Osee 11

1

2

3

4

5

6

7

8

9

10

11

12

13

14

¹Ḿpʋ́ɣʋ́ Tɑcɑɑ tɔmɑ sɩ: Wɑɑtʋ wei Ɩsɛɣɛlɩ n kɑ kɛ́ ɩfepu tɔ, mɑɑ sɔɔlɑ-ŋ kɛ́. Hɑlǝnɑ mɑ́ yɑɑ-ŋ mɑ pǝyɑɣɑ, nɑ mɑ́ lǝsɩ-ŋ Icipiti tɑɑ.

²Mɑ tɔŋnɑ-ŋ yɑɑʋ, ɩlɛnɑ nyɑɑ seeki-m nɑ ń lɑɑkɩ Pɑɑlɩ nɑ tɩɩŋ lɛlǝŋ. Ɩlɛnɑ n wɔkɩ-ɩ kɔtɑɣɑ tulɑɑlʋ.

³Pǝyele mɑ́ tɔkǝnɑ nyɑ́ niŋ nɑ mɑ́ hɔ-ŋ tɑɑtɑɑ. Amɑ n tɑ nyǝnnɑ tǝnɑ.

⁴Mɑ sɔɔlɑ-ŋ kɛ́, nɑ mɑ́ pɑɑsǝnɑ-ŋ tǝpɑmm, nɑ mɑ́ wɑɣɑlǝɣɩ-ŋ, ɩsɩɩ cɛcɛ lɑkʋɣʋ ɩ pǝyɑɣɑ tɔ. Mɑ sopɑ nyɑ́ tɛɛ, nɑ mɑ́ hɑɑkɩ-ŋ tɔɣɔnɑɣɑ.

⁵Icipiti nyǝ́mɑ kɑɑ tɑsɑ-mɛɣɛ yomle kpɑʋ yɑɑ. Amɑ Asilii nyǝ́mɑ kɑ́ ŋmɑkǝlǝnɑ-mɛɣɛ timpi ɩ́ kisɑ mɑ kiŋ kɛ kɔntɛ tɔ.

⁶Pǝ tɔɔ kɛ́ yoou kɑ wɛɛ mǝ ɑcɑlɛɛ tɑɑ, nɑ kʋ wɑkǝlɩ ɑ kʋkentim. Ɩsɛɣɛlɩ nyǝ́mɑ kʋmɑɣɑsǝm kɑsǝyɑɣɑ ntɛ́.

⁷Mɑ yǝlɑɑ cɑɑkɩ-m kisuɣu nɑ pɑ́ yɑɑkɩ-wɛ nɑ Ɩsɔ tɔɔ, pɑɑ nɩɩkɩ.

⁸Ɩsǝnɑɣɑ mɑɑ pǝsɩ nɑ mɑ́ lɔ Ɩsɛɣɛlɩ nɑ pǝ sɑɑlɩ? Nɑ mɑ́ wɑkǝlɩ-ŋ ɩsɩɩ mɑ lɑpʋ Atǝmɑ, nɑ Sepoyim pǝ ɑcɑlɛɛ tɔ? Tɔfɔ pɩɩ wɑkǝlɩ mɑ lɑŋlɛ nɑ mɑ́ nyɑsɑ mɑ tǝɣɩ kelɑ.

⁹Mɑ kɑɑ tɑsɑ Ɩfǝlɑyim nyǝ́mɑ kɛ wɑkǝlʋɣʋ. Mpi tɔ, mɑ kɛ́ Ɩsɔ Nɑŋŋ tʋ kɛ́, mɑ tɑ kɛ yʋlʋ.

¹⁰Ɩsɔ kɑ́ yɑɑ ɩ yǝlɑɑ mpɑ pɑ kuuwɑ nɑ pɑ́ tɛɛnɑ hɑtoo teŋku wɑɑlɩ tɔ nɑ pɑ́ kɔɔ. Teitei ɩsɩɩ tɔɣɔlɑɣɑ wiikuɣu nɑ kɑ́ kotiɣi kɑ piyɑ tɔ.

¹¹Ɩ́ kɑ lɩɩ Icipiti nɑ Asilii kɛ lɔŋ, ɩsɩɩ sumpɩʋpɩʋ, yɑɑ ɑlukuku kʋlʋɣʋ tɔ. Ɩlɛnɑ mɑ́ mǝŋnɑ-mɛɣɛ mǝ tɛ. Tɑcɑɑ mɑ́, mɑ yɔɣɔtǝnɑ mpʋ.