Osee 6

1

2

3

4

5

6

7

8

9

10

11

12

13

14

¹Wɑɑtʋ ɩnǝɣǝlɛ Ɩsɛɣɛlɩ nyǝ́mɑ kɑ́ tɔ sɩ: Tǝ mǝlǝɣɩ Tɑcɑɑ nyɑ́ nyɑ́ tɔɔ. Nyɑ́ kʋnɑ-tʋ. Ɩlɛ n kɑ́ hɔkɔ tɑ hiŋ nɑ ń wɑɑ-tʋ,

²nɑ ń hɑ-tʋɣʋ weesuɣu. Pǝ kɑɑsɑ kʋyɛɛŋ nɑɑlɛ, ɩlɛnɑ ń kʋsɩ-tʋɣʋ tooso nyǝŋkʋ tɑɑ.

³Mpʋ tɔ, tǝ sɛɛsɩ ɩsǝlɛ kɛ teu nɑ tǝ́ nyɩ Tɑcɑɑ. Ɩsɩɩ ilim lɩɩkʋɣʋ tɑnɑŋ nɑ tɛʋ nɑ́ɑ́ nɩɩ toomɑɣɑ tɔ. Mpʋ tɔtɔɣɔ Tɑcɑɑ sǝnɑʋ tɔm wɛ nɑɑni.

⁴Wɑɑtʋ ɩnǝɣɩ Tɑcɑɑ kɑ́ pɔɔsɩ ɩ tɩ sɩ: Ɩsǝnɑɣɑ mɑɑ tɛnɑ Yutɑ nɑ Ɩsɛɣɛlɩ pɑ tɔm? Anɩ pɑ luɣu ɩɩ lɑɑ-m lɩɩʋ kɛ́ ɩsɩɩ tɑnɑŋ ɩhunte, yɑɑ cɔlɔʋ sɑɑlʋɣʋ tɔ.

⁵Pǝ tɔɔ kɛ́ mɑ yookinɑ-wɛ nɑ Ɩsɔ kʋyɔɣɔtʋtʋ tɛlǝsǝlɑɑ wɑɑsʋ. Mɑ kpɑɑlǝɣɩ-wɛ sɩ pɑɑ kʋ mǝ tǝnɑ. Mɑ kʋsɔɔlǝm nɑɑ teu kɛ́ tǝcɛɩcɛɩ ɩsɩɩ ilim.

⁶Mɑ cɑɑ kɛ́ sɩ yǝlɑɑ ɩ́ nyɩ-m nɑ pɑ́ lɑkɩ kʋpɑntʋ. Pǝlɛ pǝ kǝlɑ kɔtɑsɩ nsi kɔkɔ lusɑ sɩ tǝnɑ tɔ.

⁷Teitei ɩsɩɩ yǝlɑɑ tǝnɑ lɑpʋ tɔ, ḿpʋ́ɣʋ́ mǝ tɑ tɔkɩ ɩsǝnɑ ɩ́ kɑ́ sɩɩ mǝ nɔɔsɩ tɔ.

⁸Kɑlɑɑtɩ nɑ́ kɛ́ ɑsɑɣɑɑ ɩcɑtɛ kɛ, nɑ pɑ́ kʋɣɩ yǝlɑɑ.

⁹Kɔtǝlɑɑ kpekǝle nɑ́ pǝsɑ yʋlʋkʋlɑɑ kɛ́. Pɑ cɛŋǝɣɩ yǝlɑɑ kɛ Sikɛm mpɑɑʋ tɑɑ. Mpi tɔ, pɑ hɑ pɑ tǝɣɩ kɑwɑlɑɣɑ tɑɑ kɛ́.

¹⁰Mɑ nɑwɑ ɑcɑɑlǝtʋ kɛ Ɩsɛɣɛlɩ piitim tɑɑ. Tɩɩŋ kɛ pɑ lɑɑkɩ nɑ pɑ́ pilisiɣi tǝmɑ.

¹¹Pǝ kɑɑsɑ Yutɑ nyǝ́mɑ tɔ, mɑ tʋ mǝ hʋʋlɛ pǝlɛ kɛ́.