1Haesac bakupene tara‐fâreme no motâc âkendâŋne‐fârepo, ehuc motâc soŋaŋ â gae hehe ŋic â Lewiŋic âkendâŋ‐joparâ
2Jerusalem hae hone soŋaŋ enicte ɋanane Hanani â ficsanaŋte soŋaŋ Hanania râec‐jofapo. Hanania e ŋic bocjaha jaŋere sâc jâuruhuc Anuturao qohotarâ e araŋ bacnehuc juwec.
3Eme no jahe ʒiŋuc jasapo: “Jerusalem haere motâc i fohame juku ʒoaŋ qasanaŋkeme jaha rozo, erâ momori jaŋe soŋaŋ domahapie jaha motâc herâ basanaŋkezo. Erâ Jerusalem haeonec ŋic jaŋeraonec soŋaŋ râec‐jopapie gâcne jaŋe haesac mujarekicne ira domahapie gâcne jaŋe ficjeŋic ŋifecnao domanʒepieŋ.”
4Hae i qaratiekicne â kâcɋene, â irec maŋnao ŋic ŋokac jumbiŋ ine afecne mac, erâ fic gâcne ʒuhuckerâ mi bakicne.
5No ŋic kâcɋene â fekicne erâ ŋic ŋokac hetumaŋ‐joparâ ŋic gaŋne gaŋne fua warembiŋ sâc wose qâreŋ ejarepemurâ Anutuzi mutâcne‐narewec. Eme no bâbâni warembiŋ jaŋe gaŋne gaŋne fua warembiŋ sâc irec papia qizec i bâfuapo. Ehuc ira dâŋ kecʒiŋuc qâreŋkekicne fowec i honepo:
6Mâreŋ ʒirec ŋic ŋokac Babe ŋicwofuŋzi kâpâcwâru bacjoparâ amec‐jopa rawec jaŋeraonec bocjaha jaŋe Jerusalem haeo â Juda mâreŋko hae‐jeŋic ŋerawec sâc risiembiŋ.
7Jaŋe ŋic kecʒiŋuc jaŋehec risiembiŋ hâcne: Serubabe, Jesua, Nehemia, Aʒaria, Ramia, Nahamani, Morodekai, Bilisaŋ, Misipereti, Bigiwai, Nehum â Bana. Â Israe ŋic risiembiŋ jaŋere ʒare ine ʒiŋuc:
8Parosire ɋâricfâc 2 tauseŋ 172.
9Sefatiare ɋâricfâc 372.
10Arare ɋâricfâc 652.
11Pahati‐Moabire ɋâricfâc, Jesua â Joabe jahere ɋâricfâc hâcne ine 2 tauseŋ 818.
12Elamte ɋâricfâc 1 tauseŋ 254.
13Ʒature ɋâricfâc 845.
14Ʒakaire ɋâricfâc 760.
15Binuire ɋâricfâc 648.
16Bebaire ɋâricfâc 628.
17Aʒegadere ɋâricfâc 2 tauseŋ 322.
18Adonikamte ɋâricfâc 667.
19Bigiwaire ɋâricfâc 2 tauseŋ 67.
20Adiŋte ɋâricfâc 655.
21Aterere ɋâricfâc, Hisikiare ɋâricfâc hâcne ine 98.
22Hasumte ɋâricfâc 328.
23Bezaire ɋâricfâc 324.
24Harifire ɋâricfâc 112.
25Gibeoŋte ɋâricfâc 95.
26Betelehem â Netofa haeonec ŋic 188.
27Anatoti haeonec ŋic 128.
28Betaʒimawe haeonec ŋic 42.
29Kiriati‐Jearim, Kefira â Beroti haeonec ŋic 743.
30Rama â Geba haeonec ŋic 621.
31Mikimasi haeonec ŋic 122.
32Bete a Ai haeonec ŋic 123.
33Nebo hae moc irec ŋic 52.
34Elam wasenere ɋâricfâc 1 tauseŋ 254.
35Harimte ɋâricfâc 320.
36Jerikore ɋâricfâc 345.
37Lode, Hadidi â Ono jaŋere ɋâricfâc 721.
38Senare ɋâricfâc 3 tauseŋ 930.
39Eme Jesuare kikefuŋkonec Jedajare ɋâricfâc taha bapa jaŋe 973.
40Imere ere ɋâricfâc 1 tauseŋ 52.
41Pasahurure ɋâricfâc 1 tauseŋ 247.
42Harimte ɋâricfâc 1 tauseŋ 17.
43Eme Hodeware ɋâricfâc jaŋeraonec Jesua, Kadimiele hâcne, ere ɋâricfâc 74.
44Asafare ɋâricfâc gae hehe ŋic 148.
45Eme haesac motâc soŋaŋ kecʒiŋuc jaŋere ɋâricfâc: Salumte ɋâricfâc, â Atere ere ɋâricfâc, â Talimoŋte ɋâricfâc, â Akubure ɋâricfâc, â Hatitare ɋâricfâc, â Sobaire ɋâricfâc jaŋe sasawa qâqâhâc ʒare‐jeŋic 138.
46Eme taha ufuŋko kiŋaŋ qaqa jumbiŋ ine kecʒiŋuc jaŋe: Zihare ɋâricfâc, â Hasufare ɋâricfâc â Tabaotire ɋâricfâc.
