Nehemiya 7

1

2

3

4

5

6

7

8

9

10

11

12

13

¹Sépil ongshilip bolup, men derwazilarni ornitip, derwaziwenlerni, ghezelkeshlerni we Lawiylarni békitip teyinligendin kéyin shundaq boldiki,

²Men inim Hanani bilen qele serdari Hananiyani Yérusalémni bashqurushqa qoydum; chünki Hananiya ishenchlik adem bolup, Xudadin qorqushta köp ademlerdin éship kétetti.

³Men ulargha: — Kün issighuche Yérusalémning qowuqliri échilmisun; qowuqlarning qanatliri étilgende, baldaqlar taqalghan waqitliridimu derwaziwenler yénida turup közet qilisun; shuningdek Yérusalémda turuwatqanlardin qarawullar közet nöwetlirige qoyulup békitilsun; herbir adem özining bir közitige mesul bolsun, shundaqla herbirining köziti öz öyining udulida bolsun, dep tapilidim.

⁴Sheher chong hem kengri bolghini bilen ahale az, öyler téxi sélinmighanidi.

⁵Xudayim könglümge mötiwerler, emeldarlar we xelqning herbirini nesebnamisi boyiche royxetke élishqa ularni yighish niyitini saldi. Men awwal birinchi qétim qaytip kelgen ademlerning nesebnamisini taptim, uningda mundaq pütülgenidi: —

⁶Töwendikiler Yehudiye ölkisidikilerdin, esli Babil padishahi Néboqadnesar teripidin sürgün qilin'ghanlardin, Yérusalém we Yehudiyege chiqip, herbiri öz shehirlirige ketti: —  

⁷Ular Zerubbabel, Yeshua, Nehemiya, Azariya, Raamiya, Nahamani, Mordikay, Bilshan, Misperet, Bigway, Nehum we Baanahlar bille qaytip keldi. Emdi Israil xelqining ichidiki erkeklerning sani töwendikiche: —

⁸Paroshning ewladliri ikki ming bir yüz yetmish ikki kishi;

⁹Shefatiyaning ewladliri üch yüz yetmish ikki kishi;

¹⁰Arahning ewladliri alte yüz yetmish besh kishi;

¹¹Pahat-Moabning ewladliri, yeni Yeshua bilen Yoabning ewladliri ikki ming sekkiz yüz on sekkiz kishi;

¹²Élamning ewladliri bir ming ikki yüz ellik töt kishi;

¹³Zattuning ewladliri sekkiz yüz qiriq besh kishi;

¹⁴Zakkayning ewladliri yette yüz atmish kishi;

¹⁵Binnuiyning ewladliri alte yüz qiriq sekkiz kishi;

¹⁶Bibayning ewladliri alte yüz yigirme sekkiz kishi;

¹⁷Azgadning ewladliri ikki ming üch yüz yigirme ikki kishi;

¹⁸Adonikamning ewladliri alte yüz atmish yette kishi;

¹⁹Bigwayning ewladliri ikki ming atmish yette kishi;

²⁰Adinning ewladliri alte yüz ellik besh kishi;

²¹Hezekiyaning jemetidin bolghan Atérning ewladliri toqsan sekkiz kishi;

²²Hashumning ewladliri üch yüz yigirme sekkiz kishi;

²³Bizayning ewladliri üch yüz yigirme töt kishi;

²⁴Harifning ewladliri bir yüz on ikki kishi;

²⁵Gibéonning ewladliri toqsan besh kishi;

²⁶Beyt-Lehemlikler bilen Nitofaliqlar jemiy bir yüz seksen sekkiz kishi;

²⁷Anatotluqlar bir yüz yigirme sekkiz kishi;

²⁸Beyt-Azmawetlikler qiriq ikki kishi.

²⁹Kiriat-yéarimliqlar, Kefirahliqlar we Beerotluqlar bolup jemiy yette yüz qiriq üch kishi;

³⁰Ramahliqlar bilen Gébaliqlar jemiy alte yüz yigirme bir kishi;

³¹Mikmashliqlar bir yüz yigirme ikki kishi;

³²Beyt-Ellikler bilen ayiliqlar jemiy bir yüz yigirme üch kishi;

³³ikkinchi bir Nébodikiler ellik ikki kishi;

³⁴ikkinchi bir Élamning ewladliri bir ming ikki yüz ellik töt kishi;

³⁵Harimning ewladliri üch yüz yigirme kishi;

³⁶Yérixoluqlar üch yüz qiriq besh kishi;

³⁷Lod, Hadid we Ononing ewladliri jemiy yette yüz yigirme bir kishi;

³⁸Sinaahning ewladliri üch ming toqquz yüz ottuz kishi.

³⁹Kahinlarning sani töwendikiche: — Yeshua jemetidiki Yedayaning ewladliri toqquz yüz yetmish üch kishi;

⁴⁰Immerning ewladliri bir ming ellik ikki kishi;

⁴¹Pashxurning ewladliri bir ming ikki yüz qiriq yette kishi;

⁴²Harimning ewladliri bir ming on yette kishi.

