Yobu 4

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ɔ̃ Temani gbɛ̃́ Ɛlifaza yã́zãsìwà à mɛ̀:

²Tó gbɛ̃́ wↄ́ↄ fↄ̃̀ yã'ònɛ, ńyↄ̃ mɛnaòoa? Asa ma lɛ́ a fↄ̃ àↄ kpaaũao.

³Gwa, n lɛdà gbɛ̃́ↄwa dasi, n gbɛ̃́ pↄ́ an yɛ̃̀ɛɛ làaↄ gbà sↄ̃.

⁴N yã́ gbɛ̃́ pↄ́ lɛ́ fuↄ sɛ̀ lɛsĩ, n gbɛ̃́ pↄ́ naalɛaↄ gbà gbãa.

⁵Kɛ́ yã́ n le sa sↄ̃, ńlɛ fu, kɛ́ à n le, ↄ̃ bíli n kũ.

⁶N vĩakɛa Luaɛ lí tó n mi àↄ daa íao lé? N kua tàaesai lí tó n nↄ̀sɛ àↄ daa doũo lé?

⁷Làasookɛ! Démɛ i yãe kɛo, ↄ̃ à mìdɛi? Gbɛ̃maa ku má ↄ̃ wà aà suumpai?

⁸Gbɛ̃́ pↄ́ vãi sa pà à yãkele tↄ̃̀wà, málɛ e bee mɛ́ ì bↄlɛɛ̀.

⁹Lua lɛ́'ĩana ì aà midɛ, aà pↄbↄa a níu ì aà tↄ̀lↄzↄ̃.

¹⁰Aà kãaa lán nↄ̀ↄmusuwa lɛ́ ì ká, Lua ì aà swaa ɛ́'ɛɛ̀.

¹¹Ì ga lán nↄ̀ↄmusu pↄ́ nↄ̀ↄ wɛ̀ɛlɛ kùawàwa, aà nɛ́ↄ i fãaa.

¹²Yã́kpãina mↄ̀a ĩ́ana guu, yã́pi feena gɛ̃̀ ma swã́u,

¹³gↄↄ pↄ́ málɛ nana yàaa o gwãasĩna, gↄↄ pↄ́ izↄ̃ↄ daa gbɛ̃́ↄla.

¹⁴Vĩa ma kũ, málɛ lualua, ma mɛ̀ bṹu lɛ́ dee.

¹⁵Ĩana ma oa pà, ma mɛkã fɛ̀lɛ sĩ̀.

¹⁶À zɛ̀, mi a taa dↄ̃o, pↄ́pi ku ma aɛ, ↄ̃ ma aà lↄↄ kpã́ina mà à mɛ̀:

¹⁷Gbɛ̃nazĩna yã́ aↄ na Luaɛe? Démɛ a fↄ̃ àↄ zɛ̃a a Kɛna aɛi?

¹⁸Lá Lua lí a malaikaↄ náaikɛo, mɛ́ ì a zↄ̀blenapiↄ tàae e,

¹⁹wa wá gbɛ̃́ pↄ́ wá mɛ dɛ gĩ̀ kpɛ́ ũ, mɛ́ wá daalɛa dɛ bùsu giina ũ, wì wá suumpa lán kitolowa pↄ́ oa?

²⁰Za kↄↄ e oosi gbɛ̃́ↄ ì gaga, aaì sãalɛ e gↄↄpii, wìli ń fãnkɛo.

²¹Lua ì ń kpɛ́pi gbapɛlɛ wolɛnɛ́, ↄ̃ aaì ga ↄ̃nↄkũsai.