Sam 30:3-11

³Zihova, ele harupu pule nau Goi koa sa lovu, ele va sare au Goi koa rini pu hiva va mate au.

⁴Mi kera vahesia se Zihova, ke gamu na tie raṉeraṉe; mi va lavatia sa pozana hopena.

⁵Ura sa Nana binugoro si pa totoso papakana mo, ba sa Nana minana koa rini pu qetu ni Sa si koa hola ninae rane. Sa kinabokabo si pa keke boṉi holana mo, ba pana munumunu si na qinetuqetu marilaena.

⁶Meke zama si rau, “Ba lopu kaqu tava kilasa si rau,” gua, ura sokirae nia rau koe Zihova sa qua rinaṉeraṉe.

⁷Ele toka nau Goi Zihova pa Mua tataru, ke lopu tava rizu sa qua tinoa guana toqere, ba pana lopu olaṉau Goi pa tinasuna si tarazuzu pa minatagutu si rau.

⁸Koa Goi Zihova mo si varavara atu rau, koa Goi Baṉara si tepa atua rau sa tinokae.

⁹Nasa sa laequ rau be mate sa tiniqu? Nasa laena sa tina pomunaequ pa lovu? Kaqu boka vahesigo rina tie matedi si goi? Kaqu boka tarae vura nia rini sa Mua tina ronuemu?

¹⁰Kei Zihova, Mu avoso mae au pa Mua tataru, Kei Zihova, Mamu toka nau.

¹¹Ele hobe nia pinekapeka pa qinetuqetu Goi sa qua tinalotaṉa; Ele va murimuri pania Goi sa qua kinuliusu, meke poni nau Goi sa qinetu guana qua poko.