1Kala hine o rašaja the o Leviti, save avle pale andral o Babilon le Zerubbabeloha, le Šealtieloskere čhaha, the le Ješuaha: O rašaja: o Serajah, o Jeremiah, o Ezdraš,
2o Amariah, o Malluch, o Chattuš,
3o Šechaniah, o Rechum, o Meremot,
4o Iddo, o Ginnetoj, o Abijah,
5o Mijamin, o Maadiah, o Bilgah,
6o Šemajah, o Jojarib, o Jedajah,
7o Sallu, o Amok, o Chilkijah the o Jedajah. On sas o vodci le rašajenge the lengere pašutnenge andre oda časos, sar o Ješua sas nekbareder rašaj.
8O Leviti: o Ješua, o Binnuj, o Kadmiel, o Šerebiah, o Jehudah the o Mattaniah. On peskere pašutnenca ľidžanas o giľa, savenca andro Chramos lašarenas le Devles.
9O Bakbukiah, o Unni the okla Leviti ačhenas angle lende a odphenenas le giľavipnaha pre lengero giľavipen.
10O nekbareder rašaj o Ješua sas dad le Jojakimoske, ov le Eljašiboske, ov le Jojadaoske,
11ov le Jonatanoske a ov le Jadduaske.
12Sar o Jojakim sas nekbareder rašaj, kala rašaja sas vodci andre rašajengere fajti: o Merajah andre le Serajoskeri fajta, o Chananijah andre le Jeremioskeri,
13o Mešullam andre le Ezdrašoskeri, o Jochanan andre le Amarioskeri,
14o Jonatan andre le Malluchoskeri, o Jozef andre le Šebanioskeri,
15o Adnas andre le Charimoskeri, o Chelkaj andre le Meremotoskeri,
16o Zecharijah andre le Iddoskeri, o Mešullam andre le Ginnetonoskeri,
17o Zichri andre le Abijoskeri, o Piltaj andre le Minjaminoskeri the Moadioskeri,
18o Šammua andre le Bilgoskeri, o Jehonatan andre le Šemajoskeri,
19o Mattenaj andre le Jojariboskeri, o Uzzi andre le Jedajoskeri,
20o Kallaj andre le Salluoskeri, o Eber andre le Amokoskeri,
21o Chašabiah andre le Chilkijoskeri a o Netaneel andre le Jedajoskeri.
22Sar sas nekbareder rašaja o Eljašib, o Jojada, o Jochanan the o Jadduas, a medik kraľinelas andre Perzija o Darius, o Leviti the o vodci andre le rašajengere fajti sas zapisimen andro zvitkos.
23O vodci andre le Levitengere fajti sas zapisimen ča dži akor, sar sas rašaj o Jochanan, saveske sas papus o Eljašib.
24O lašariben the o paľikeriben andro Chramos ľidžanas kala džene: o Chašabiah, o Šerebiah, o Ješua, o Binnuj the o Kadmiel. Okla aver Leviti ačhenas angle lende a odphenenas le giľavipnaha pre lengero giľavipen, avke sar prikazinďa le Devleskero murš o David.
25O Mattaniah, o Bakbukiah, o Obadiah, o Mešullam, o Talmon the o Akkub sas stražňika paš o skladi, so sas paš o chramoskere brani.
26On služinenas akor, sar sas nekbareder rašaj o Jojakim, le Ješuaskero čhavo a ov le Jocadakoskero, a sar sas andro Jeruzalem o Nehemiaš guverneris a sar o zakoňikos Ezdraš služinelas sar rašaj.
27Sar imar kamle te sentňarel o Jeruzalemoskere muri, gele pal savore Leviti, kaj bešenas, hoj te aven a te oslavinen a te paľikeren le giľenca le bašavibnaha pro cimbali, pro harfi the pro citari.
28Avke o lavutara ode avle andral o gava pašal o Jeruzalem the andral e Netofa,
29andral o Bet-Gilgal, andral e Geba the andral o Azmavet, bo on peske ačhade gava pašal o Jeruzalem.
