1Sar sas o muri oprikerde a diňom te thovel o vudara pro brani, ačhaďom andre služba le stražňiken, le Leviten the le lavutaren.
2Ačhaďom upral o Jeruzalem mire phrales le Chanani the le Chananijah, savo sas veľiťeľis upral e chramoskeri veža, bo sas pačivalo a daralas le Devlestar buter sar aver džene.
3Phenďom lenge: “Ma phundraven pro Jeruzalemoskere brani o vudar, medik o kham na ela dži upre. Mek angloda, sar o stražňika džana het rači, phanden o vudara a thoven upre o zavori. Le manušendar, save bešen andro Jeruzalem, ačhaven, hoj te stražinen pro buter thana pašal o muros the paš peskere khera.”
4O Jeruzalem sas igen baro foros, ale na bešenas ode but manuša a o khera pes pale na ačhavelas.
5Akor miro Del mange thoďa pro jilo, hoj te zvičinav ke mande savore vodcen, uradňiken the manušen a te zapisinav len pal lengere fajti. Arakhľom o zvitkos, andre savo sas zapisimen o fajti, save pes ešebne (perše) visarde pale andral o Babilon. Sas ode pisimen:
6Kala hine o manuša, saven o kraľis Nebukadnecar zaiľa a odľigenďa andro Babilon a akana avle pale andro Jeruzalem the Judsko, dojekh andre peskero foros.
7O vodci, save avle lenca, sas o Zerubbabel, o Ješua, o Nechemiah, o Azariah, o Raamiah, o Nachamani, o Mordochaj, o Bilšan, o Misperet, o Bigvaj, o Nechum the o Baanah.
8Andral le Parošoskeri fajta avle 2 172 potomki,
9andral le Šefatjoskeri 372,
10andral le Arachoskeri fajta 775,
11andral le Pachat-Moaboskeri fajta, oda hin le Ješuaskere the le Joaboskere čhave, 2 812 potomki,
12andral le Elamoskeri fajta 1 254,
13andral le Zattuoskeri 945,
14andral le Zakkajoskeri 760,
15andral le Binnujoskeri 642,
16andral le Bebajoskeri 623,
17andral le Azgadoskeri fajta 1 222,
18andral le Adonikamoskeri fajta 667,
19andral le Bigvajoskeri fajta 2 065,
20andral le Adinoskeri fajta 454,
21andral le Ateroskeri fajta, o potomki le Chizkijoskere, 98,
22andral le Chašumoskeri fajta 328,
23andral le Becajoskeri fajta 324,
24andral le Charifoskeri fajta 112
25a andral le Gibeonoskeri fajta 95 potomki.
26Avle pale the kala manuša, savengere phure dada bešenas andre kala fori: andral o Betlehem the Netofa 178;
27andral o Anatot 128;
28andral o Bet-Azmavet 42;
29andral o Kirjat-Jearim, Kefira the Beerot 743;
30andral e Rama the Geba 621;
31andral o Michmas 122;
32andral o Betel the Aj 223;
33andral o Nebo 52;
34andral o Elam 1 254;
35andral o Charim 320;
36andral o Jericho 345;
37andral o Lod, Chadid the Ono 721;
38the andral o Senaah 3 930.
39Kala savore hine potomki andral le rašajengere fajti, save avle pale: andral le Jedajoskeri (save sas o potomki le Ješuaskere) 973;
40andral le Immeroskeri 1 052;
41andral le Pašchuroskeri 1 247;
42andral le Charimoskeri 1 017.
43O Leviti: andral e fajta le Ješuaskeri the Kadmieloskeri (save sas o potomki le Hodvoskere) avle pale 74.
44Ola, save giľavenas andro Chramos: andral le Asafoskeri fajta avle 128 potomki.
45Ola, save stražinenas paš o chramoskere brani: andral e fajta le Šallumoskeri, le Ateroskeri, le Talmonoskeri, le Akkuboskeri, le Chatitoskeri the le Šobajoskeri avle 138 potomki.
46Avle pale the ola, save služinenas andro Chramos, andral e fajta le Cichasoskeri, le Chasufaoskeri, le Tabbaotoskeri,
47le Keroskeri, le Sioskeri, le Padonoskeri
48le Lebanoskeri, le Chagaboskeri, le Šamlajoskeri,
49le Chananoskeri, le Giddeloskeri, le Gacharoskeri,
50le Reajoskeri, le Recinoskeri, le Nekodaoskeri,
51le Gazzamoskeri, le Uzzoskeri, le Paseachoskeri,
52le Besajoskeri, le Meunimoskeri, le Nefusimoskeri,
53le Bakbukoskeri, le Chakufoskeri, le Charchuroskeri,
54le Baclutoskeri, le Mechidaoskeri, le Charšaoskeri,
55le Barkososkeri, le Siseroskeri, le Temachoskeri,
56le Neciachoskeri the le Chatifoskeri.
57Kala potomki le Šalamunoskere služobňikengere avle pale: le Sotajoskere, le Soferetoskere, le Peridasoskere,
58le Jaaloskere, le Darkonoskere, le Giddeloskere,
59le Šefatjoskere, le Chattiloskere, le Pocheret-Haccebajimoskere the le Amonoskere.
60Savore chramoskere služobňika the le Šalamunoskere služobňikengere potomki sas 392.
61Kala manuša avle pale andral o Babiloňike fori Tel-Melach, Tel-Charša, Kerub, Addon the Immer, ale našťi presikade hoj hine Izraeliti:
62642 potomki andral le Delajoskeri, le Tobijoskeri the le Nekodaskeri fajta.
63Visarde pes pale the e fajta le Chobajoskeri, le Hakkocoskeri the le Barzillajoskeri. Ov peske iľa romňa le Barzillajoskera čha andral o Gilead a iľa peske lakero nav.
64On rodenas peskero fajtakero zvitkos kaj sas zapisimen, ale les na arakhle. Vašoda len premukle andral e rašajiko služba.
65Avke o guverneris lenge prikazinďa hoj našťi chan le chabenestar, so hino obetimen le Devleske, medik ode na sas rašaj, savo šaj phučel le RAJESTAR prekal o losi Urim the Tummim.
66Savore, save pes visarde pale andre Judsko, sas jekhetane 42 360 manuša.
67Avle lenca 7 337 sluhi the služki, the 245 džuvľa a murša, save giľavenas. Sas len 736 graja, 245 mulici,
68435 ťavi the 6 720 somara.
69Varesave fajtakere vodci denas o dari pro Chramos. O guverneris diňa andre chramoskeri pokladňica ochto kili somnakaj, penda (50) čare the 530 rašajengere plašťi.
70O fajtakere vodci dine andre pokladňica prekal o Chramos 168 kili somnakaj the 1 250 kili rup.
71Aver manuša dine 168 kili somnakaj, 140 kili rup a 67 rašajike plašťi.
72Avke o rašaja, o Leviti, o stražňika, o lavutara, o chramoskere služobňika the o aver Izraeliti gele te bešel andre peskere fori andro Judsko. Sar sas o eftato čhon, o Izraeliti imar sas andre peskere fori.