47Erâ Kerosire ɋâricfâc, â Siare ɋâricfâc â Padoŋte ɋâricfâc.
48Erâ Lebanare ɋâricfâc, â Hagabare ɋâricfâc â Salamaire ɋâricfâc.
49Erâ Hanaŋte ɋâricfâc, â Gidelere ɋâricfâc â Gaharire ɋâricfâc.
50Erâ Reajare ɋâricfâc, â Reziŋte ɋâricfâc â Nekodare ɋâricfâc.
51Erâ Gaʒamte ɋâricfâc, â Uʒare ɋâricfâc â Paseare ɋâricfâc.
52Erâ Besaire ɋâricfâc, â Meunimte ɋâricfâc â Nefuhesimte ɋâricfâc.
53Erâ Bakebucte ɋâricfâc â Harihurure ɋâricfâc.
54Erâ Bazelitire ɋâricfâc, â Mehida â Haresare ɋâricfâc.
55Erâ Barakosere ɋâricfâc, â Siserare ɋâricfâc â Temare ɋâricfâc.
56Erâ Noziare ɋâricfâc â Hatifare ɋâricfâc.
57Eme Salomore kiŋaŋ qaqafâc jaŋere ɋâricfâc ine kecʒiŋuc: Sotaire ɋâricfâc, â Soferetire ɋâricfâc â Peridare ɋâricfâc.
58Erâ Jalare ɋâricfâc, â Darikoŋte ɋâricfâc â Gidelere ɋâricfâc.
59Erâ Sefatiare ɋâricfâc, â Hatilire ɋâricfâc, â Pokere‐Zebaimte ɋâricfâc â Amoŋte ɋâricfâc.
60Eme taha ufuŋte kiŋaŋ qaqafâc â Salomore kiŋaŋ qaqafâc jaŋere ɋâricfâc qâqâhâc ʒare‐jeŋic 392.
61Eme guru kecʒi jaŋe apa ŋiric ŋurucfâc‐jeŋic jaŋe Israe guruonec me mâcne irec fuŋne mi manahuc sifu Telemeha â Teleharesa â Kerubu â Adoŋ erâ Imere haeonec fisimbiŋ:
62Delajare ɋâricfâc, â Tobiare ɋâricfâc â Nekodare ɋâricfâc ine 642.
63Erâ wâc taha bapa jaŋere ɋâricfâc ʒiŋuczi fisimbiŋ: Hobajare ɋâricfâc, â Hakozire ɋâricfâc â Bariʒilaire ɋâricfâc; Bariʒilai e ine Gileade ŋic Bariʒilaire otâfâc jaŋeraonec moc ŋonâŋ‐ticne rome kimo‐ticnere wase bambiŋ.
64Eme guru i jaŋe hâcne gaŋne gaŋne fua wefumbiŋ biri ira ʒâŋe‐jeŋic basambiŋ. Eme irec erâ jaŋe wâwânâŋhec mujarehuc taha bapa birio mi ʒuhuc‐jopambiŋ.
65Irec mâreŋ soŋaŋzi jazawec, “Ŋoŋe nânâ tirine i mi nânâ mâc juhapie juku taha bapa moc Urim â Tumim ɋâsâi irec fuŋne mamana fuazejec.”
66Kikefuŋ qâqâhâc ʒare‐jeŋic i 42 tauseŋ 360.
67Eme jaŋerao ʒuhuckerâ kiŋaŋ qaqafâc‐jeŋic ŋic â ŋokac 7 tauseŋ 337 jumbiŋ. Erâ gae hehe ŋic â ŋokac 245‐zi jumbiŋ.
68Eme becâsicfâc‐jeŋic 736 â bulimakaofâc‐jeŋic ine 245.
69Â kamelefâc‐jeŋic 435 erâ doŋgifâc‐jeŋic 6 tauseŋ 720 iŋuc jujarembiŋ.
70Eme garikiŋne garikiŋne jaŋere micnefâc gâcne jaŋe taha ufuŋte kânoŋko taha râembiŋ. Ehame mâreŋ soŋaŋzi gol ŋemâc‐ticne 1 tauseŋ â oto 50 erâ taha bapa jaŋere ŋaqi 530 kânoŋko râeme huwec.
71Eme garikiŋne garikiŋne jaŋere micnefâc gâcne jaŋe giere kânoŋko gol ŋemâc‐ticne 20 tauseŋ â siliwa ŋemâc‐ticne 2 tauseŋ 200 iŋuc râepie huwec.
72Ehame ŋic ŋokac tiwâne sâko jaŋe gol ŋemâc‐ticne 20 tauseŋ â siliwa ŋemâc‐ticne 2 tauseŋ erâ taha bapa jaŋere ŋaqi 67 iŋuc râembiŋ.
73Eme taha bapa â Lewiŋic â motâc soŋaŋ â gae hehe ŋic â ŋic ŋokac gâcne â taha ufuŋte kiŋaŋ qaqafâc erâ Israe ŋic sasawa jaŋe hae‐jeŋic sâc risie‐fârembiŋ. Eme mosa namba 7 maickeme Israe ŋic jaŋe hae‐jeŋic sâc jurambiŋ hâcne.
