Ayubu 22

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Kisha Elifazi Mtemani akajibu na kusema,

²Je mtu anaweza kumfaa Mungu “Je mwenye hekima anaweza kufaa kwake.

³Je inafurahisha kwa Mwenyezi ikiwa u mwenye haki? Je ni faida yake ukiyafanya safi maisha yako?

⁴Je ni kwa sababu ya uchaji wako kwake hata akukemee na kukuadhibu?

⁵Je si kwa sababu ya wingi wa uovu wako? Je hakuna mwisho wa makosa yako?

⁶Kwa maana umechukua dhamana kutoka kwa ndugu yako bila sababu; umechukua mavazi ya mtu na kumwacha uchi.

⁷Haukuwapa wenye kiu maji ya kunywea; umewanyima chakula wenye njaa

⁸japokuwa wewe, mwenye uwezo, uliimiliki nchi, japokuwa wewe, mwenye kuheshimiwa, uliishi ndani yake.

⁹Umewaacha wajane waondoke bila kitu; umewatesa yatima.

¹⁰Kwa hiyo, mabaya yanakuzunguka, na hofu za ghafla zinakusumbua.

¹¹Kuna giza, hata usione; gharika inakufunika.

¹²Je Mungu hayupo juu mbinguni? Anaangalia juu ya nyota, jinsi zilivyo juu!

¹³Unasema, 'Mungu anajua nini? Je anaweza kuamua kupitia giza totoro?

¹⁴Mawingu ni kifuniko chake, hata asituone; anatembea anga la mbinguni.'

¹⁵Je utayaishi maisha ya zamani walioishi waovu -

¹⁶walioondolewa kabla ya siku zao, ambao misingi yao imeondolewa kama mto,

¹⁷waliomwambia Mungu, 'Ondoka kwetu'; waliosema, 'Mwenyezi anaweza kututenda nini?

¹⁸Hata hivyo bado alizijaza nyumba zao kwa mema; mipango ya waovu iko mbali nami.

¹⁹Wenye haki wanayaona yawapatayo waovu na kufurahi; wasio na hatia wanawacheka kwa dhihaka.

²⁰Wanasema, 'Bila shaka walioinuka kinyume chetu wameondolewa; moto umeteketeza mali zao.'

²¹Basi patana na Mungu na uwe na amani naye; kwa njia hiyo, mema yatakujia.

²²Nakusihi, pokea, maelekezo yake; uyatii maneno yake.

²³Ukimrudia Mwenyezi, utajengwa, ukiacha kutenda uovu makaoni mwako.

²⁴Weka hazina zako mavumbini, dhahabu ya Ofiri kati ya mawe ya vijito,

²⁵na Mwenyezi atakuwa hazina zako, fedha ya thamani kwako.

²⁶Nawe utajifurahisha katika Mwenyezi; utamwangalia Mungu.

²⁷Utamwomba, naye atakusikiliza; utamtolea nadhiri.

²⁸Lakini pia utatamka lolote, nawe utapewa; nuru itaangaza maishani mwako.

²⁹Mungu humshusha mwenye kiburi, naye humwinua mnyenyekevu.

³⁰Atamwokoa asiye na hatia; utaokolewa kupitia usafi wa mikono yako.”