Zaburi 132:7-18

⁷Tutaingia katika maskani ya Mungu; tutasujudu miguuni pake.

⁸Inuka, Ee Yahwe, uje mahali pako pa kupumzika, wewe na sanduku la nguvu zako!

⁹Makuhani wako na wavikwe uadilifu; waaminifu wako washangilie.

¹⁰Kwa ajili ya mtumishi wako Daudi, usimuache mfalme wako uliye mpaka mafuta.

¹¹Yahwe alimwapia Daudi kiapo cha uhakika, kiapo cha uhakika ambacho hatakivunja: “Nitamuweka mmoja wa wazawa wako kwenye kiti chako cha enzi.

¹²Kama wana wako watalishika agano langu na sheria ambazo nitawafundisha, watoto wao pia watakaa kwenye kiti chako cha enzi milele.”

¹³Hakika Yahwe ameichagua Sayuni, ameitamani kwa ajili ya makao yake.

¹⁴“Hapa ni mahali pangu pa kupumzika milele. Nitaishi hapa, kwa kuwa ninapatamani.

¹⁵Nitapabariki sana kwa mahitaji. Nitawatosheleza maskini wake kwa mkate.

¹⁶Nitawavisha makuhani wake kwa wokovu, waaminifu wake watashangilia kwa furaha.

¹⁷Hapo nitachipusha pembe kwa ajili ya Daudi na kuweka taa juu kwa ajili ya mpakwa mafuta wangu.

¹⁸Nitawavisha adui kwa aibu, bali juu yake taji yake itang'aa.”