Text copied!
CopyCompare
Kâte Bible - Binaŋ Qâhâc I

Binaŋ Qâhâc I 9

Help us?
Click on verse(s) to share them!
1Israe ŋic jaŋe gaŋne fua wefumbiŋ sâc qâreŋ‐jopakicne. Eme i Israe Ŋicwofuŋ jaŋere Papia Qizecko qâreŋkekicne. Eme Judaŋic jaŋe Anutu râpeckepie kâpâcwâru bacjoparâ Babe mâreŋko bacjopa rakicne.
2Eme hae mâreŋ‐jeŋicko juniŋte mocwâc risiembiŋ ine Israe ŋic, taha bapa, Lewiŋic hâcne, â taha ufuŋko kiŋaŋ gie gâcne bambiŋ jaŋe.
3Eme Judaŋic â Benjamiŋ â Eferaim â Manase ŋic gâcne jaŋe Jerusalem haeo ira fisirâ ŋeŋe juju embiŋ. Judaŋic ine ʒiŋuczi jumbiŋ:
4Amihudure ŋokâ Utai, Amihudu e Amirire ŋokâ â Omiri e Imirire ŋokâ â Imiri e ine Banire ŋokâ. Eme Utai e Judare ŋokâ Pereze ere ɋâric moc.
5Eme Selare ɋâricfâc jaŋeraonec ine mârâc ŋokâ‐ticne Asaja â ŋokâfâcne.
6Eme Ʒerare ɋaricfâc jaŋeraonec ine Jeuele â soctofafâc‐ticne, jaŋe ʒare‐jeŋic 690.
7Eme Benjamiŋte ɋâricfâc ine Mesulamte ŋokâ Salu; Mesulam e Hodawiare ŋokâ â Hodawia e Hasenuare ŋokâ.
8Erâ Jerohamte ŋokâ Ibeneja â Uʒire ŋokâ Ela; Uʒi e Mikirire ŋokâ. Erâ Sefatiare ŋokâ Mesulam; Sefatia e Reguele ere ŋokâ â Reguele e ine Ibanijare ŋokâ.
9Jaŋe gaŋne gaŋne fua wefumbiŋ sâc soctofafâc‐jeŋic jaŋehec qâturepie ʒare‐jeŋic 956 ewec. Ŋic i jaŋe kikefuŋfâc‐jeŋic jaŋere micne hâcne.
10Eme taha bapa jaŋeraonec ine ŋic kecʒiŋuc jaŋe Jerusalem haeo jumbiŋ: Jedaja, Jojaribi â Jakiŋ.
11Erâ Hilikiare ŋokâ Aʒaria, Hilikia e Mesulamte ŋokâ â Mesulam e Zadokore ŋokâ â Zadoko e Merajotire ŋokâ â Merajoti e Ahitubure ŋokâ. Ahitubu eki hâcne Anuture ufuŋte micne sâko juwec.
12Erâ Jerohamte ŋokâ Adaja; Jeroham e Pasahurure ŋokâ â Pasahuru e ine Malikiare ŋokâ. Erâ Adiele ŋokâ‐ticne Masai; Adiele e Jaʒerare ŋokâ â Jaʒera e Mesulamte ŋokâ â Mesulam e Mesilemi ere ŋokâ â Mesilemi e ine Imere ere ŋokâ.
13Erâ soctofafâc‐jeŋic 1 tauseŋ 760, garikiŋfâc‐jeŋic jaŋere micne hâcne, jaŋe jaŋehec mâmâc jumbiŋ. Jaŋe gie bapa saric ŋiczi Anuture ufuŋko gie bahuc jumbiŋ.
14Eme Lewiŋic jaŋeraonec ine ʒiŋuc: Hasubure ŋokâ Semaja, Hasubu e Aʒarikamte ŋokâ â Aʒarikam e ine Hasabiare ŋokâ. Semaja e Merarire ɋâric moc.
15Erâ Bakabaka, Heresi, Galali â Mikare ŋokâ Matania. Mika e Ʒikirire ŋokâ â Ʒikiri e Asafare ŋokâ.
16Erâ Semajere ŋokâ Obadia; Semaja e Galalire ŋokâ â Galali e ine Jedutuŋte ŋokâ. Erâ Asere ŋokâ Berekia, â Asa e ine Elikanare ŋokâ, Elikana e Netofati ŋic jaŋere hae bozeo ŋeŋerâ juwec.
17Eme haere sacmotâc soŋaŋ ine ʒiŋuc: Salum, Akubu, Talimoŋ â Ahimaŋ, eme soctofa‐jeŋic Salumzi ine jaŋere fekicne juwec.
18Ŋic i jaŋe ŋicwofuŋte haesac ʒoaŋ wewefunaopec i soŋaŋkehuc juniŋte mujarekicne. Jaŋe Lewiŋic jaŋere hae turuŋne irec haere sacmotâc soŋaŋ jumbiŋ hâcne.

