uniweke hai; kama ufanyavyo siku zote.

¹⁵⁷Watesi wangu na adui zangu ni wengi, lakini bado sijaenda mbali na amri za agano lako.

¹⁵⁸Nimewaona wasaliti wakitia kinyaa kwa sababu hawalishiki neno lako.

¹⁵⁹Tazama jinsi niyapendavyo maagizo yako; uniweke hai, Yahwe, kama ulivyoahidi katika uaminifu wa agano lako.

¹⁶⁰Kiini cha neno lako ni kweli; kila mmoja mwenye amri za haki hudumu milele. SHIN.

¹⁶¹Wakuu hunitesa bila sababu; moyo wangu hutetemeka, ukiogopa kutolitii neno lako.

¹⁶²Ninalifurahia neno lako kama apataye nyara nyingi.

¹⁶³Ninachukia na kudharau uongo, lakini naipenda sheria yako.

¹⁶⁴Mara saba kwa siku ninakusifu wewe kwa sababu ya amri zako za haki.

¹⁶⁵Wana amani nyingi, waipendao sheria yako; hakuna cha kuwatia mashakani.

¹⁶⁶Naungoja wokovu wako, Yahwe, na ninatii amri zako.

¹⁶⁷Ninazishika amri zako thabiti, na ninazipenda sana.

¹⁶⁸Ninayashika maagizo yako na amri zako thabiti, kwa maana unajua kila kitu nifanyacho. TAV.

¹⁶⁹Sikia kilio changu, Yahwe; unipe uelewa wa neno lako.

¹⁷⁰Maombi yangu yaje mbele zako; unisaidie, kama ulivyoahidi katika neno lako.

¹⁷¹Midomo yangu na imwage sifa, maana wewe unanifundisha sheria zako.