SALMOS 2:1-7

¹¿Biẕ chen' ẕži'igak benne' yógo'te yež ka' che Dios? ¿Biẕ chen' ẕlab ḻáže'gak benne' ka' da' ẕzoan Ḻe' cheḻa'ale?

²Ẕži'igak benne' wnná bia' ka' chie' Ḻe', na' benne' yolawe' ka' žóngake' toze diža' nich wží'igake' che Dios, X̱ángake', na' che Bennen' wžé Dios chekze'.

³Ẕnnágake': “Yebéj kwinžo ḻo ná'gake', na' wzoažo cheḻa'ale da' bchí'igekle' žo'o.”

⁴Gan že' X̱anžon' ya'abá chie' žẕiže'. Žon ditjle' da' žek ḻáže'gake' góngake',

⁵na' ḻo yeḻa' ẕža'a chie' ẕdiḻe' ḻégake', na' ḻo yeḻa' yichj ža'a chie' ẕchebe' ḻégake'.

⁶Ẕnne': “Ḻo ya'a la'y chia', Ya'a Sión ba bzoa' Bennen' nna bi'e ḻo wlaza' neda'.”

⁷Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.