Kölfel 16:3-11

³Ekewe chon pin mi nom won fanüfan ra iteföüla. Üa fokun pwapwaäsini ai üpwe nom rer.

⁴Ekewe aramas mi filätä pwal ekoch kot ra achomonga ar riaföü. Üsap fokun etiir, lupwen ra asor, üsap pwal fel ngeni ar kewe kot.

⁵Ai Samol mi Lapalap, en ai, ka fokun aüchea ngeniei. En ewe mi fang ngeniei meinisin mine üpwe eäni.

⁶Ineti we a nom lon eu fanü mi fokun öch. Ewer, ineti we a mürina.

⁷Üa mwareiti ewe Samol mi Lapalap, pun a öüröüraei, nge lepwin lelukei a pwal fönöüei.

⁸Iteiten fansoun üa mefi pwe ewe Samol mi Lapalap a nom rei. Pokiten i a arap ngeniei, üsap tongeni mwökütüküt.

⁹Iei mine lelukei a pwapwa o mwänek, inisi a mefi kinamwe.

¹⁰Pun en ka tümwünüei seni manamanen mäla, kosap pwal mwüt ngeni noum we mi pin pwe epwe mwöch lon peias.

¹¹En ka aiti ngeniei ewe alen manau. Om nom rei a afisätä ai pwapwa mi somwosom o awarato ai mwänek tori feilfeilachök.