SALMOS 2:1-7

¹Se huihuiyotl para tlanahuatiani huan ininmasehualhua catli amo quiiximatij TOTECO ma motlananaca iixpa. San tlapic quisencahuase catli fiero quichihuase.

²Tlanahuatiani huan tlayacanca tequitini ipan tlaltipactli mosisinise, huan mocamanalhuise tlaque huelis quichihuilise TOTECO huan nopa Tlanahuatijquetl Catli Yaya Quitlapejpenijtoc.

³Tlahuejchihuase huan moijilhuise: “Ma timoquixtilica nopa tepos cadena catli ica techilpitoc. Ma timomanahuica para ayacmo huelis technahuatis TOTECO.”

⁴Pero Toteco catli itztoc nepa ilhuicac huan quinahuatía nochi, san quinhuetzquilis. Quena, san ininca paquis, pampa iixpa ya amo tleno ipati catli inijuanti quipilsencahuase.

⁵Teipa quema quiyolaxitise TOTECO, melahuac quinixcoilhuis. Huan ica miyac cualantli quinmajmatis huan quiijtos:

⁶“Ya nijtlalijtoc notlanahuatijca para tlanahuatis ipan altepetl Jerusalén. Yaya mosehuis ipan isiya yejyectzi nepa ipan notepe tlatzejtzeloltic catli itoca Sion.”

⁷Huan catli TOTECO quitlapejpenijtoc para itlanahuatijca quiijtos: Nitlayolmelahuas catli TOTECO nechilhuijtoc huan ya ni catli quiijto: “Ta tiTlanahuatijquetl, tiNocone. Ama nitlayolmelahua tlamiyacapa para na nimoTata.