1Le Judaskere čhave sas o Perec, o Checron, o Karmi, o Chur the o Šobal.
2O čhavo le Šobaloskero sas o Reajah, leskero sas o Jachat a leskere o Achumaj the o Lahad. Kala savore sas andral e fajta, so bešenas andre Cora.
3O Chur sas o nekphureder čhavo le Kaleboskero la Efrataha. Ov ačhaďa o Betlehem. Le Chur sas trin čhave: o Etam, o Penuel the o Ezer. Le Etam sas trin čhave: o Jezreel, o Jišma the o Jidbaš a jekh čhaj e Haclelponia. O Penuel ačhaďa o foros Gedor a o Ezer o foros Chuša.
5O Ašchur ačhaďa o foros Tekoa a sas les duj romňija: e Chela the e Naara.
6La Naaraha sas les štar čhave: o Achuzzam, o Chefer, o Temeni the o Achaštar.
7La Chelaha les sas o Ceret, o Jecochar the o Etnan.
8Le Kocoskere čhave sas o Anub the o Cobebah. Le Acharcheloskere fajti sas le Kocoskere potomki. O Acharchel sas čhavo le Harumoskero.
9Le Jabec denas bareder pačiv sar leskere phralen. Leskeri daj leske diňa nav Jabec, bo phenďa: “Andro dukha les anďom pro svetos.”
10Andre jekh džives o Jabec vičinelas pro Izraeloskero Del: “Mangav tut, požehňin man, hoj man te el mek buter phuv. Mi ľidžal man tiro vast a odle mandar savoro nalačhipen, so man šaj dukhavel.” Avke o Del les diňa savoro, so lestar mangelas.
11Le Šuchoskero phral sas Kelub. Leskero čhavo sas o Mechir a leskero Ešton.
12Le Ešton sas trin čhave: o Bet-Rafah, o Paseach the o Techinnah, savo ačhaďa o foros Ir-Nachaš. O potomki kale muršengere dživenas andre Recha.
13Le Kenaz sas duj čhave: o Otňiel the o Serajah. Le Otňiel sas duj čhave: o Chatat the o Meonotaj.
14O Meonotaj sas dad le Ofroske. O Serajah sas dad le Joaboske, savo ešebno (peršo) geľa te bešel andre dolina Ge-Charašim, kaj dživenas o majstri.
15Le Kaleb, le Jefunnoskere čhas, sas trin čhave: o Iru, o Elah the o Naam. O Elah sas dad le Kenazoskero.
16Le Jehallelel sas štar čhave: o Zif, o Zifah, o Tirjah the o Asarel.
17Le Ezrah sas štar čhave: o Jeter, o Mered, o Efer the o Jalon. O Mered peske iľa romňake la Bitiah, savi sas čhaj le Faraonoskeri. Laha les sas e Mirijam the duj čhave: o Šammaj the o Jišbach, savo ačhaďa o foros Eštemoa. O Mered peske iľa the romňa andral o kmeňos Juda. Laha les sas aver trin čhave: o Jered, savo ačhaďa o foros Gedor, o Cheber, savo ačhaďa o Socho, the o Jekutiel, savo ačhaďa o foros Zanoach.
19O Hodijah peske iľa le Nachamoskera pheňa romňake. Lengere potomki sas e fajta Garm, savi bešelas andro foros Keila, the e fajta le Maachoskeri, savi bešelas andro foros Eštemoa.
20Le Šimonoskere čhave sas: o Amnon, o Rinnah, o Ben-Chanan the o Tilon. Le Jišioskere čhave sas o Zochet the o Ben-Zochet.
21O Šelah sas jekh le Judaskere čhavendar. Leskere potomki sas o Er, savo ačhaďa o foros Lecha; o Laadah, savo ačhaďa o foros Mareša; o fajti andral e Bet-Ašbea, save džanenas te kerel le ľanostar o pochtana;
22o Jokim the o murša andral o foros Kozeba; o Joaš the o Saraf, save ľidžanas o Moab, ale paľis pes odarik visarde andro Lechem. Ale ada hin čirlatuno vakeriben.
23On sas ola, save kerenas la čhikatar o čare, bešenas andro fori Netaim the Gedera a služinenas le kraľiske.
24Le Šimeonoskere čhave sas o Nemuel, o Jamin, o Jarib, o Zerach the o Šaul.
25Le Šauloskero čhavo sas o Šallum, leskero čhavo o Mibsam a leskero čhavo o Mišmas.
26Le Mišmasoskero čhavo sas o Chammuel, leskero čhavo o Zachur a leskero čhavo o Šimej.
27Le Šimej sas dešušov (16) murša the šov čhaja, ale leskere phralen na sas ajci čhave, vašoda le Šimeonoskero kmeňos na sas ajso baro sar le Judaskero.
28On bešenas andre Beer-Šeba, Molada, Chacar-Šual,
29Bilha, Ecem, Tolad,
30Betuel, Chorma, Ciklag,
31Bet-Markabot, Chacar-Susim, Bet-Biri the andro Šaarajim. Kala sas lengere fori dži akor, medik kraľinelas o David.
32Lengere pandž gava sas o Etam, o Ajin, o Rimmon, o Tochen, o Ašan
33the mek savore gava, so sas pašal lende dži paš o foros Baal. Kala hine o thana, kaj le Šimeonoskere potomki bešenas, sar sas pisimen andre fajtengere zvitki.
34Kala murša sas vodci andre peskere fajti: o Mešobab, o Jamlech, le Amacijoskero čhavo o Jošah, o Joel, o Jehu – savo sas čhavo le Jošibjoskero, ov le Serajoskero a ov le Asieloskero – o Eljoenaj, o Jaakobah, o Ješochajah, o Asajah, o Adiel, o Jesimiel, o Benajah the o Zizas, o čhavo le Šifioskero, ov le Allonoskero, ov le Jedajoskero, ov le Šimrioskero a ov le Šemajoskero. Lendar ačhiľa bari famelija,
39vašoda odarik gele het a džanas paš o Gedor pro vichodos ola dolinatar te rodel čar prekal peskere stadi.
40Arakhle ode igen bari the lačhi maľa. Andre odi phuv sas smirom a šunenas pes ode mištes. Angloda andre odi phuv bešenas o Chamčana.
41Avke kala fajti avle andro Gedor, sar kraľinelas andre Judsko o Chizkija. Le Chamčanengere stani čhide tele a le Meuniťanen, save ode bešenas, murdarde avri a zaile lengere thana, bo ode sas maľi prekal lengere stadi. Avke ode bešen dži adadžives.
42Pozneder vaj pandž šel (500) murša andral o kmeňos Šimeon gele pro verchi Seir andro Edom. Ľidžalas len o Palatiah, o Neariah, o Refajah the o Uzziel, le Jišioskere čhave.
43Murdarde le Amaleken, save ode mek ačhile, a ode bešen dži adadžives.
