Zəbur 16:3-11

³Yer üzünün müqəddəsləri isə nəcib insanlardır, Yalnız belələrindən zövq alıram.

⁴Yad allahların ardınca qaçanların dərdi artacaq, Onlar üçün qan təqdimləri vermərəm, Adlarını dilimə gətirmərəm.

⁵Ya Rəbb, mənim qismətimsən, kasama düşən paysan, Püşkümə düşən Səndən asılıdır.

⁶Qismətimə gözəl yerlər düşdü, Bəli, mənə nemət nəsib oldu.

⁷Mənə nəsihət verən Rəbbə alqış edirəm, Hətta gecələr də vicdanım mənə ağıl öyrədir.

⁸Rəbbə həmişə üz tutmuşam, Sağımda olduğu üçün sarsılmaram.

⁹Elə bunun üçün qəlbim sevinir, ruhum şad olur, Cismim əmin-amanlıqda yaşayır.

¹⁰Çünki məni ölülər diyarına atmazsan, Mömin insanını qəbirə salmazsan.

¹¹Mənə həyat yolunu öyrədirsən, Doyunca sevinc Sənin hüzurundadır, Sağ əlində hər zaman səadət var».