Zaburi 96:2-11

²Mwimbieni Yahwe, tukuzeni jina lake; tangazeni wokovu wake siku hadi siku.

³Tangazeni utukufu wake kati ya mataifa, matendo yake ya ajabu kati ya mataifa.

⁴Maana Yahwe ni mkuu na wakusifiwa sana. Ni wakuhofiwa kuliko miungu mingine.

⁵Maana miungu yote ya mataifa ni sanamu, bali ni Yahwe aliye zifanya mbingu.

⁶Heshima na adhama ziko mbele zake. Nguvu na uzuri zimo katika patakatifu pake.

⁷Mpeni Yahwe sifa, enyi ukoo wa watu, mpeni sifa Yahwe kwa ajili ya utukufu wake na nguvu.

⁸Mpeni Yahwe utukufu ambao unastahili jina lake. Leteni matoleo na muingie nyuani mwake.

⁹Mpigieni magoti Yahwe mkiwa mmevaa mavazi ambayo yanaheshimu utakatifu wake. Nchi yote tetemekeni mbele zake.

¹⁰Semeni kati ya mataifa, Yahwe anatawala.” Ulimwengu pia umeimarishwa; hauwezi kutikiswa. Yeye huwahukumu watu kwa haki.

¹¹Mbingu na zifurahi, na nchi ishangilie; bahari na ivume na vyote viijazavyo vipige kelele kwa shangwe.