Zaburi 92:3-15

³kwa kinubi cha nyuzi kumi na kwa tuni ya kinubi.

⁴Kwa kuwa wewe, Yahwe, matendo yako yamenifurahisha. Nitaimba kwa furaha kwa sababu ya matendo ya mikono yako.

⁵Ni jinsi gani matendo yako ni makuu, Yahwe! mawazo yako ni ya kina.

⁶Mtu mpumbavu hawezi kuyajua, wala mjinga kuyaelewa haya:

⁷Wasio haki watakapochipuka kama nyasi, na hata watendao uovu watakapo stawi, bado wataangamizwa kwenye uharibifu wa milele.

⁸Lakini wewe, Yahwe, utatawala milele.

⁹Hakika, watazame adui zako, Yahwe! Hakika, watazame adui zako. Wataangamia! Wale wote watendao maovu watatawanywa.

¹⁰Wewe umeyainua mapembe yangu kama mapembe ya Nyati wa porini; nimepakwa mafuta safi.

¹¹Macho yangu yameona kuanguka kwa adui zangu; masikio yangu yamesikia maangamizi ya maadui zangu waovu.

¹²Wenye haki watastawi kama mtende; watakua kama mwerezi wa Lebanoni.

¹³Wamepandwa katika nyumba ya Yahwe; wakistawi katika nyua za Mungu wetu.

¹⁴Wao huzaa matunda hata uzeeni; hukaa safi na wenye afya,

¹⁵kutangaza kuwa Yahwe ni wa haki. Yeye ni mwamba wangu, na hakuna udhalimu ndani yake.