Sɑkɑlɩ 3

1

2

3

4

5

6

7

8

9

10

11

12

13

14

¹Ḿpʋɣʋ Tɑcɑɑ hʋlɑ-m kɔtʋlʋ sɔsɔ Yesuwɑ. Ɩ səŋɑ ɩsɔtɑɑ tillu ɩsɛntɑɑ. Sɑtɑnɩ nɑ́ wɛ ntɔɣɔŋ tɔɔ sɩ, ɩ cɑɑ-ɩ tɔm suuu.

²Ntɛnɑ ɩsɔtɑɑ tillu təkɩ Sɑtɑnɩ sɩ: Su, Tɑcɑɑ ləsənɑ Yosɑlɛm. Yesuwɑ nɑ́ wɛ ɩsɩɩ tuputuɣu ŋku pɑ ləsɑ kɔkɔ tɑɑ tɔ.

³Yesuwɑ kɑ səŋɑ tənɑ tɔ nɑ ɩ́ suu ɑsilimɑ wontu kɛ.

⁴Ḿpʋɣʋ ɩsɔtɑɑ tillu tɔmɑ ɩ́ nɑ mpɑ tɔ sɩ: Ɩ́ wɔɣɔsɩ-tɩ. Mɑ hɩɩsɑ ɩ ɩsɑɣɑtʋ. Ɩ́ kɑ́ suu-ɩ ɑcimɑ wontu.

⁵Nɑ ɩ́ tɑsɑ sɩ: Ɩ́ temi-ɩ sɑɑlɑɣɑ kʋpɑŋkɑ. Ɩlɛnɑ pɑ́ lɑ mpʋ. Pɑ suu-ɩ wontu kʋpɑntʋ tɔtɔɣɔ nɑ ɩsɔtɑɑ tillu wɛ tənɑ.

⁶Tənɑɣɑ ɩsɔtɑɑ tillu tɔmɑ sɩ:

⁷Pə tənɑ pə tʋ Tɑcɑɑ mɑ́ mɑ sɩɩ mɑ nɔɣɔ sɩ: Ye Ɩsɛɣɛlɩ nyə́mɑ tɔkɑ mɑ kiiŋ nɑ pɑ́ təŋəɣɩ mɑ kʋtʋtʋtʋ mɑɑ kpɑ-mɛɣɛ Ɩsɔ təsɛɛlɛ sɔsɑɑ sɔsɑɑ nɑ mɑ tɑɣɑ pɑɑsənlɑɑ. Mɑɑ tʋ-mɛɣɛ ɩsɔtɑɑ tillɑɑ mpɑ pɑ wɛ mɑ təmlɛ tɑɑ ɩsəntɔ tɔ pɑ tɑɑ.

⁸Ḿpʋɣʋ Tɑcɑɑ yɔɣɔtɑɑ sɩ: Kɔtʋlʋ sɔsɔ Yesuwɑ nɑ ɩ tɑɑpɑlɑɑ mɛ. Mə hʋləɣənɑ nyʋɣʋ yɑpʋ mpi pɩɩ kɔɔ tɔ pə tɔm. Ɩ́ ke ŋkpɑŋŋ nɑ ɩ́ nɩɩ. Mɑɑ yele nɑ mɑ təmlɛ tʋ Tɑfiiti Hoole lɩɩ.

⁹Mɑ sɩɩkɩ pəlɛ nte tə wɛnɑ ɩsɛ nɑɑtosompɔɣɔlɑɣɑ tɔɣɔ Yesuwɑ ɩsɛntɑɑ. Ɩlɛnɑ mɑ́ ŋmɑɑ tə tɔɔ kɛ́ mɑ tɔm. Mɑɑ kɔɔlɩ ɩsɑɣɑtʋ nti tə pilisiɣi ɩcɑtɛ tənɑ tɔɣɔ kʋyɑkʋ kʋlʋmʋɣʋ. Pə tənɑ pə tʋ Tɑcɑɑ mɑ́, mɑ yɔɣɔtənɑ mpʋ.

¹⁰Kʋyɑkʋ ŋkʋ kʋ kɔmɑ, ɩlɛ ɩ́ kɑ́ yɑɑ lɛlɑɑ nɑ mə nɑ-wɛ ɩ́ yɔɔlɩ mə tɩɩŋ kʋlʋlʋŋ nɑ mə fikinɑɑ tɛɛ nɑ hɛɛsʋɣʋ.