Zəbur 30:3-11

³Ya Rəbb, canımı Ölülər diyarından azad etdin, Qəbirə düşməyim deyə Sən mənə həyat verdin.

⁴Ey Rəbbin möminləri, Onu tərənnüm edin, Onun müqəddəs isminə şükür edin.

⁵Çünki qəzəbi bir anlıq olur, Lütfü isə ömür boyu qalır. Kimin bir gecə gözündən yaş tökülərsə, Onun üçün sübh tezdən sevinc doğar.

⁶Dinclik tapanda dedim: «Əsla sarsılmaram».

⁷Ya Rəbb, lütfünlə məni Bir dağ kimi möhkəm etdin. Sonra məndən üz gizlətdin, Canıma vəlvələ düşdü.

⁸Ya Rəbb, Səni çağırdım, Xudavəndə belə yalvardım:

⁹«Qanımı töküb qəbirə düşsəm, Sənə fayda verərmi? Torpaq Sənə şükür edə bilərmi, Sədaqətini elan edə bilərmi?

¹⁰Ya Rəbb, dinlə, mənə lütf et, Ya Rəbb, köməyimə çat».

¹¹Yasımı şənliyə çevirdin, Çulumu çıxarıb məni sevincə bürüdün.