Нәһәмия 7

1

2

3

4

5

6

7

8

9

10

11

12

13

¹Сепил оңшилип болуп, мән дәрвазиларни орнитип, дәрвазивәнләрни, ғәзәлкәшләрни вә Лавийларни бекитип тайинлиғандин кейин шундақ болдики,

²Мән иним Һанани билән қәлъә сәрдари Һананияни Йерусалимни башқурушқа қойдум; чүнки Һанания ишәшлик адәм болуп, Худадин қорқушта көп адәмләрдин ешип кетәтти.

³Мән уларға: — Күн иссиғичә Йерусалимниң қовуқлири ечилмисун; қовуқларниң қанатлири етилгәндә, балдақлар тақалған вақитлиридиму дәрвазивәнләр йенида туруп күзәт қилисун; шуниңдәк Йерусалимда туруватқанлардин қаравуллар күзәт нөвәтлиригә қоюлуп бекитилсун; һәр бир адәм өзиниң бир күзитигә мәсул болсун, шундақла һәр бириниң күзити өз өйиниң удулида болсун, дәп тапилидим.

⁴Шәһәр чоң һәм кәңри болғини билән аһалә аз, өйләр техи селинмиған еди.

⁵Худайим көңлүмгә мөтивәрләр, әмәлдарлар вә хәлиқниң һәр бирини нәсәбнамиси бойичә ройхәткә елишқа уларни жиғиш нийитини салди. Мән авал биринчи қетим қайтип кәлгән адәмләрниң нәсәбнамисини таптим, униңда мундақ пүтүлгән еди: —

⁶Төвәндикиләр Йәһудийә өлкисидикиләрдин, әсли Бабил падишаһи Небоқаднәсар тәрипидин сүргүн қилинғанлардин, Йерусалим вә Йәһудийәгә чиқип, һәр бири өз шәһирлиригә кәтти: —  

⁷Улар Зәруббабәл, Йәшуа, Нәһәмия, Азария, Раамия, Наһамани, Мордикай, Билшан, Миспәрәт, Бигвай, Нәһум вә Баанаһлар биллә қайтип кәлди. Әнди Исраил хәлқиниң ичидики әркәкләрниң сани төвәндикичә: —

⁸Парошниң әвлатлири икки миң бир йүз йәтмиш икки киши;

⁹Шәфатияниң әвлатлири үч йүз йәтмиш икки киши;

¹⁰Араһниң әвлатлири алтә йүз йәтмиш бәш киши;

¹¹Паһат-Моабниң әвлатлири, йәни Йәшуа билән Йоабниң әвлатлири икки миң сәккиз йүз он сәккиз киши;

¹²Еламниң әвлатлири бир миң икки йүз әллик төрт киши;

¹³Заттуниң әвлатлири сәккиз йүз қириқ бәш киши;

¹⁴Заккайниң әвлатлири йәттә йүз атмиш киши;

¹⁵Биннуийниң әвлатлири алтә йүз қириқ сәккиз киши;

¹⁶Бибайниң әвлатлири алтә йүз жигирмә сәккиз киши;

¹⁷Азгадниң әвлатлири икки миң үч йүз жигирмә икки киши;

¹⁸Адоникамниң әвлатлири алтә йүз атмиш йәттә киши;

¹⁹Бигвайниң әвлатлири икки миң атмиш йәттә киши;

²⁰Адинниң әвлатлири алтә йүз әллик бәш киши;

²¹Һәзәкияниң җәмәтидин болған Атерниң әвлатлири тохсән сәккиз киши;

²²Һашумниң әвлатлири үч йүз жигирмә сәккиз киши;

²³Бизайниң әвлатлири үч йүз жигирмә төрт киши;

²⁴Һарифниң әвлатлири бир йүз он икки киши;

²⁵Гибеонниң әвлатлири тохсән бәш киши;

²⁶Бәйт-Ләһәмликләр билән Нитофалиқлар җәмий бир йүз сәксән сәккиз киши;

²⁷Анатотлуқлар бир йүз жигирмә сәккиз киши;

²⁸Бәйт-Азмавәтликләр қириқ икки киши.

²⁹Кириат-йеаримлиқлар, Кәфираһлиқлар вә Бәәротлуқлар болуп җәмий йәттә йүз қириқ үч киши;

³⁰Рамаһлиқлар билән Гебалиқлар җәмий алтә йүз жигирмә бир киши;

³¹Микмашлиқлар бир йүз жигирмә икки киши;

³²Бәйт-Әлликләр билән айилиқлар җәмий бир йүз жигирмә үч киши;

³³иккинчи бир Небодикиләр әллик икки киши;

³⁴иккинчи бир Еламниң әвлатлири бир миң икки йүз әллик төрт киши;

³⁵Һаримниң әвлатлири үч йүз жигирмә киши;

³⁶Йерихолуқлар үч йүз қириқ бәш киши;

³⁷Лод, Һадид вә Онониң әвлатлири җәмий йәттә йүз жигирмә бир киши;

³⁸Синааһниң әвлатлири үч миң тоққуз йүз оттуз киши.

³⁹Каһинларниң сани төвәндикичә: — Йәшуа җәмәтидики Йәдаяниң әвлатлири тоққуз йүз йәтмиш үч киши;

⁴⁰Иммәрниң әвлатлири бир миң әллик икки киши;

⁴¹Пашхурниң әвлатлири бир миң икки йүз қириқ йәттә киши;

⁴²Һаримниң әвлатлири бир миң он йәттә киши.

