Sɑkɑlɩ 5

1

2

3

4

5

6

7

8

9

10

11

12

13

14

¹Ḿpʋɣʋ pə lɑpɑ-m ɩsɩɩ toosee tɑkɑ. Ɩlɛ mɑ nɑwɑ tɑkəlɑɣɑ nɑ kɑ́ kʋləɣɩ hʋntʋ ntɛ.

²Ɩlɛnɑ ɩsɔtɑɑ tillu pɔɔsɩ-m sɩ: Pepeɣe n nɑɑkɩ? Mɑ sɩ: Tɑkəlɑɣɑ hɛtənɑ nɑ kɑ́ kʋləɣɩ hʋntʋ. Kɑ tɑɣɑləŋ wɛ mɛɛtələnɑɑ nɑɑnʋwɑ. Kɑ wɑŋ kɛ mɛɛtələnɑɑ kɑkpɑsɩ.

³Ḿpʋɣʋ ɩ tɔmɑ-m sɩ: Mpusi kɑ́ mɑɣɑnɑ tɛtʋ tɑɑ ŋmɩɩlɑɑ, nɑ mpɑ pɑ tuukinɑ yem yem tɔ, pɑɑ ləsɩ-wɛɣɛ tɛtʋ. Mpɛɣɛ pɑ ŋmɑɑ kɑ tɑɑ nɑ kɑ wɑɑlɩ.

⁴Pə tənɑ pə tʋ Tɑcɑɑ sɩ: Mɑ mɑɣɑmɑɣɑ mɑɑ kɔnnɑ mpusi ɩnɩ. Mpusi ɩnɩ ɩ kɑ́ sʋʋ pɑɑ ŋmɩɩlʋ wei, nɑ mpɑ pɑ tuukinɑ mɑ hətɛ kɛ yem yem tɔ, pɑ tɛɛsɩ tɑɑ. Ɩ kɑ́ cɑɣɑ tənɑ nɑ ɩ́ wɑkəlɩ kutuluɣu nɑ kʋ pɛɛ nɑ kʋ kpɑtəŋ.

⁵Ḿpʋɣʋ ɩsɔtɑɑ tillu wei ɩ yɔɣɔtənɑ-m tɔ ɩ kɔmɑ nɑ ɩ́ tɔ-m sɩ: Kʋsɩ ɩsɛ. Pepe nɑ pepeɣe n nɑɑkɩ tənɑ?

⁶Ɩlɛnɑ mɑ́ pɔɔsɩ-ɩ sɩ: Pepeɣelɛ? Mpʋɣʋlɛ sɩ: Tɔkʋ ŋku kʋ tɑɑ wɛ ɩsɑɣɑtʋ tənɑ tɔɣɔlɛ.

⁷Wɑɑtʋ ɩnəɣɩ tɔkʋ ŋkʋ kʋ pəle nyəɣəlʋɣʋ nyəntɛ kulɑɑ nɑ mɑ́ nɑ́ ɑlʋ nɔɣɔlʋ nɑ ɩ́ cɑɣɑ kʋ tɑɑ.

⁸Ntɛnɑ ɩsɔtɑɑ tillu sɩ: Alʋ ɩnɛ ɩ kɛnɑ ɩsɑɣɑtʋ. Ɩlɛnɑ ɩ́ tusi-ɩ nɑ ɩ́ məŋnɑ kʋ tɑɑ tənɑ nɑ ɩ́ pɑ́ pəle.

⁹Mɑ kʋsɑ ɩsɛ, ɩlɛ heelim kpɑɣɑ ɑlɑɑ nɑpələɣəlɛ nɑɑlɛ nɑ pə́ kɔnɑ. Pɑ keŋ nəɣəsənɑ kɛ́ ɩsɩɩ kʋlɑɑləŋ. Ḿpʋɣʋ pɑ kpɑɣɑ tɔkʋ ŋkʋ nɑ pɑ́ tɛɛnɑ.

¹⁰Ḿpʋɣʋ mɑ pɔɔsɑ ɩsɔtɑɑ tillu sɩ: Leɣe pɑ pukinɑ-kʋ?

¹¹Ntɛnɑ ɩ́ cɔ-m sɩ: Pɑpiloni kɛ pɑ puki sɩ pɑ ŋmɑ kutuluɣu nɑ pɑ́ sɩɩ-ɩ nɑ pɑ́ lɑɑkɩ.