Hiop 32

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Iwe, ekei ülüman mwän ra ükütiu le pälüeni Hiop, pun Hiop a lükü pwe a wor püsin an pwüng.

²Mürin, Elihu nöün Parakel we mwän ewe re Pus seni ewe familien Ram a song. A song ngeni Hiop, pun a ekieki pwe i a pwüng, nge Kot a mwäl.

³A pwal song ngeni chiechien Hiop kewe ülüman, pun esap chüen wor mine repwe pälüeni ngeni Hiop, inamwo ika ra fen pwärätä pwe i a mwäl.

⁴Iwe, Elihu a witiwit le kapas ngeni Hiop, pun i a kis seniir meinisin.

⁵Nge lupwen Elihu a küna pwe ekei ülüman mwän resap chüen tongeni pälüeni Hiop, a song.

⁶Mürin, Elihu a popuetä le kapas, “Ngang üa ier kükün, nge ämi oua ier watte. Iei mine üa säw o niuokus ai üpwe pwärätä mefiei ngenikemi.

⁷Üa ekieki, ‘Ir mi chinlap repwe kapas, nge chokewe mi ieritam repwe aiti ngeni aramas tipachem.’

⁸Nge Ngünün Ewe mi Unusen Manaman mi nom lon aramas a atufichiir pwe repwe weweöch.

⁹Sap ir mi chinlap ra tipachem, sap pwal ir mi ier watte ra wewe ren mine a pwüng.

¹⁰Iei mine oupwe aüselingaei, oupwe mwüt ngeniei pwe üpwe pwal pwärätä mefiei.

¹¹Nengeni, üa witiwit lupwen oua kapas, üa aüseling ngeni ämi kapasen tipachem, lupwen oua fokun küttaöchü mine oupwe apasa.

¹²Üa aü selingei ngenikemi, nge esap wor eman me leimi mi alletä pwe Hiop a mwäl ika pälüeni an kewe kapas.

¹³Ousap apasa, ‘Äm aia küna tipachem. Kot echök epwe apälüa Hiop, nge sap aramas.’

¹⁴Hiop esap awena an kapas ngeniei, nge ngang üsap mochen pälüeni lon ititin ämi kapas.

¹⁵Iwe, esap chüen wor mine repwe pälüeni ngonuk, Hiop, esap chüen wor mine repwe tongeni apasa.

¹⁶Ifa usun, üpwe chök witiwit pokiten ir resap fos, pun ra chök ü ikenan, nge resap chüen apasa och?

¹⁷Apwi! Pwal ngang üpwe awora ai pälüen. Üpwe pwal pwärätä mefiei.

¹⁸Pun üse chüen tongeni fanafanala. Üse chüen tongeni amwöchü ai kapas.

¹⁹Mefien lelukei a usun chök wain lon rume esap tongeni purowu, a usun chök eu minefön rumen wain mi arap ngeni an epwe mök.

²⁰Üpwe fokun kapas pwe epwe manösösöla lelukei, üpwe amasaaw o kapas.

²¹Üsap lifilifil ngeni eman aramas, üsap pwal eäni kapas motoutou ngeni eman.

²²Pun are üpwe sip lon kapas motoutou, ewe Chon Föriei epwe müttir angeeila.”