Osee 1

1

2

3

4

5

6

7

8

9

10

11

12

13

14

¹Tɑkǝlɑɣɑ kɑnɛ kɑ tɑɑ kɛ́ pɑ kɛɛsɑ tɔm. Tɑcɑɑ kɑ heelinɑ-tǝɣɩ Peeli pǝyɑlʋ Osee. Sowɑsɩ pǝyɑlʋ Solopʋwɑm wei ɩ kɑ kɛ Ɩsɛɣɛlɩ wulɑʋ tɔ ɩ pɔɔlɛ tɑɑ kɛ́ Tɑcɑɑ kɛɛsɑ Osee kɛ tɔm ntɩ. Wɑɑtʋ kʋlʋm ɩnɩ ɩ tɑɑ tɔtɔɣɔ, Osiyɑsɩ nɑ Yotɑm nɑ Ahɑsɩ nɑ Ɩsekiyɑsɩ, pɛlɛ pɑ tɔkɑɣɑ kɑwulɑɣɑ kɛ Yutɑ tɑɑ, nɑ pɑ́ kɑɑsǝɣɩ tǝmɑ.

²Tɔm kɑncɑɑlɑɣɑ nyǝntʋ nti Tɑcɑɑ heelɑ Osee tɔɣɔlɛ sɩ: Polo nɑ ń kpɑɣɑ ɑpɑlɑɑ tǝnɑ ɑlʋ nɔɣɔlʋ. Ɩ piyɑ ɩ́ tǝŋ sɩ too ɩkpɑtɛ. Mpi tɔ, Ɩsɛɣɛlɩ nyǝ́mɑ tǝnɑ kisɑ Tɑcɑɑ mɑɣɑ, nɑ pɑ́ hɑ pɑ tǝɣɩ tɩɩŋ lɑɑʋ tɑɑ.

³Ḿpʋ́ɣʋ́ Osee polɑɑ nɑ ɩ́ kpɑɣɑ Tipilɑyim pɛɛlɔ Komɛɛ. Ɩlɛnɑ ɑlʋ ɩnɩ ɩ lʋlɩ-ɩ ɑpɑlʋpǝyɑɣɑ.

⁴Ḿpʋ́ɣʋ́ Tɑcɑɑ tɔmɑ Osee sɩ: Hɑ-kɛ sɩ, Sisilee. Mpi tɔ, pǝ kɑɑsɑ pǝcɔ mɑɑ lɛɛtɩ Yehu lʋlʋɣʋ nyǝ́mɑ kɛ yʋlʋkʋlɛ nte pɑ lɑpɑ Sisilee tɔ tǝ tɔɔ. Ɩlɛnɑ mɑ́ sɩɩ Ɩsɛɣɛlɩ kɑwulɑɣɑ tǝnɑɣɑ.

⁵Mɑɑ wɑkǝlɩ pɑ yoolɑɑ toŋ kɛ Sisilee tɛtɛkǝlɛ tɑɑ kɛ́ kʋyɑkʋ ŋkʋ.

⁶Komɛɛ tɑsɑ hɔɣɔ hɑɣɑʋ, ɩlɛnɑ ɩ́ lʋlɩ ɑpɑlʋpǝyɑɣɑ, nɑ Tɑcɑɑ heeli Osee sɩ: Hɑ-kɛ sɩ, Pǝtɔɔtǝlɛ fɛɩ. Pǝ hʋwɛɛ ntɛ sɩ Tɑcɑɑ mɑ́ mɑ kɑɑ nyǝnɩ pɑ pǝtɔɔtǝlɛ nɑ mɑ́ hʋlɩ-wɛɣɛ suulu.

⁷Amɑ mɑ kɑɑ lɑ ḿpʋ́ɣʋ́ Yutɑ nyǝ́mɑ. Hɑlɩ pɑ Ɩsɔ Tɑcɑɑ mɑ́, mɑɑ wɑɑsɩ-wɛɣɛ. Mɑ pɑɑ fɛɩnɑ yoou yɑɑ tɔɔʋ, yɑɑ lɑɣɑtɛ, yɑɑ yoou kpɑɣɑnǝŋ, yɑɑ ɩ cɑɣɑlɑɑ.

⁸Komɛɛ tisɑ Pǝtɔɔtǝlɛ fɛɩ, ɩlɛnɑ ɩ́ kpɑɣɑ hɔɣɔ nɑ ɩ́ lʋlɩ ɑpɑlʋpǝyɑɣɑ.

⁹Ɩlɛnɑ Tɑcɑɑ heeli Osee sɩ: Hɑ-kɛ sɩ, Pɑ tɑ kɛ mɑ nyǝ́mɑ. Mpi tɔ, Ɩsɛɣɛlɩ nyǝ́mɑ tɑ kɛ mɑ yǝlɑɑ, nɑ mɑ́ tɑ́ kɛ́ pɑ Ɩsɔ.