Markungundru 8:1-26

¹Tanangupini ditjini kana wolara pirna naka nganana wonti ja ngangau tanali panila ngamalkana wonti tajila, Jesujeli mili nunkani karkana wonti ja tanangu jatana wonti:

²“Ngani kana wolarani kalumiltjamiltjariai, ngangau ditji parkulu tanaia ngakangunto ngamana warai, ja tanali panila ngamalkai tajila;

³Ja ngato tananaia ngakangundru niaua jinpanani nguraia tananaia, tanaia paltuni wariwariati; ngangau palpa tanangundru woritandru wokarala wiri.”

⁴Ja milieli nunkanali kalabana wonti nunkangu: “Wodajerindru kulnujeli buka maninanto ninkida pitarani, tananaia jerto ngankala?”

⁵Ja Nulu tanana jakalkana wonti: “Worderuntja buka ngunku jura ngamalkai?” Tana jatana wonti: “Mara wora ja mandrumata.”

⁶Ja Nulu kana wolarani jirijiribana wonti mitani ngamana ngarinanto. Ja Nulu buka ngunku mara wora ja mandru patana wonti, ja tanana ngurungutana wonti ja wokaribana wonti ja milini nunkanani jinkina wonti, tanali tanangu jinkinanto; ja tanali kana wolarani jinkina wonti.

⁷Ja tanali bakana paru wakawaka ngalje ngamalkana wunti; ja Nulu tanana ngurungutana wonti ja jirijiribana wonti, tananapini bakana jinkinanto.

⁸Ja tanali tajina wonti ja jerturina wonti; ja tanali buka worduwordu kampana wonti billi mara wora ja mandru.

⁹Ja tanali matja tajina 4,000 nganana wonti; ja Nulu tanana jinpana wonti.

¹⁰Ja nurujeli Nau milini nunkanani jela botani wirina wonti, ja Dalmanutha mitani wokarana wonti.

¹¹Ja Pharisaia dunkana wonti ja wonina wonti nunkangu jela jakalkijiribamalila, ja ngantjana wonti nunkangundru malka kulno pariwilpandru najila, nina wontjala.

¹²Ja Nau Jaolali nunkanali ngaurongauro plrna pantjina wonti ja jatana wonti: “Minandru nulupini ngujali malka kulno ngundrai? Morlalu ngani jurangu jatai: Nulupini ngujali wata malka kulno manila nganai.”

¹³Ja Nulu tanana worarana wonti, ja nakaldra botanj wirina wonti, ja dirkalaia jerankaria pararana wonti.

¹⁴Ja tana kuritarana wonti buka padakala, ja tanali botani windri buka ngunku kulno ngamalkana wonti.

¹⁵Ja Nulu tanangu jirijiribana wonti ja jatana wonti; “Najianau ja ngamalkaterianau Pharisaiaia pulkurutjeribani bukandru, ja Herodini pulkurutjeribani bukandru.”

¹⁶Ja tana ngankamalina wonti ja jatana wonti: Jenia Nauja jatai, ngangau ngaiana wata buka padakana warai.”

¹⁷Ja Jesujeli jenia ngujamana, Nau tanangu jatana wonti: “Minandru jura ngankamaliai ngangau jura buka pani ngamalkai? Jura wata ngundrai ja bakana wata ngujamai? Jura kararilu ngara ngurunguru nganai?

¹⁸Jura milki ngamalkai ja wata najiai? Jura talpa ngamalkai ja wata ngarai? Ja jura wata mangatandra wilpariai?

¹⁹Ngato buka ngunku mara wora 5,000 materani matja wokaribana, worderuntja billi buka worduwordujeli manamiri jura kampana paraia?” Tana nunkangu jatana wonti: “Marapratjana ja mandrumata.”

²⁰Ngato buka ngunku mara wora ja mandru 4,000 materani matja wokaribana, worderuntja billi buka worduwordujeli manamiri jura kampala wiri? Ja tana jatana wonti: “Mara wora ja mandrumata.”

²¹Ja Nau tanangu jatana wonti: “Worderu jura wata ngujamai?”

²²Ja Nau Bethsaida wokarana wonti; ja tanali nunkangu butju kulno wokaralkana wonti ja nunkangu ngatjina wonti, Nulu nina karakarananto.

²³Ja Nulu kana butju mara patana wonti, ja nina ngurandru tjirimalkingana wonti; ja Nulu nunkangu milkini ngaltja worana wonti, ja Nau nunkangu mara kuraterina wonti ja nina jakalkana wonti: “Jundru palpa najiai?”

²⁴Ja Nulu najina tarana wonti ja jatana wonti: “Ngato kana worana najiai, ngangau pita jeribaka ngato tana najiai, tana wapanani.”

²⁵Ngadani Nau nakaldra mara nunkangu milkini kuraterina wonti ja nunkangu jirijiribana wonti, nulu najina tarananto: ja nau nakaldra tepi pantjina wonti, ja worita pratjana talku najina wonti.

²⁶Ja Nulu nina pungaia nunkanaia jinpana wonti ja jatana wonti: “Wata ngurani wiriau, ja wata kulnuni jenia jatau ngurani.”