Maki 8:1-26

¹Ana knafi mafka vea mago'ene eritru hzageno, ne'zana omanegeno, Jisasi'a amage'ma nentaza disaipol naga ke hige'za ageno anage huno zamasmi'ne.

²Nagra ama vea krerfagura nasunku huzmantoe. Na'ankure zamagra tagufa kna nagri'enena mani'zageno, ne'zama ne'zana omane'ne.

³Nagrama huzmantesuge'za kuma zimirega zmaga'ma netesige'za vanu'za, mago'amo'za afeteti e'nazankiza kantega utraka hugahaze.

⁴Agri amage'ma nentza disaipol naga'mo'za anankemofo nona'a anage hu'za asami'naze, vahe omani mopafi mani'nonanki inantegati' ne'zana erizamisunke'za neganare hugahaze?

⁵Hzageno Jisasi'a huno nama'a breti eri'naze? huno zmantahigege'za, 7ni'a breti eri'none,

⁶hzageno, Jisasi'a ana maka veara mopafi maniho huno zmasamige'za manizageno, 7ni'a breti erino Anumzamofo susu hunteteno, tamanasino amage'ma nentaza disaipol nagara zmige'za ana veara refko hu'za zami'naze.

⁷Ana nehzageno onensa nozamene mago'a me'negeno erino Anumzamofo susu hunteteno, amagema nentazana disaipol nagakura eritma zamiho huno zamasmi'ne.

⁸Maka vahe'mo'za ana ne'za nenageno zamu hige'za ankra'ama atrazama'a, amagema nentaza disaipol nagamo'za 7ni'a ra eka eka kupi zogiri avite'naze.

⁹Ana vahera 4tauseni'a vahe nazamo'za netageno, huzmantege'za vu'za e'za hu'naze.

¹⁰Jisasi'a anama huteno, ame huno amage'ma nentaza disaipol naga'ane ventefi mareri'za Talmanuta kaziga vu'naze.

¹¹Anante Farisi vahemo'za e'za Jisasinku ke hakare hu'za, monafinti ruzahu hankave'za erifore hugeta kamneno huza rehe'za ke'naze.

¹²Jisasina rimpamo kna nehigeno anage hu'ne, Na'a hige'za meni knafi vahe'mo'za avame'za kenakura nahaze? Nagra tamage hu'na neramasamue, mago avame'zana ama knafi vahe'mo'za onkegahaze.

¹³Ana huteno zamatreno ete ventefi marerino kantu kaziga vu'ne.

¹⁴Hagi amage'ma nentaza disaipol naga'mo'za zmagekani'za bretia eri'za omazanagi, magoke bretige ventefina me'nege'za vu'naze.

¹⁵Nevzageno Jisasi'a huno, Farisi vahe'mokizmi zistigu'ene kini Heroti zistigura kva hiho.

¹⁶Hige'za zmagra zmagra ke huge antahige hu'za bretima erita ome'nonazanku nehugahie hu'naze.

¹⁷Nehazageno Jisasi'a antahino keno nehuno, nahigeta breti omane'nea zankura huge antahige nehaze? Tamagra ketma antahi amara osu'nazafi? Tamagri tmagu'amo'a eriginefi?

¹⁸Tamavurga me'neana ke so'e nosazafi? Tamagesama me'neana antahi so'e nosazo? Tmagrira tamage'kaninegahie.

¹⁹Ko'ma 5fu'a breti tamanasina, 5 tauseni'a vahe zami'noge'za nene'za atrazama'a, nama'a eka eka kupi erivite'naze? 12fu'a eka eka kupi zogiri'none hu'naze.

²⁰Hagi 7ni'a bretireti tamnasi'na 4tauseni'a vahe zami'noge'za nene'za atrazama'a, nama'a eka eka kupi zogiri avite'naze? Hige'za 7ni'a kupi zogiri'none hu'za hu'naze.

²¹Anante Jisasi'a anage huno zmasami'ne, e'ina'ma hu'noazankura menina tamagra tamagesa antahi'ama nosazafi?

²²Zamagra Bedsaita kumate azageno, mago'a vahe'mo'za avusu hu'nea ne' avare'za Jisasinte e'naze. Avurgare avako hinkeno so'e huntenogu hanaveti'za Jisasi antahige'naze.

²³Ana nehzageno, Jisasi'a avusu hu'nea ne'mofo azante avazu huno kumara atreno megi'a vuteno, Jisasi'a avufi avetu ahenenteno, azanu avako nehuno, mago'azana negano? Huno antahigene.

²⁴Kesga huno avua negeno, vahera vano nehazagena zmagoanagi, zafamo vano nehiaza nehige'na nezmagoe huno hu'ne.

²⁵Anante Jisasi'a mago'ene azanu avurgare avako higeno, ana ne'mofo avurgamo'a hari higeno, ke ankereno negeno maka'zana keama huno ke'ne.

²⁶Anante Jisasi'a hunenteno, kumapina ufrege efrege osunka, fatgo hunka nonkarega vuo huno asami'ne.