Hiop 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Hiop, kopwe kökkö iei. Ifa usun, epwe wor eman mi pälüenuk? Iö me lein ekewe chon pin kopwe kul ngeni?

²Ellet, song a niela eman chon umwes, nge lolowo a niela eman chon wewemang.

³Üa küna pwe eman chon umwes a fefeitä lon an feiöch, nge mürin a müttir fis ngeni anümamau pwe an feiöch a tala.

⁴Nöün kana resap nonom fän kinamwe. Esap wor eman a peniir lon kapwüng.

⁵Ekewe chon echik ra eni kinien ewe chon umwes ua, ra fen mwo nge angei mine a mär lein ekewe irafölüföl, nge ekewe chon kaka ra otumwala wöün.

⁶Pun riaföü esap feito seni pwül moromor, nge weires esap pwükütä seni pwül.

⁷Nge eman aramas a püsin atolonga lon weires, usun chök ngetengeten ekkei a püsin ngetetä.

⁸Nge ika ngang en, üpwe kul ngeni Kot o pwärätä ngeni ai weires.

⁹I ewe Kot mi föri föför mi tekia esap wor aükükün, pwal föför mi amwarar rese lea:

¹⁰I a apüngätiu üt won fanüfan o apuala koluk lon ekewe mälämäl.

¹¹I a atekiatä chokewe mi tekison o ekietä ekewe chon letipeta ngeni pwapwa.

¹²Nge a ataela än chokewe mi tipachemsolä ekiek, pwe angangen pöür esap fisitä.

¹³A liapeni ekewe chon tipachem lon püsin ar tipachemsolä, nge än ekewe chon atuputup öüröür esap fis.

¹⁴Ra tolong lon rochopwak lupwen fansoun lerän, ra atapfeil leoloas usun chök fansoun lepwin.

¹⁵Nge a amanaua ekewe chon wöüngau seni mään ketilas, pwal ekewe chon mwelele seni ekewe chon ariaföüür.

¹⁶Iei mine ekewe chon wöüngau ra apilükülüköch, nge ekewe chon pwüngingau ra fanafanala.

¹⁷A feiöch eman aramas Kot a apwüngü. Iei mine kosap aücheangaua än Ewe mi Unusen Manaman amirit.

¹⁸Pun a akinasa eman, nge a pwal filitisefäli. A awata eman, nge a pwal apöchöküla.

¹⁹Kot epwe angasok seni wonu weires, nge lon fisu weires esap wor och feiengau epwe toruk.

²⁰Lupwen fansoun lengita i epwe amanauok seni mäla, nge lupwen fansoun maun i epwe amanauok seni mään ketilas.

²¹Kot epwe aopok seni kapasen itengau, nge kosap niuokus, lupwen feiengau epwe war.

²²Kopwe takir ngeni feiengau me lengita, nge kosap niuokusiti ekewe manmwachon fanüfan.

²³Repwe märöch fotom kewe irä lon om tanipi, pun esap wor föüföü lon, nge ekewe manmwachon lemäl repwe kinamwe ngonuk.

²⁴Mürin kopwe nonnom lon imwomw imw mangaku fän kinamwe, nge lupwen kopwe ouwasacha om lenien sip, kopwe küna pwe esap wor eman a pöüt senuk.

²⁵Kopwe silei pwe noum kana repwe chomong, nge mwirimwirum kana repwe usun chök chomongun fetil won fanüfan.

²⁶Kopwe mäla o peias lupwen ka fokun chinlap, kopwe usun chök eu pilükün wiich a nom lon ewe lenien wichiwich umwun föün wiich lupwen fansoun kinikin.

²⁷Nengeni, aia küküttaöchü usun ekei lapalap o küna pwe ra pwüng. Kopwe aüselinga ekei kapas pwe kopwe feiöch.”