1Nə üçün millətlər belə vurnuxmaya düşür, Ümmətlər boş şeylər düşünür?
2Dünya şahları yığışır, Hökmdarlar Rəbbə və Onun məsh etdiyinə qarşı birləşir.
3Deyirlər: «Gəlin onların buxovlarını qoparaq, Üstümüzdəki zəncirlərini ataq».
4Göylərin sakini gülür, Xudavənd onlara istehza edir.
5Sonra onlara hiddəti ilə xəbərdarlıq edəcək, Qəzəbi ilə onları dəhşətə gətirəcək.
6O deyir: «Mən padşahımı Müqəddəs dağım Sionda əyləşdirmişəm».
7Rəbbin fərmanını elan edəcəyəm. Rəbb mənə dedi: «Sən Mənim oğlumsan, Mən bu gün sənə Ata oldum.
Zəbur 2
Zəbur 2:1-7