19Eme Korere ŋokâ Salum, apa ŋosa jahec‐ticne Ebiasafa â Kora e mecne erâ apa ŋosafâcne jaŋere kikefuŋfâc, soctofafâc‐ticne Koraŋic hâcne, jaŋe gie i ruckerâ qoruc bozere motâc soŋaŋkehuc jumbiŋ. Jaŋe apa ŋosafâc‐jeŋic jaŋe Wofuŋte teuŋ i ruckerâ motâc‐ticne soŋaŋke jumbieŋ irec sâc jaha ehuc jumbiŋ hâcne.
20Eme Eleaʒare ŋokâ Pinehasi e Wofuŋzi ehec juhame juwicnao Israe ŋic qaŋeŋ‐jopahuc juwec.
21Eme Meselemiare ŋokâ Ʒekaria e qoruc boze irec motâc soŋaŋ juwec.
22Eme motâcko soŋaŋ juniŋte bâwosâec‐jopakicne sasawa jaŋere ʒare 212 ewec. Jaŋe hae‐jeŋicko gaŋne gaŋne fua wefumbiŋ sâc biric‐jopakicne. Eme Dawidi â micne Samue jahe mana‐jarepire sâckeme gie ira râec‐jopapic.
23Eme irec jaŋe jaŋacne â ŋokâfâc‐jeŋic jaŋe Wofuŋte ufuŋ, qoruc boze hâcne, irec motâc soŋaŋ gie i qizeckerâ jumbiŋ.
24Ehuc haere sacmotâc ʒoaŋ wewefunao â huhunao, erâ faic â juwic fowec i soŋaŋkehuc jumbiŋ.
25Ehame soctofafâc‐jeŋic hae boze‐jeŋicko jurambiŋ jaŋe dameŋ sâc ʒoaŋ gie bapa 7 tarame fisirâ bafic‐jopaniŋte mujarekicne.
26Eme Lewi guruonec haere sacmotâc soŋaŋ micne jahec â jahec jaŋe Wofuŋte ufuŋ maŋne maŋne â ira wiac furi sâko forawec i qizeckerâ soŋaŋkembiŋ.
27Ehuc Anuture ufuŋ i râreckehuc ira ŋeŋe juju embiŋ. Ufuŋ hone soŋaŋ ee â furic sâc motâc roro gie i jaŋere faio fowec hâcne.
28Eme jaŋeraonec ŋic gâcne jaŋe râqâc wiac soŋaŋkehuc batac bawarec epie sâc woseniŋte mujarekicne.
29Ehame gâcne jaŋe ine ŋeŋe â râqâc tirine â poroŋ uucne â waiŋ â wokemaŋ â hosâc âsu ririkere wiac â âsu biaŋ gâcne i soŋaŋkeniŋte âkendâŋ‐jopakicne.
30Ehame taha bapa jaŋeraonec gâcne jaŋe wiac âsu biaŋ i râe bâmoc ehuc jâricke jumbieŋ.
31Eme Lewiŋic moc ʒâŋene Matitia, Korare ɋâric Salumte mârâc ŋokâ, e poroŋ dadapic bapa i qizeckerâ soŋaŋkeha bahuc jumbiŋ.
32Eme soctofafâc‐jeŋic Kohati ŋic jaŋe ine sabata hombaŋ sâc poroŋ rike bâmoc erâ Wofuŋte maio rârâe gie i qizeckerâ bahuc jumbiŋ.
33Eme Lewiŋic garikiŋ sâc irec micne jaŋe taha ufuŋ maŋnao juhuc gie gâcne mi bapa ŋafe ʒoaŋ gae hehe gie bahuc jumbiŋ.
34Erâ ŋic i jaŋe hâcne Lewiŋic garikiŋ sâc gaŋne gaŋne fua wefumbiŋ jaŋere micne bahuc Jerusalem haeo wâc jumbiŋ.
35Jeiele e Gibeoŋ hae barâ ira juwec, ŋonâŋ‐ticnere ʒâŋe Maka.
36Mârâc ŋokâ‐ticnere ʒâŋe ine Abadoŋ, eme ere faicnao fuambiŋ ine Zuru, Kisi, Baali, Nera, Nadaba,

37Gedoro, Ahio, Ʒekaria â Mikiloto.
38Eme Mikiloto e Simeamte mamac; ŋic i jaŋe soctofâc‐jeŋic jaŋehec mâmâc jaha Jerusalem haeo jumbiŋ.
39Eme Nera e Kisire mamac â Kisi e Saulore mamac â Saulo e ine Jonataŋ â Malikisua â Abinada erâ Esebali jaŋere mamac.
40Eme Jonataŋte ŋokâ ine Meribali â Meribali e ine Mikare mamac.
41Eme Mikare ŋokâfâc ine ʒiŋuc: Pitoŋ, Meleke, Tarea â Ahaʒi.
42Eme Ahaʒi e Jarare mamac â Jara e ine Alemeti, Aʒamaweta â Zimiri jaŋere mamac, â Zimiri e ine Mozare mamac.
43Eme Moza e Bineare mamac; eme Refaja e Bineare ŋokâ â Eleasa e Refajare ŋokâ â Azela e Eleasare ŋokâ.
44Eme Azela ŋokâfâcne 6 jumbiŋ, jaŋere ʒâŋe ine ʒiŋuc: Aʒarikam, Bokeru, Isimae, Searia, Obadia â Hanaŋ. Ŋic i jaŋe hâcne Azelare ŋokâfâc.