Mark 8:1-26

¹Niton mu a indi gbugbuwu ba hei ba wa bari. Yesu yo miri koma da tre bawu di

²“idi ba ba lo me suron, ba he mi me har vi tra (3) ye da na hei ni kpe wa ba rhi na.”

³Me ta turba duba he kpamba ni komba dana rina ba ki kobo ni ko bari ba ji ni gbugbamu.”

⁴Mini koma ba mye “kife birdi nitsen-e ni wa, da ni mal ni di ba yi?”

⁵A miba bi hei ni gble bredi ibve wa miye ba “ a hi bredi bren ba bi he niwu? uba hla a ndi tangban. Ba lla ni wu'u “tan gban”

⁶A tre du gbugbu di ku ba son ni meme da ba bredi tangpa da bre da non mini ko ma du ba ga ni bawu u ba ka ga ni di ba.

⁷Ba hei ni lambe game time ni womba baya wa a bre Irji, da la yo mir koma da nuba duba nu ndi ba du ba tan.

⁸Da ba ta ba wrji da vu imbru ma sisen tangpebi rigarma.

⁹Indi ba bakai dubu iziya (4000). Ba ya ki a yo ba ninko duba hi kpamba.

¹⁰A ti-gbla ri ni jirgima baba mininkoma da ri nklan Dalmanuta.

¹¹Bi mrlian ndi ba ba ye da faragbi sur ni wu'u. Ba son ba to alama wa rju ni shullu, ba son ba tser u ton.

¹²A tan fuon ni mi suron da tre “a gye sa indi bi meyi ba son ba to alama na? Janji mi la yi wu idi bi meyi ba na to alama na”.

¹³Wa kaba don dala ri ni jirgi da hi gar korima

¹⁴Miri ko bi ti ndu ma ba kparisu da na ba vredi gri na. A don riri ni mi jrigia.

¹⁵A hla ni bawu, son ni wuri ti ta yo shi-shi na kpa risu ni yistin Farisawa na niwu Hirudus na”

¹⁶Mini koma bi tindu, ba kpaye ni kpamba da tre a he wa bredi na he na.

¹⁷Yesu to kpe wa ba si ri mire ni dir mba, da tre. A gye sa, bi ri mre ter bredi ni suron bi? har zizan bi na tuna? Bi na ganina? Isuron mbi ba k'ma di bwu mu?

¹⁸Bi hei ni shi shi bi na to na? Bi hei ni ton bi na wo na? Bi na tuna na?

¹⁹Ni wa mi zie bredi ton (5) mba gah ni di dubu ton a (5000) bi vu kpu kpu bredi shu sisen bre?” Ba la wu di wlo don har (12)”

²⁰Ni wa me zi bredi tankpan ni di dubu zi'a (4000) bi vu kpu kpu bredi ti sisen bre?” Ba hla u di “tangban” (7).

²¹A mie ba, har ziza'a bi na gani na?”

²²Da ba ye ni Bethsaida. Idi ba ni ki ba grji di u fei ye da bre Yesu di du sa wo ni wu.

²³Yesu a vu indi wu fie'a niwo dakji wu hi ni mi gbu. D a' a junte sur niwu nishishi da sa wo mani wu, a mei, “wu to kpe?”

²⁴A zuya da tre, me to indi bi ya na kukro ba si zre.

²⁵A la kawo ma sa niwu nishishi maki shishi ya ka bun to u zizan abi zan wumumla wa to ko ge tsartzar me.

²⁶Yesu hla wu ziza'a wu he ni kome nu, na rizu ni mi gbu ga na.”