⁴³Лавийларниң сани төвәндикичә: — Ходваһниң әвлатлиридин, йәни Йәшуа билән Кадмийәлниң әвлатлири йәтмиш төрт киши.

⁴⁴Ғәзәлкәшләрдин: — Асафниң әвлатлири бир йүз қириқ сәккиз киши.

⁴⁵Дәрвазивәнләрниң нәслидин: — Шаллумниң әвлатлири, Атерниң әвлатлири, Талмонниң әвлатлири, Аккубниң әвлатлири, Хатитаниң әвлатлири билән Шобайниң әвлатлири җәмий бир йүз оттуз сәккиз киши.

⁴⁶Ибадәтхана хизмәткарлири төвәндикичә: — Зиханиң әвлатлири, Хасуфаниң әвлатлири, Таббаотниң әвлатлири.

⁴⁷Киросниң әвлатлири, Сияниң әвлатлири, Падонниң әвлатлири,

⁴⁸Либанаһниң әвлатлири, Һагабаһниң әвлатлири, Шалмайниң әвлатлири,

⁴⁹Һананниң әвлатлири, Гиддәлниң әвлатлири, Гаһарниң әвлатлири,

⁵⁰Реаяһниң әвлатлири, Рәзинниң әвлатлири, Никоданиң әвлатлири,

⁵¹Газзамниң әвлатлири, Уззаниң әвлатлири, Пасияниң әвлатлири,

⁵²Бисайниң әвлатлири, Мәунимниң әвлатлири, Нәфуссәсимниң әвлатлири,

⁵³Бакбукниң әвлатлири, Хакуфаниң әвлатлири, Хархурниң әвлатлири,

⁵⁴Базлитниң әвлатлири, Мәһиданиң әвлатлири, Харшаниң әвлатлири,

⁵⁵Баркосниң әвлатлири, Сисераниң әвлатлири, Темаһниң әвлатлири,

⁵⁶Нәзияниң әвлатлири билән Хатифаниң әвлатлиридин ибарәт.

⁵⁷Сулайманниң хизмәткарлириниң әвлатлириниң сани төвәндикичә: — Сотайниң әвлатлири, Софәрәтниң әвлатлири, Периданиң әвлатлири,

⁵⁸Яаланиң әвлатлири, Дарконниң әвлатлири, Гиддәлниң әвлатлири,

⁵⁹Шәфәтияниң әвлатлири, Хаттилниң әвлатлири, Поқәрәт-Һаззибаимниң әвлатлири билән Амонниң әвлатлиридин ибарәт.

⁶⁰Ибадәтхана хизмәткарлири вә Сулайманниң хизмәткари болғанларниң әвлатлири җәмий үч йүз тохсән икки киши.

⁶¹Төвәндики кишиләр Тәл-Мелаһ, Тәл-Харша, Керуб, Аддон, Иммәрдин кәлгән болсиму, лекин улар өзлириниң ата җәмәтиниң яки нәсәбиниң Исраил адими екәнлигини испатлап берәлмиди.

⁶²Булар Делаяниң әвлатлири, Тобияниң әвлатлири вә Никоданиң әвлатлири болуп, җәмий алтә йүз қириқ икки киши;

⁶³Каһинлардин Хабаяниң әвлатлири, козниң әвлатлири билән Барзиллайниң әвлатлири бар еди; Барзиллай Гилеадлиқ Барзиллайниң бир қизини алғачқа уларниң ети билән аталған еди.

⁶⁴Булар җәмәтиниң нәсәбнамисини издәп тапалмиди; шуңа улар «напак» һесаплинип каһинлиқтин қалдурулди.

⁶⁵Валий уларға: — Урим вә туммимни көтәргүчи каһин аримизда хизмәттә болғичә «әң муқәддәс йимәкликләр»гә еғиз тәккүзмәйсиләр, деди.

⁶⁶Пүтүн җамаәт җәмий қириқ икки миң үч йүз атмиш киши;

⁶⁷Буниңдин башқа уларниң йәнә йәттә миң үч йүз оттуз йәттә қул-дедиги бар еди; йәнә икки йүз қириқ бәш әр-аял ғәзәлчиси бар еди. Уларниң йәттә йүз оттуз алтә ети, икки йүз қириқ бәш қечири,

⁶⁹төрт йүз оттуз бәш төгиси вә алтә миң йәттә йүз жигирмә ешиги бар еди.

⁷⁰Җәмәт каттивашлиридин бәзилири ибадәтхана қурулуши үчүн һәдийәлирини тәқдим қилди; валий ғәзнигә миң дарик алтун, әллик дас вә бәш йүз оттуз қур каһин тони тәқдим қилди;

⁷¹җәмәт каттивашлиридин бәзилири қурулуш ғәзнисигә жигирмә миң дарик алтун, икки миң икки йүз мина күмүч;

⁷²хәлиқниң қалғини жигирмә миң дарик алтун, икки миң икки йүз мина күмүч, атмиш йәттә қур каһин тонини тәқдим қилди.

⁷³Шуниңдин кейин каһинлар, Лавийлар, дәрвазивәнләр, ғәзәлкәшләр вә бир қисим хәлиқ қошулуп, ибадәтхана хизмәткарлири, шундақла қалған Исраил хәлқиниң һәммиси өз шәһәрлиригә маканлашти.