⁴³Lawiylarning sani töwendikiche: — Xodwahning ewladliridin, yeni Yeshua bilen Kadmiyelning ewladliri yetmish töt kishi.

⁴⁴Ghezelkeshlerdin: — Asafning ewladliri bir yüz qiriq sekkiz kishi.

⁴⁵Derwaziwenlerning neslidin: — Shallumning ewladliri, Atérning ewladliri, Talmonning ewladliri, Akkubning ewladliri, Xatitaning ewladliri bilen Shobayning ewladliri jemiy bir yüz ottuz sekkiz kishi.

⁴⁶Ibadetxana xizmetkarliri töwendikiche: — Zixaning ewladliri, Xasufaning ewladliri, Tabbaotning ewladliri.

⁴⁷Kirosning ewladliri, Siyaning ewladliri, Padonning ewladliri,

⁴⁸Libanahning ewladliri, Hagabahning ewladliri, Shalmayning ewladliri,

⁴⁹Hananning ewladliri, Giddelning ewladliri, Gaharning ewladliri,

⁵⁰Réayahning ewladliri, Rezinning ewladliri, Nikodaning ewladliri,

⁵¹Gazzamning ewladliri, Uzzaning ewladliri, Pasiyaning ewladliri,

⁵²Bisayning ewladliri, Meunimning ewladliri, Nefussesimning ewladliri,

⁵³Bakbukning ewladliri, Xakufaning ewladliri, Xarxurning ewladliri,

⁵⁴Bazlitning ewladliri, Mehidaning ewladliri, Xarshaning ewladliri,

⁵⁵Barkosning ewladliri, Siséraning ewladliri, Témahning ewladliri,

⁵⁶Neziyaning ewladliri bilen Xatifaning ewladliridin ibaret.

⁵⁷Sulaymanning xizmetkarlirining ewladlirining sani töwendikiche: — Sotayning ewladliri, Soferetning ewladliri, Péridaning ewladliri,

⁵⁸Yaalaning ewladliri, Darkonning ewladliri, Giddelning ewladliri,

⁵⁹Shefetiyaning ewladliri, Xattilning ewladliri, Poqeret-Hazzibaimning ewladliri bilen Amonning ewladliridin ibaret.

⁶⁰Ibadetxana xizmetkarliri we Sulaymanning xizmetkari bolghanlarning ewladliri jemiy üch yüz toqsan ikki kishi.

⁶¹Töwendiki kishiler Tel-Mélah, Tel-Xarsha, Kérub, Addon, Immerdin kelgen bolsimu, lékin ular özlirining ata jemetining yaki nesebining Israil adimi ikenlikini ispatlap bérelmidi.

⁶²Bular Délayaning ewladliri, Tobiyaning ewladliri we Nikodaning ewladliri bolup, jemiy alte yüz qiriq ikki kishi;

⁶³Kahinlardin Xabayaning ewladliri, kozning ewladliri bilen Barzillayning ewladliri bar idi; Barzillay Giléadliq Barzillayning bir qizini alghachqa ularning éti bilen atalghanidi.

⁶⁴Bular jemetining nesebnamisini izdep tapalmidi; shunga ular «napak» hésablinip kahinliqtin qalduruldi.

⁶⁵Waliy ulargha: — Urim we tummimni kötürgüchi kahin arimizda xizmette bolghuche «eng muqeddes yimeklikler»ge éghiz tegküzmeysiler, dédi.

⁶⁶Pütün jamaet jemiy qiriq ikki ming üch yüz atmish kishi;

⁶⁷Buningdin bashqa ularning yene yette ming üch yüz ottuz yette qul-dédiki bar idi; yene ikki yüz qiriq besh er-ayal ghezelchisi bar idi. Ularning yette yüz ottuz alte éti, ikki yüz qiriq besh qéchiri,

⁶⁹töt yüz ottuz besh tögisi we alte ming yette yüz yigirme éshiki bar idi.

⁷⁰Jemet kattiwashliridin beziliri ibadetxana qurulushi üchün hediyelirini teqdim qildi; waliy xezinige ming darik altun, ellik das we besh yüz ottuz qur kahin toni teqdim qildi;

⁷¹jemet kattiwashliridin beziliri qurulush xezinisige yigirme ming darik altun, ikki ming ikki yüz mina kümüsh;

⁷²xelqning qalghini yigirme ming darik altun, ikki ming ikki yüz mina kümüsh, atmish yette qur kahin tonini teqdim qildi.

⁷³Shuningdin kéyin kahinlar, Lawiylar, derwaziwenler, ghezelkeshler we bir qisim xelq qoshulup, ibadetxana xizmetkarliri, shundaqla qalghan Israil xelqining hemmisi öz sheherlirige makanlashti.