Hoshiya 6

1

2

3

4

5

6

7

8

9

10

11

12

13

14

¹«Kélinglar, Perwerdigarning yénigha qaytayli; Chünki U titma-titma qiliwetti, biraq saqaytidu; Uruwetti, biraq bizni téngip qoyidu.

²U ikki kündin kéyin bizni janlanduridu; Üchinchi küni U bizni tirilduridu, Biz Uning yüzi aldida hayat yashaymiz!

³We biz Uni bilidighan bolimiz! Biz Perwerdigarni tonush hem bilish üchün intilip qoghlaymiz! Uning bizni qutquzushqa chiqishi tang seherning bolushidek muqerrer; U yénimizgha yamghurdek, yer-zéminni sughiridighan «kéyinki yamghur»dek chüshüp kélidu!».

⁴I Efraim, séni qandaq qilsam bolar? I Yehuda, séni qandaq qilsam bolar? Chünki yaxshiliqinglar seherdiki bir parche buluttek, Tézdin yoqap kétidighan shebnemdektur.

⁵Shunga Men peyghemberler arqiliq ularni chépiwetken; Aghzimdiki sözler bilen ularni öltürüwetkenmen; Méning hökümüm tang nuridek chiqidu.

⁶Chünki Men qurbanliqlardin emes, belki méhir-muhebbettin, Köydürme qurbanliqlardin köre, Xudani tonush hem bilishtin xursenlik tapimen.  

⁷Biraq ular Adem-atidek ehdige itaetsizlik qilghan; Ular mana shu yol bilen Manga asiyliq qilghan.

⁸Giléad bolsa qebihlik qilghuchilarning shehiri; U qan bilen boyalghan.

⁹Qaraqchilar ademni paylighandek, Kahinlar topi Shekemge baridighan yolda qatilliq qilmaqta; Berheq, ular iplasliq qilmaqta.

¹⁰Israil jemetide yirginchlik bir ishni kördüm; Efraimning pahishiliki shu yerde tépilidu, Israil bulghandi.

¹¹Yene sangimu, i Yehuda, térighan gunahliringning hosuli békitilgendur!