Zaburi 119:37-108

³⁷Uyageuze macho yangu dhidi ya kutazama mambo yasiyofaa; unihuishe katika njia zako.

³⁸Umtendee mtumishi wako ahadi ambayo uliifanya kwa wale wanaokuheshimu wewe.

³⁹Uniondolee shutumu niiogopayo, maana hukumu zako za haki ni njema.

⁴⁰Tazama, nimeyatamani maagizo yako; unihuishe katika haki yako. VAV.

⁴¹Ee Yahwe, unipe upendo wako usiokwisha na wokovu wako kulingana na ahadi yako;

⁴²ndipo nitakuwa na jibu kwa ajili ya yule anayenidhihaki.

⁴³Usiliondoe neno la kweli mdomoni mwangu, maana nimesubiri kwa ajili ya amri zako za haki.

⁴⁴Nitazitii sheria zako siku zote, milele na milele.

⁴⁵Nitaenenda salama, maana ninayatafuta maagizo yako.

⁴⁶Nitazinena amri zako thabiti mbele ya wafalme nami sitaaibika.

⁴⁷Ninafurahia katika amri zako, nizipendazo sana.

⁴⁸Nitaziinulia mikono yangu amri zako, nizipendazo; nitazitafakari sheria zako. ZAYIN.

⁴⁹Kumbuka ahadi yako kwa mtumishi wako kwa sababu umenipa tumaini.

⁵⁰Hii ni faraja yangu katika mateso: kuwa ahadi yako imeniweka hai.

⁵¹Wenye kiburi wamenicheka, lakini sijaiacha sheria yako.

⁵²Nimezitafakari amri zako za haki tangu zamani, Yahwe, nami ninajifariji mwenyewe.

⁵³Hasira kali imenishikilia kwa sababu ya waovu wanaoikataa sheria yako.

⁵⁴Sheria zako zimekuwa nyimbo zangu katika nyumba ninayoishi kwa muda.

⁵⁵Ninalifikiria jina lako wakati wa usiku, Yahwe, na kuzishika sheria zako.

⁵⁶Hili limekuwa zoezi langu kwa sababu nimeyatii maagizo yako. HETH.

⁵⁷Yahwe ni sehemu yangu; nimeamua kuyatii maneno yake.

⁵⁸Kwa bidii ninaomba neema yako kwa moyo wangu wote; unihurumie, kama neno lako lilivyo ahidi.

⁵⁹Nilizichunguza njia zangu na kugeuzia miguu yangu kwenye amri za agano lako.

⁶⁰Naharakisha na sichelewi kuzishika amri zako.

⁶¹Kamba za waovu zimenifunga; nami sijaisahau sheria yako.

⁶²Katikati ya usiku ninaamka kukushukuru wewe kwa sababu ya amri za haki yako.

⁶³Ninaurafiki na wale wanao kuabudu wewe, wale wote watiio maagizo yako.

⁶⁴Yahwe, nchi, imejaa uaminifu wa agano lako; unifundishe sheria zako. TETH.

⁶⁵Wewe umemtendea mema mtumishi wako, Yahwe, sawasawa na neno lako.

⁶⁶Unifundishe utambuzi sahihi na uelewa, kwa kuwa nimeamini katika amri zako.

⁶⁷Kabla sijateswa nilipotea, lakini sasa nimelitii neno lako.

⁶⁸Wewe ni mwema, na ndiye yule utendaye mema; unifundishe sheria zako.

⁶⁹Wenye kiburi wamenichafua kwa uongo, lakini niliyashika maagizo yako kwa moyo wangu wote.

⁷⁰Mioyo yao ni migumu, lakini ninafurahia katika sheria yako.

⁷¹Ni vizuri kwangu kuwa nimeteseka ili niweze kujifunza sheria zako.

⁷²Maagizo yatokayo kinywani mwako ni ya thamani zaidi kwangu kuliko maelfu ya vipande vya dhahabu na fedha. YOD.

⁷³Mikono yako imeniumba na kunitengeneza; unipe uelewa ili niweze kujifunza amri zako.

⁷⁴Wale wanao kucha wewe watafurahi wanionapo kwa sababu ninapata tumaini katika neno lako.

