Binaŋ Qâhâc I 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

¹Israere mârâc ŋokâ Rubeŋ ere ŋokâfâc. Rubeŋ e jâmbomac mârâc ŋokâ, erâ ine e mamac‐ticnere ŋonâŋ bâsâqorewecte mârâc fufuare wiac biŋe i Israere ŋokâ Josefe ere ŋokâfâc jaŋere biŋe ewec. Eme irec erâ Rubeŋ e mârâc fufua biri‐ticnao mi râekicne.

²Eme Juda e hahac ɋafâcne jaŋere ŋondeŋko ŋic sanaŋne juwecte erao fekicne moc fuawec, erâ sifu mârâc fufuare wiac biŋe i Josefere ewec.

³Israere mârâc ŋokâ Rubeŋ ere ŋokâfâc ine ʒiŋuc: Hanoki, Palu, Hezoroŋ â Karami.

⁴Eme Joele ere ŋokâ ine Semaja, â Semajare ŋokâ ine Gogo, â Gogore ŋokâ ine Simei.

⁵Eme Simeire ŋokâ ine Mika, â Mikare ŋokâ ine Reaja, â Reajare ŋokâ ine Baali.

⁶Eme Baalire ŋokâ ine Bera, E ine Asiria ŋicwofuŋ Tigela‐Pilesezi kâpâcwâruo barawec. Bera e Rubeŋte ɋâricfâc jaŋere fekicne juwec.

⁷Eme ere soctofafâc gaŋne gaŋne fua wefumbiŋ â garikiŋ‐jeŋic sâc juraŋgopieŋ jaŋere biri ine ʒiŋuc: Jeiele e fekicne‐jeŋic juwec; erâ Ʒekaria

⁸â Aʒaʒi ŋokâ‐ticne Bela, erâ apa ŋosa jahecne Sema â Joele. Bela e Aroe haeo juhuc Nebo â Baali‐Meoŋ hae i mâmâc soŋaŋ‐jofawec.

⁹Erâ e bulimakaofâc‐jeŋic jaŋe Gileade mâreŋko sawembiŋte ʒoaŋ wewefunaopec Eufrata opâ ʒiŋuc mâreŋ burocnere qaŋeŋnao wâc ŋec juc ewec.

¹⁰Eme jaŋe Saulore dameŋko Hagiri ŋic jaŋehec qaqac ehuc jopambiŋ. Ehuc Gileade mâreŋ ʒoaŋ wewefunaopec mâreŋ fowec i sâcke‐fârerâ boze‐jeŋicko ŋeŋe juju embiŋ.

¹¹Eme Gadere ŋokâfâc jaŋe Rubeŋte ɋâricfâc jaŋere ŋifecnao Basaŋ mâreŋko ŋeŋe juju ehapie raku Saleka haeo fisiwec jaŋere ʒâŋe ʒiŋuc:

¹²Joele e fekicne juwec; ere wahamicne ine Safam; ehame Jamai â Safati, ŋic iŋuczi Basaŋ mâreŋko jumbiŋ.

¹³Eme soctofafâc‐jeŋic jaŋere garikiŋ 7 ine kecʒiŋuc: Mikae, Mesulam, Seba, Jorai, Jakaŋ, Ʒia â Ebere.

¹⁴Ŋic i jaŋe hâcne Huri ŋokâ‐ticne Abihai ere ŋokâfâc. Eme Abihaire apa ŋiric ŋuruc ine ʒiŋuc: Jaroa, Gileade, Mikae, Jesisai â Buʒi.

¹⁵Eme Ahi Abadiele ŋokâ‐ticne â Gumire ŋosa hâcne, e garikiŋ‐jeŋicko ŋic fekicne juwec.

¹⁶Eme jaŋe Gileade mâreŋko â Basaŋ mâreŋko hae ŋerawec ira jurambiŋ. Erâ Saroŋ mâreŋko lama bulimakao jaŋere mâreŋ forawec ira ŋeŋe juju ehapie raku mâreŋ‐jeŋic qaŋeŋnao fisi‐fârewec. Ŋic i jaŋe Juda ŋicwofuŋ Jotam â Israe ŋicwofuŋ Jeroboam jahere dameŋko gaŋne gaŋne sâc biric‐jopakicne.

¹⁸Rubeŋ â Gade jahere ɋâricfâc erâ Manase guru dâkâne jaŋeraonec 44 tauseŋ 760 jaŋe ŋic hâhâwicmâc, â ʒikafac jâmbâŋ, erâ maro â ʒika â tepe wiac‐jeŋichec juhuc ʒikare ʒawiembiŋ.

¹⁹Eme jaŋe Hagiri ŋic, â Jeturu, Nafisi â Nodaba ŋic jaŋehec qaqac embiŋ.

²⁰Eme râsi jaŋe Rubeŋ, Gade â Manase guru dâkâne jopaniŋte babafic epie guru jajahec â nâfocne jaŋe ʒikaoa domahuc Anutu kio wâwâsic ecnepie eki erao râŋkembiŋte mana‐jarehuc Hagiri ŋic â bafic‐jopambiŋ ŋic guru i jaŋe Israe ŋic jaŋere meo râec‐jopawec.

²¹Eme qowifâc‐jeŋic ʒiŋuc bacjopa rambiŋ: Kamele 50 tauseŋ â lama 250 tauseŋ â doŋgi 2 tauseŋ, erâ ŋic ɋâricne 100 tauseŋ iŋuc bacjopa rambiŋ.

²²Anutuzi ʒika gie bawecte erâ ŋic bocjahazi hâmombiŋ. Eme Israe ŋic jaŋe râsifâc‐jeŋic jaŋere hae mâreŋko jukuhapie kâpâcwâru dameŋ‐jeŋic maickewec.

²³Manase guru dâkâne jaŋe fua sawec mâretec ehuc mâreŋ ʒiŋuc ira ŋeŋe juju embiŋ: Basaŋ, Baali‐Herimoŋ, Seniri â Herimoŋ tiki.

²⁴Eme garikiŋ‐jeŋic sâc irec micne ine ʒiŋuc: Efere, Isi, Eliele, Aʒariele, Jeremia, Hodawia â Jadiele. Ŋic i jaŋe garikiŋ sâc irec micne juhuc ʒâŋe biŋe rarahec â momori wânʒâŋ jujumbieŋ.

²⁵Erâ jaŋe apa ŋosafâc‐jeŋic jaŋere Anutu e sindaŋ ecnehuc, eki ʒâŋe fai‐jeŋicko mâreŋ rune jopa jâpec ejarewec jaŋere nemuɋâŋ wiac irec sasec sâko bâfuahuc ira siŋkembiŋ.

²⁶Iŋuc epie Israere Anutuzi Asiria ŋicwofuŋ Puli, ʒâŋe‐ticne moc Tigela‐Pilese, e ecneme fisirâ Rubeŋ â Gade jahere ɋâricfâc â Manase guru dâkâne jaŋe bacjopa rawec. Bacjopa rarâ Hala, Haboro, Hara â Goʒaŋ opâ ira guruc‐jopawec juŋgopieŋ.