Annabi Hose 6

1

2

3

4

5

6

7

8

9

10

11

12

13

14

¹Wo fa be, won xa gbilen Alatala ma! A bara won tɔɔrɔ, kɔnɔ yakɔsi a won nayalanma nɛ. A bara won bɔnbɔ, kɔnɔ yakɔsi a won ma fie maxirima nɛ.

²Xi firin na dangi, a fama nɛ won nayalande, a xi saxan nde a won nakeli, won fa lu a sɛɛti ma.

³Won xa Alatala fen, won xa a kolon. Ala fafe mu kanama. Lɔxɔ yo lɔxɔ kuye ibama, ɲɛmɛ birin tunɛ fama. Ala fan mu tondima fade won yire.

⁴«N munse rabama i tan na, Efirami? N munse rabama i ra, Yudaya? I xa hinnɛ n mabiri, luxi nɛ alɔ xini naxan goroma gɛɛsɛgɛ, kɔnɔ beenun soge xa xɔnɔ, a ɲɔn.

⁵N wo gerema namiɲɔnmɛe xa masenyie ra na nan ma, n wo faxama nɛ n ma masenyie ra. N ma kiitie fiixɛ alɔ naiyalanyi.

⁶Hinnɛ rafan n ma dangife sɛrɛxɛ ra, Ala kolonfe dangi sɛrɛxɛ gan daaxie ra.

⁷E bara n ma saatɛ kana, alɔ adamadie darixi a ra ki naxɛ. E bara n yanfa.

⁸Mixi ɲaaxi wuya Galadi, faxɛtie bara gbo naa.

⁹Sɛrɛxɛdubɛe baganma mixi ma Sikemi kira xɔn ma alɔ muɲɛtie. Na faxɛ tife, fe ɲaaxi na a ra.

¹⁰N bara fe ɲaaxie to Isirayilakae tagi: Efirami bara langoeɲa raba, Isirayila bara nɔxɔ.

¹¹Yudaya, n na gɛ n ma ɲama ragbilende konyiya kui, n wo fan ɲaxankatama nɛ.»