⁷⁵Ninajua, Yahwe, kuwa amri zako ni za haki, na kuwa katika uaminifu ulinitesa.

⁷⁶Agano lako aminifu na linifariji, kama ulivyomwahidi mtumishi wako.

⁷⁷Unihurumie ili niweze kuishi, kwa maana sheria yako ni furaha yangu.

⁷⁸Wenye kiburi na waaibishwe, maana wamenitukana; bali mimi nitayatafakari maagizo yako.

⁷⁹Wale wote wanao kucha wewe na wanigeukie, wale wazijuao amri za agano lako.

⁸⁰Moyo wangu uwe mkamilifu pamoja na heshima kwa sheria zako ili nisiaibike. KAPH.

⁸¹Ninazimia kwa kutamani sana kuwa wewe unaweza kuniokoa! Ninamatumaini katika neno lako.

⁸²Macho yangu yanatamani sana kuiona ahadi yako; ni lini utanifariji mimi?

⁸³Kwa maana nimekuwa kama kiriba katika moshi; sisahau sheria zako.

⁸⁴Ni kwa muda gani gani mtumishi wako atalazimika kuyavumilia haya; ni lini utawahukumu wale wanaonitesa?

⁸⁵Wenye kiburi wamenichimbia shimo, wasiotii sheria yako.

⁸⁶Amri zako zote ni za kuaminika; wale watu walinitesa bila ya haki; unisaidie.

⁸⁷karibu kunifanya nifikie mwisho juu ya nchi hii, lakini siyakatai maagizo yako.

⁸⁸Kwa upendo wako thabiti, uniweke hai, ili niweze kuzitii amri zako. LAMEDH.

⁸⁹Yahwe, neno lako linasimama milele; neno lako limefanywa imara mbinguni.

⁹⁰Uaminifu wako wadumu kwa ajili ya vizazi vyote; umeiimarisha nchi, nayo inadumu.

⁹¹Vitu yote yaliendelea mpaka leo hii, kama vile ulivyosema katika amri zako za haki, maana vitu vyote ni watumishi wako.

⁹²Kama sheria yako isingekuwa furaha yangu, ningeangamia katika mateso yangu.

⁹³Sitayasahau kamwe maagizo yako, maana kupitia hayo umeniweka hai.

⁹⁴Mimi ni wako, kwa maana ninayatafuta maagizo yao.

⁹⁵Waovu hujiandaa kuniangamiza, lakini nitatafuta kuzielewa amri za agano lako.

⁹⁶Nimeona kuwa kila kitu kina mipaka, lakini amri zako ni pana, zaidi ya mipaka. MEM.

⁹⁷Oh ni jinsi gani naipenda sheria yako! Ni tafakari yangu mchana kutwa.

⁹⁸Amri zako hunifanya mwenye hekima kuliko adui zangu, maana amri zako siku zote ziko pamoja nami.

⁹⁹Ninauelewa zaidi kuliko walimu wangu wote, kwa maana ninazitafakari amri za agano lako.

¹⁰⁰Ninaelewa kuliko wale wanaonizidi umri; hii ni kwa sababu nimeyashika maagizo yako.

¹⁰¹Nimeiepusha miguu yangu na kila njia ya uovu ili niweze kulitii neno lako.

¹⁰²Sijaenda kinyume na amri zako za haki, kwa maana wewe umenifundisha.

¹⁰³Ni jinsi gani maneno yako ni matamu kwenye majaribu yangu, naam, matamu kuliko asali kinywani mwangu!

¹⁰⁴Kupitia maagizo yako ninapata utambuzi; kwa hiyo kila njia isiyo ya kweli.

¹⁰⁵Neno lako ni taa ya mguu miguu yangu na mwanga wa njia yangu.

¹⁰⁶Nimeapa na nimethibitisha, kuwa nitazitii amri za haki yako.

¹⁰⁷Nimeteswa sana; uniweke hai, Yahwe, kama ulivyoahidi katika neno lako.

¹⁰⁸Yahwe, tafadhali pokea dhabihu yangu ya hiari ya kinywa changu, na unifundishe amri zako za haki.