30Sar pes o rašaja the o Leviti obžužarde, paľis obžužarde the le manušen, o brani the o foroskere muri.
31Paľis bičhaďom le Judske vodcen, hoj te džan upre pro foroskere muri, a ačhaďom duj partiji muršen, save giľavenas a paľikerenas le RAJESKE. Ešebno (peršo) partija džalas pal o muros pre čači (pravo) sera ke Šmecengeri Brana.
32Pal lende džalas o Hošajah the jepaš Judske vodci:
33o Azariah, o Ezdraš, o Mešullam,
34o Jehudah, o Benjamin, o Šemajah, o Jeremiah
35the varesave rašaja, save trubinenas, a pal lende džalas o Zecharijah, saveske sas dad o Jonatan, leske o Šemajah, leske o Mattaniah, leske o Michajah, leske o Zachur the leske o Asaf.
36Džanas leha the leskeri famelija: o Šemajah, o Azarel, o Milalaj, o Gilalaj, o Maaj, o Netaneel, o Jehudah the o Chanani. On bašavenas pre ajse nastroji sar the le Devleskero murš o David, a o zakoňikos Ezdraš džalas angle lende.
37Paš e Prameňiko Brana džanas upre le garadičenca andro Foros le Davidoskero pašal leskero palacis dži paš e Paňakeri Brana pro vichodos.
38Dujto partija murša, save giľavenas the paľikerenas, džanas pal o muros pre baľogňi (ľavo) sera a pal lende me – o Nehemiaš – jekhetane jepaš manušenca. Džahas pašal e Bovengeri Veža dži ko Buchlo Muros,
39odarik džanas ke Efrajimiko Brana, ke Puraňi Brana the ke Ribno Brana a odarik ke veža Chananel the ke Veža Mea, odarik dži ke Bakrengeri Brana a zaačhiľam, sar dogeľam paš e Stražňikengeri Brana.
40Avke soduj partiji gele pre peskero than andre le Devleskero Chramos a giľavenas a paľikerenas le RAJESKE. Avke keravas the me jekhetane le jepaš vodcenca
41the o rašaja, save trubinenas: o Eljakim, o Maasejah, o Minjamin, o Michajah, o Eljoenaj, o Zecharijah the o Chananijah
42a mek the o Maasejah, o Šemajah, o Eleazar, o Uzzi, o Jochanan, o Malkijah, o Elam the o Ezer. O Jizrachijah ľidžalas le muršen, hoj te giľaven.
43Oda džives anenas ode but obeti a igen radisaľonas, bo o Del len diňa baro radišagos. A the o romňija le čhavenca igen radisaľonas avke, hoj dural šunďolas oda radišagos, so sas andro Jeruzalem.
44Andre oda džives sas ačhade varesave murša, hoj pes te starinen pal o chramoskere skladi, kaj sas o dari le ešebne uľipnastar the le dešte kotorestar. Majinde te anel pal o foroskere maľi kotor le uľipnastar prekal o rašaja the Leviti, avke sar hin pisimen andro zakonos. Savore manuša andre Judsko radisaľonas le rašajengera the le Levitengera bučatar,
45bo on kerenas e žužipnaskeri služba the okla službi, so o Del prikazinďa. The o chramoskere lavutara the o stražňika kerenas peskeri služba, avke sar prikazinďa o David the leskero čhavo Šalamun.
46Imar čirlastar, sar dživelas o David the o Asaf, sas džene, save ľidžalas olen, save giľavenas a ľidžalas o lašaribnaskere the paľikeribnaskere giľa le Devleske.
47Sar dživenas o Zerubbabel the o Nehemiaš, savore Izraeliti denas sako džives o dari olenge, ko giľavenas, the le stražňikenge. The avre Levitenge denas o sentne dari a on olestar denas kotor le Aronoskere potomkenge.
